قبل مانبده تصويت ومتابعه ع حساب
تعليقاتكم الحلوه ع كل فقره
قراءَ ممتعه نجماتي
بَقلم كاتبه :بتول البياتي
_____________________________
دخلنه جوه و أصوات صواريخ والنفجارات بدت اكثر الوضع جان موتر كلشش
عوائل طلعن و طلع ذاك الرجال صاحب البيت يكللهم ابقو اهنا بليل طلعو الوضع ميطمن بس هما مطنشين و حالفين يطلعون
ضلينه احنه بيتهم ويانه كم عوائل والخوف ياكل بينه اكل
ماما حاضنة ريحانه و اني داخله بحضن فاطمه و زينب بصفنه.... و الصواريخ احسه فوك راسنه و كل شوي يوكع فد صاروخ
اساسا جنه غاسلين ايدنه جنة متأكدين راح نموت جنه بين الحياه والموت كاعدين كلياتنا نبجي ماكو بدينا شي اذا نطلع يكتلونا واذا بقينا لو ننفجر ونطشر لو يدخلون و يكتلونا ع الحالتين ميتين .. و صوت صراخ نسوان يتعلعل بـ اذنه ونبجي عايشين برعب
و صوت السلاحه و صوت دواعش هيج الخوف متربعه بنصنه
و من شفنه حالتنا ازدات و القناص والنفجارات كلها علينه اضرينه نطلع
و العائلة الكاعدين بهذا البيت هم كالو راح نطلع وياكم
:- الوضع ميطمن لازم هسه نطلع
:- وين نروح والله اذا شافونا يفلشون راسنا
:-"شنسوي ع الحالتين ميتين ميتين ع اقل نطلع منا لان هذا البيت صار خطر النا
كمنه بسرعه نلملم أغراضنه والرياجيل راحو للديوان يتفاهمون وبابا انقهر حيل ولا شي اجه مثل ماخطتنه
صار ظهر و الصوت شوي بده يخفف و أولادهم كلهم لبسو شماغ بس عيونهم يبين و احنا نسوان لبسنه نقاب
و راح وحد من أولادهم يشوف الأوضاع شلون بلكه نطلع لو لا
و ماما لازمه بدينه وتصبر بينه مصار هواي و اجه ابنهم و كال يله نتوكل
:-" وينهم شفتهم
:- رحت ع كم مطنقه مجانو موجودين
هز راسه و كام وكال يلا نتوكل اجه بابا يمنا يطمنا و جان خايف إلنا يهدينا..
و فعلا طلعنه و جان دنيا بعدها ممعتمه
ضلينه نمشي لوقت هواي و مو اي منطقته ندخله حسب مناطق الامانه ندخله
و ريحانه هلكت من تعب حقها ما الومها حرفيا تعبنه حيل رجلينا خيوط صارن انهلكنا انفاسنه انكطعت
و النسوان الويانه كلساعه يكعدون يرتاحون و جوه باااارد حسيت خشمي تجمد من البرد وجهنا احمر لافين روحنا بالعبايه وعيونا تراقب بصمت وبخوف شديد
فچا اجه صاروخ مر من فوكنه بلمحت بصر و وكع ع بيت بي عوائل و بده يحتارك البيت كله المنظر الشفته ابدد ما انسه شلون انحرك وشلون صوت نسوان واطفال يعيطن يبجن
أنت تقرأ
بين أيادي دواعش.
Mistério / Suspenseروايه حقيقية . عائله عراقيه.. رجلاً شرس وَ ربما يدعي دنيبر ! ذو حُسن الوجهه العيون جوزيات الناعسة . و الحواجب كسيف و طويل القامه شخصيه الغامضه والبارده! يفعل ما. يشأ ولا يملك المرحمه. مع اعدائه!. . . يتحدث عن حرب في الموصل.. حب..قتل.جريمه.زواج...
