ملك روحي

التسع حلقات الاولى

قصتي لا تشبه القصص الي منتشرة لكنها حدثت بالفعل اتمني ان تكون قصتنا عبرة و فيها الفائدة وانا متاكدة نهار كملو حكايتي راح تتبدل نظرتكم الي الحياة قراءة ممتعة
انا اسمي ملك من عائلة متوسطة الحال ساكنين مع دار عمي وجدة ام بابا عايشة معانا كنا عايشين في سلام و سعادة جابتني ماما و مقدرتش تزيد تجيب اولاد وهدا الي خلاني المدللة تاع جميع الافراد حتي عمي و مرتو يحبوني و كانني بنتهم
ماما كان بابا فاتحلها محل تحت دارنا فاتحتو صالون حلاقة صح ماشي محترفة لكن عندها زبائن

و اخيرا قالت مرت عمي انها بالحمل هداك الوقت عندي خمسة سنوات جابت طفل سموه احمد واخيرا رجع عندنا امل انني منكونش وحدي في الدار حتي لقينا ماما بالحمل هي تاني كملت فرحتنا و بدات عائلتنا تكبر ورجعت الدار معمرة اطفال
و عمي كان هو الي دايما معانا خاصة منين بابا يخدم بعيد وكنا كل عام عندنا بيبي جديد من مرت عمي و من امي ولات جدة تقولهم عرايسنا ارانب كل عام بالحمل ههههههههههههههه
وفاتو الاعوام و صار عندنا في الدار 10 اطفال منهم ثلاث بنات بما فيهم انا و 8 دكور في اخر حمل تاع مرت عمي كانت مريضة بزاف فاتت عليها فترة الحمل صعيبة حكمها الوجع طلعت تولد جابونا الرضيعة و هي ربي دا امانتو خلات مسكينة ثلاث بنات و اربعة دكور اخر طفلة عندها ثلاث ايام ملي زادت
جدة قامت بالواجب و ماما وانا وليت نعاون امي في الحانوت تعلمت بزاف حوايج في اوقات الي منقراش فيهم
هدوك كانو اخر ايام الي حسيت فيهم بلي راني المدللة وعايشة في امان و الكبيرة تاع الدار كل طلباتي اوامر ورجع في عمري 16 سنة و احمد 11 سنة ولاد عمي و خويا محمد10 سنوات و الباقي هدا تحت هدا و اخرهم لما الي ماتت امها و هي تولد فيها
بعد موت مرت عمي حالة عمي تراجعت بزاف و رجع من بيتهم ميخرجش حتي خدمتو حبسها وبقا بابا فقط الي يصرف علينا
بعد اشهر عمي زاد عليه الحال ومات ربي يرحمو
وبقا هداك الحمل تاع العايلة كامل على بابا كلشي نتقاسموه وانا حتي في الماكلة المهم نوكل خوتي الي هوما خوتي وولاد عمي مكنتش نفرق بيناتهم كنا عائلة متماسكة وراضيين بالي عطاهولنا ربي الي انا اراد الله ان تنقلب الموازين بعد ستتة اشهر جاو يطبطبو علينا الناس قالو ليما و جدة بلي باباك دار حادث و تحرق هو الي معاه داخل السيارة هنا ماما طاحت من طولها مقدرتش تستوعب وانا جداتي تحت الصدمة غير نبكيو و نعيطو من الحزن على بابا و من الحمل الي يستنى فينا و الحيرة تاع الاولاد الي معندهم حتي واحد يعيلهم
ماما جابوها من السبيطار و هي في حالة لاوعي حتي الماكلة لازم واحد يوكلها و كانها جثة بدون روح حتي خويا الي يرضع مولاتش تقدر ترضعو من الصدمة تاع موت بابا
جاو ناس الخير جيران و معارف كي سمعو بموت بابا
جابولنا قضيان مواد غدائية من كلشي و دارولنا جنازة فاتو ثلاث ايام تاع الجنازة كل واحد راح لحالو و احنا بقينا وحدنا مع 11 طفل و امي في عالم اخر و جدة كبيرة و انا طفلة في عمري 16 هنا تبدا معاناتي او ممكن تسموه صراعي في الحياة
حبست القراية و بديت نعاون جدة في الاولاد و نوض عند الفجر نطيب الماكلة تاع غدا و عشاء و نروح نفتح المحل تاع الحلاقة الحمد الله كنت نعرف و خير من يما و يجونا شلة تاع بنات بشكل يومي و كل نهار و بركتو وليت نجري نهار طول كي يطيح عليا الليل نتصرع في بلاصتي مانجيب خبر حتي نسمع ادان الصبح نوض نتوكل على ربي و ندعي ربي يعيني و نقدر نوكل الايتام هدو ونعيشهم ومنخليهمش يحسو بالعوز و الحاجة انا انا عيشة فيها
وتوالت الايام نوصل محمد و احمد للمدرسة و نرجع كان احمد ولد عمي هو الي يسندني رغم عمرو الصغير بصح نحس انو عارف واش صاير و ملقاش كيفاش يعاوني هو اصلا كان كتوم و منطوي لكن وليت كي نجي من الخدمة نلقا الدار نقية و مفروزة و الاولاد قاريين كاتبين التمارين ولقيت احمد هو الي يعاوني و ممبعد تعاون معاه اخي محمد فاتو العام الاول و دخلو الاولاد يقراو وزادد الحمل لازمهم ادوات محافظ مصروف وليت نبات نخمم كيفاش ندير ربي وحدو الي عالم واش صاير فيا و كي نرقد دمعتي في عيني خايفة نكون مقصرة في حقهم
كانو مجموعة بنات يجو عندي للصالون بنات حبابات ناس ملاح كل يوم يجو نخدملهم شعورهم مكياجهم المهم نخرجهم عرايس
وكانت طفلة ملي يجو عندي للصالون حنينة و ناس ملاح و طيبة اسمها نور قلتلها شوفيلي خدمة الله يعطيك ماتتمني لان المصاريف زادت منن زادو دخلو الاولاد الاخرين يقراو قالتلي اوكي
من غدوة رجعت و قالتلي ادا تعرفي تطيبي قلتلها ايه نعرف شافت معايا و تبسمت قالتلي متاكدة قلتلها ايه و الله نعرف ندير كلشي قالتلي دار خالتي الي احنا ساكنين فيها محتاجين وحدة تطيبلنا ادا توافقي تخدمي عندنا قلتلها بدون تردد نعم
(الطفلة تخدم في بيت دعارة)
وانا منعرفش و صغيرة
ياترى مادا يخفي القدر للصغيرة ملك