အတ္တများ၏အလွန် (Completed)

အခန်း ၁

(Uni Code)

*ခွမ်း*

"ငါ-ိုးမသားတွေမင်းတို့‌ေ-ာက်ချိုးတွေပြင်ထား"

KSK Barအတွင်း၌1885ခုနှစ်ထုတ်ဝိုင်ပုလင်းကွဲကြီးအားကိုင်ထား သောကောင်လေးသည်ကြမ်းပြင်၌လူးလိမ့်ကာခေါင်းပေါ်မှသွေးတစ်တောက်တောက်ကျနေသောလူအားကြည့်ကာဆိုလိုက်ခြင်းဖြစ်သည်။ထိုလူအားသေချာစိုက်ကြည့်ကာသွေးစအချို့ကပ်နေသောဝိုင်ပုလင်းကွဲအား လှဲကျနေသူ၏မျက်နှာရှေ့သို့ပို့လိုက်သည်။

"ငါ့လိုလူကိုမင်းလိုစာကလေးဂိုဏ်းကကောင်ကနိုင်မယ်ထင်နေလားဟက်..."

"-ီးကိုစာကလေးဂိုဏ်းလားဇာမနီကွဇာမနီ"

လဲကျနေသောကောင်လေးမှမခံမရပ်နိုင်စွာထပြောလေတော့ဝိုင်နောက်တစ်ပုလင်းအားယူကာ‌ ထိုကောင်းလေး၏ခေါင်းအားထပ်မံရိုက်ခွဲလိုက်သည်။

*ခွမ်း*

"မင်း‌ေ-ာပေါက်ပိတ်ထားလို့ငါပြောနေတယ်နော်"

"...."

လဲကျနေသောကောင်လေးမှာဘာသံမှထပ်မထွက်ရဲတော့ပဲသွေးများကြားထဲငြိမ်ကုပ်နေသည်။ရင်ဘတ်ပေါ်မှတက်နင်းထားသောခြေထောက်ကိုလည်းတောင့်ခံနေရသေးသည်။

"ဒီမှာစာကလေးပေါက်စမင်းတို့ရဲ့‌ဆရာငှက်ဆိုးကြီးကိုပြောလိုက်မြတ်မင်းသိက္ခာဆိုတဲ့ငါ့ကိုလာထိချင်ရင်ငါ့အဆင့်အတန်းကိုမှီလာအောင်အရင်ကြိုးစားလိုက်ဦးလို့…ဟမ့်!"

ထို့သို့‌ပြောပြီးခြေထောက်ဖြင့်တက်ဖိထားသောကောင်လေးအားတစ်ချက်ဆောင့်ကန်ကာ‌Treasurer Cigarettes အားဖွာရှိုက်ရင်းKSK Barအတွင်းမှ Koenigsegg CCXR Trevitaငွေမှင်ရောင်ကားပေါ်သို့တက်ကာမောင်းထွက်သွားလေတော့သည်။

•••••••••••

"လင်္ကာရေသားလေးဒီဘက်ကိုရေတစ်စည်လာဖြည့်ပေးဦး"

"ဟုတ်ကဲ့ဒေါ်လေးကြည်ကျွန်တော်အခုဖြည့်ပေးမယ်ဗျ"

ပြောရင်းနှင့်ပင်ထိုကောင်လေးသည်ရေစည်လှည်းအားတွန်းကာရွာထိပ်မှစမ်းချောင်းလေး၌ရေတစ်စည်သွားသယ်သည်။ရွာလမ်း‌တစ်လျောက်လဲသီချင်းက‌လေးညည်းရင်းလှည်းအားတွန်းလာသည်။စွပ်ကျယ်ချိုင်းပြတ်အပြဲကလေးနှင့်ဆွေးမြေ့နေသောကြောင့်ချုပ်ရာပရပွနှင့် ပုလဲပေါက်လုံချည်‌အနွမ်းကလေးအားဝတ်ထားသော်လဲသူ၏ချောမောမှုများကမှေးမှိန်မသွားပေ။ထောင့်သိပ်မဆန်သောမျက်နှာချောချော
ပေါ်ဝယ်ကုလားမင်းသားများကဲ့သို့နှာတံဖြောင့်စင်းစင်းနှင့်နှုတ်ခမ်းသားထူထူရဲရဲကလေးများကချောမောမှုအားပံ့ပိုးနေသယောင် ခပ်ထူထူဆံသားနက်နက်များသည်ဖြောင့်စင်းနေကာဂုတ်ထိပင်ထောက်အောင်ရှည်နေပီဖြစ်သောကြောင့်တစ်ဝက်ကိုစုစည်းထားပီးကျန်တစ်ဝက်အားဒီတိုင်းချထားလေသည်။မျက်ခုံးထင်းထင်းများနှင့်မျက်ဝန်းဝိုင်းဝိုင်းကြီးတွေကပကတိဖြူစင်နေကာမျက်တောင်ရှည်များကယပ်တောင်ကြီးများသဖွယ်ကော့ညွှတ်နေပုံကမြင်ရသူအဖို့အကြည့်မလွဲချင်စရာကောင်းအောင်ကိုချောမောလွန်းသည်။