အနောက်စျေးကလူဆိုးလေး
အပိုင်း( ၅)
" ဟိုလေအစ်ကို ကျွန်တော်ဒီမှာပဲဆင်းလိုက်တော့မယ်"
" ဘာဖြစ်လို့လဲ စျေးအထဲထိလိုက်ပို့ပေးမယ်လေ... "
" ဟင့်အင်း... ဆိုင်ကယ်ကို စျေးပြင်မှာပဲရပ်ပေးပါ
ကျွန်တော့်ဘာသာပဲ ပြန်လိုက်မယ်... "
" ကောင်းပါပြီ... "
မော့်ဘက်က တောင်းဆိုနေတာမို့ မိုးညလည်း
လိုက်လျောလိုက်ရပြီး စျေးအပြင်မှာပဲ ဆိုင်ကယ်ကို
ရပ်ပေးလိုက်သည်။
" ကျွန်တော် အရင်သွားတော့မယ်နော်အစ်ကို ...
အော် လွယ်အိတ်လေး..."
မော်က ဆိုင်ကယ်ပေါ်ကဆင်းပြီး အရင်နှုတ်ဆက်စကား
ဆိုလိုက်ပြီး သတိတရနဲ့ သူလွယ်ထားသည့် လွယ်အိတ်လေးကိုပါ ချွတ်ပေးခဲ့သည်။
" အင်း ဒီနေ့အတွက်ကို့ကို အဖော်ပြုပေးခဲ့လို့
ကျေးဇူးတင်ပါတယ်... မော် "
ဟု ဆိုလေရာ မော်ဦး'ခေါင်းလေးငြိမ့်လိုက်ပြီး
မိုးညကို ကျောခိုင်းလျက် စျေးထဲသို့
ဝင်သွားတော့သည်။
မော်ပြန်လာတော့ အမေက အရှေ့ကုန်စုံဆိုင်က
ဒေါ်ကြိုင်နဲ့ စကားစမြည်ပြောရင်း ထိုင်နေသည်ကို
ဦးစွာတွေ့လိုက်ရပြီး ဒေါ်ကြိုင်၏ သမီးသုံး
ယောက်ကတော့ ဆိုင်သိမ်းဖို့ လုပ်နေကြသည်။
" မော်ပြန်လာပြီလား... "
ဟု အမေက သူ့သားကို မြင်မြင်ခြင်း
ထိုသို့ဆိုခဲ့သည်။
"ဟုတ်ကဲ့... "
သူ့အမေမအေးမာသည် ရယ်မောလျက်
ဒေါ်ကြိုင်ပြောပြနေသည့် သူမငယ်ငယ်
အလွဲများကို များစွာသဘောကျဟန်တူ၏ ။
မော်ဦး အမေ့ကို သမင်လည်ပြန်တစ်ချက်ပြန်လှည့်ကြည့်
လိုက်ပြီး အိမ်ထဲသို့ဝင်သွားလေတော့သည်။
အကယ်၍ အမေကသာ ဘယ်တွေသွားနေတာလဲ
အကြာကြီးပဲဟု စစ်လားဆေးလားမေးမြန်းလာခဲ့သည်ရှိ
သော် မော့်ခေါင်းထဲ ဆင်ခြင်ပေးစရာကား တစ်ခုတည်း
ရှိနေခဲ့သည် ။
ကျော်ကျော်အိမ်မှာစာသွားလုပ်နေတယ် ။
ကျွန်တော်သာ အစ်ကိုမိုးညနဲ့ လိုက်သွားကြောင်း
အမေ့ကိုအမှန်အတိုင်းပြန်ပြောခဲ့သည်ရှိသော်
အမေစိတ်ဆိုးကောင်းစိတ်ဆိုးနိုင်သည်။
ဘာ့ကြောင့်ဆိုသော် အစ်ကိုမိုးညက စရိုက်မကောင်း
ပဲ ဆိုးသွမ်းနေသည့်သူ ဖြစ်နေတော့ လူမိုက်ဆိုလျှင်
အဝေးကရှောင်ဖို့ပြောလာလိမ့်မည်။ အခုလိုအမေက
မမေးတော့ ကျွန်တော်လည်း အမေ့ကို ညာပြောဖို့ရာ
မလိုအပ်တော့ဘူးပေါ့ ။
YOU ARE READING
အနောက်စျေးက လူဆိုးလေး#
Romanceတစ်နေ့မှာ အနောက်ပိုင်းမနက်စျေးက ကောင်ဆိုးလေး တစ်ယောက်ရဲ့မျက်နှာချင်းက ကုန်စုံဆိုင်ရှေ့ကို ခေါက်ဆွဲသည်မိသားစုလေး တစ်စုက ရုတ်တရက်ပြောင်းရွှေ့လာခဲ့တယ်။ မိသားစုက ထိန်းချုပ်မနိုင်တော့အောင် ဆိုးပေနေတဲ့ကောင်ဆိုးလေးနဲ့ နွေးထွေးကြင်နာတတ်တဲ့ကောင်လေးတစ်ယောက...
