بين أيادي دواعش.

Part 40

قبل ما نبده تصويت ومتابعه ع حساب

تعليقاتكم الحلوه ع كل فقره

قراءه ممتعه نجماتي.🤍

بقلم كاتبه :بتول البياتي

_________________________________________

"" "" "

وگفنه تكسي بلطريق و خلاني ورى وهو صعد كدام

ردت اسئله وين تودينا لان حرفيا كلشي ملحكت اسئل
_ حبت

مخلاني اكمل فورا باوعلي وخزر بيه واني خزرته
_ ها مرتي

هزيت يدي اشو هذا صدك نفسه
_ وين ماخذنه؟

_ شوي وتعرفين

معلقت باوعت ع شارع و مشى بينا هواي الا ان وصلنه ع منطقه بيها بيوت مرتبه و ناس عايشه عادي وبكل بيت بصفه حديقه كلش مرتبه وحلوه..

نزلت اني وهو نزل بعدما دفعله اجه كمش يدي مااهتميت لان جان عندي فضول اعرف
_ وين احنه؟

_ باعي ديما

_ امم

_ جبتج ع بيت اهلي

الف سؤال يدور براسي
_ بس ليش! .. و اساسا انت عندك أهل!!

_ ماكو امان الج غير اهنا .. و ششيفتني مقطوع من الشجره

_ مدري متحجي عنهم ولا تروحلهم

_اي شغلي هذا

زفرت قوي لان هم بده يضم شغله عني
-حظرتك شوكت تاخذني البيت اهلي

حجه بستسلام
_ هليام صدكيني هليام مابقى شي و اخذج الهم

فرحت بس ماردت ابينله خفت يقشمر عليه
_ مجاي اصدكك بعد انت دائما تخليني اتحمس ويكون عندي امل وبعدين بحح كلشي ماكو

_ والله راح اخذج بس اصبري وراح احجيلج كلشي تردين تعرفين اجه وكته

_ والله!!

_ والله بس لازم باجر اروح ان شاء الله وهسه ادخلج ع البيت أمن عليج يلا اتوكل

_ انت ليش دا تختفي هليام! وين داتروح

_ دا يحققون وياي لان عرفو بيه زوجتج

بديت اشك بي و بشغله الغامضه واذا عرفو بي متزوج شراح يصير؟
_ اي وذا!.

باوع لعيوني كأنما قرأ الكلام يدور بذهني و رفع عينه ع سما و حجه بستسلام
_ احنه القوات الخاصه

رجف كل اطرافي فتحت عيني ع كبره مصدومه كلششش يعني كل هليام اني جنت بيد ناس يخاف الله!!! رمشت عدت مره معرفت اضحك لو ابجي
_ عود صدك تحجي انت!!!

_ اي والله اني و الشباب كلنه فريق واحد

كل اطرافي يرجف باوعتله بتمعن
_ مجاي تجذب مو!!..