ملك روحي

الحلقة 154 الي 156

لحلقة 154
ملك_روحي
لما بعد ماراحت ماما و بابا تاني نهار قالي الشيخ علي هيا نروحو لبست قشي و لميت الثش الي جبتو معايا و روحت معاها كي وصلنا لقينا الشيخة فاطمة عاملة غدا و و حفلة باه تستقبلنا سلمنا على الناس و هي فرحانة بينا و تسلم و تعاود و تباركلنا قالي علي اطلعي بدلي و ممبعد اهبطي اقعدي مع الناس طلعت و معايا ماري وراتلي الجناح الي جهزو علي ليا و ليه كي دخلت تشوكيت في الديكور تاع الجناج كشي روعة لقيت بيت فيها باب تاع دوش و وباب اخرى تدخل للبيت اخرى باينة عملها ليه رحت للخزانة لقيت فيها اشكال و الون تاع اللبسة كمال تاعي دخت تدوشت و بدلت ستيكت روحي لقيتو عيطلي قالي وينك ماليك راهم قريب يوصلو والناس تسقسي وينها العروسة قلتلو راني جاية لبست قفطان بالليمونش و مكياج مناسب و هبطت لقيت الشيخة فاطمة تستنى فيا مع شافتني بادات تزغرت و فرحانة دخلتني وين النساء الي كان نصهم فرحان و نصهم زعفان قعدت و كامل سلمو عليا و هناوني بالزواج ووليت في نصهم كي النجم الي تضوي حتى لقيت ماما دخلت تزغرت و فرحانة قالت الشيخة فاطمة استرو رواحكم خاوة العروسة داخلين ومعاهم علي دخلو كامل يسلمو عليا و في يديهم جابولي كادويات و بابا سلم على راسي جاء اخر واحد ميار سلم عليا و و حضني لقيت علي يتخنزر معاه و قالي ياترى نحن هنا ولا يضحك عليه احمد و قالي هدو كي التوام كي تفرقو معجزة خرجو و بقيت مع ماما و النساوين يحكيو و يضحكو و انا في عالم اخر ونحاول نتخيل كيفاش راح مكل حياتي هكا وحد الساعة و قالتلي ماما حبيبتي احنا نروحو و الله طريق طويلة و باباك تعرفيه كملت الحفلة و طلعت لبيتي و مشات الايام وحد السمنتين رجعت لخدمتي لقيت علي بدلي القسم الي نخدم فيه بعدني على محمد الي شفتو مرة ولا زوج في السمانتين هدو و حط مجد يديني و يجيبني للسبيطار في هداك النهار رجعت لقيت الشيخة فاطمة الي انسانة و لا اروع نحسها كي ماما ملك كنت تعبانة رحت تدوش و بددلت قشي انا خارجة من بيتي لقيت الشيخ علي في وجهي قالي واش بيه وجهك تباني عيانة قلتلو كانو عندي زوج عمليات صعاب بزاف قالي ربي يعينك قالي اهبطي تتغداي وممبعد نحكيو قلتلو معليش هبطنا رحت تغدينا و الشيخة خايفة عليا قالتلي واش بيك يا بنتي كولي وجهك اصفر قلتلها ان شاء الله و نحكي معاها قالتلي انت واش التخصص تاعك قلتلها انا جراحة ضحكت و شافت مع علي قالتلو مرتك جزارة هههههه قالها شفتي متبانش عليها وهي كل يوم تقطع في الناس و تعاود تخيطهم سكتنا بقانا ناكلو جيت نهز عينيا لقيتو غايس فيا قلتلهم شبعت كملت شربت الجي لقيتهم ناو و انا لملمت الطابلة مع ماري و الخدامة الاخرى و درتلهم تاي و طلعت لبيتي بدلت قشي و رقدت
شيخ علي تغدينا مع لما و الشيخة فاطمة و خرجت كانت عندي قعدة عشائر و كملنا و قت عشاء حكمونا تعشينا وروحت للدار لقيت الشيخة تقرا في القران مسيت عليها و سقسيتها على لما قالتلي ملي طلعت وقت الغدا مهبطتش وتقلقت عليها روح شوفها كانت عيانة وووجها صفر طلعت طبطبت مفتحتش فتحت البيت تاعها قيتها باردة كي العادة تموت الطفلة هده على البرد تقول عليها مصاصة دماء قربت لسريرها لقيتها راقدة و متقمطقة في غطاها عاودت غطيتها و خرجت عيطت للشيخة قلتلها راهي غير راقدة مابيها والو ضحكت و قالتلي خليها ترتاح رجعت لبيتي تدوشت و بدلت و عاودت دخلت عندها كان شعري مزال منشفش طفيت لاكليم و حبيت نوضها قعدت على الحافة تاع سريرها و قلتلها بالشوية لما لما فتحت عين وحدة و تشوف معايا و نحات الغطا و ياريتها منحات الغطاء قمر و الله فراشة كانت لابسة عير بيستي و نص صدرها يان تخربطت في راسي منها قالتلي خير علي كاشما حتاجيتي وانا في قلبي نهدر يا عمري محتاجك انت ومحتاجك تحن عليا انا الشيخ علي نحس روحي قدامها فقير و محتاج ونشحت من عندها في الحب و الحنان و هي ولا على بالها واش صاير فيا بصح لوقتاش رديت قلتلها تقلقت عليك كي مخرجتيش من البيت من وقت الغدا تعدت في بلاصتها و قالتلي وعلاش شحال الساعة قلتلها 12 تاع الليل نات تجري قلتلي اااا نسيت قلتلها واش نسيتي غير الخير غرقولكم سفن ال جابر هههههه ناضت تضحك قالتلي و الله غير حالة لازم تاع وحدة مرية لازم نشوف المشكل تاعها و نقرا الدوسي تاعها قلتاها لما قالي واش قلتلها حببيتي شوفي واش راكي لابسة ارحميني و الله منقدر نتحمل شافت مع روحها و تخلعت جرات جبت الغطا تاع السرير و سترت روحها وليت نضحك عليها
لما سترت روحي منو وولا وجهي احمر كنت لابسة بيستي و شورت قصيير خلاص وليت نسمع فيه يضحك عليا بطول صوتو بصوت رجولي روعة يحبس الانفاس شاف معايا و هز حاجبو جاء وقف قامي و حكملي يدي و باسها حسيت قشعريرة جرات في جسمي كامل حسيت زا قرب ليا اكثر بقيت نركز اكثر معاه شعرو مزال مبلول و طويل وعينيه ناعسين حسيتو لصق فيا ولا صدري نحسو يمس في العضلات تاع كرشو لقيتو يشوف معايا و عينيه مذبالين حتى ذخلت في بعضاي وليت غضيت شاربي التحتاني وهو ولا يشوف غير مع فمي حبيت نجبد روحي عليه لقيتو دور يدو على خصري و زاد حصرني ليه و طلق يدي و حط صباعو يمس في وجهي و فمي و قالي بالشوية لماا لوقتاش نبقاو هكا والله البعد تاعك عليا عذبني وليت منقدرش نرقد و انت بعيدة عليا حسيت روحي راح ندوخ مابين يديه كلامو و جمالو غير قابلين باه ترفضيه حتى الدفا الي فيه يحسسني بالامان و نولي كانني مخذرة كي يقربني ليه وليت نبلع في ريقي و عاودت عضيت شاربي قالي لما خلاص العضان تاع شاربك خدمتي انا حط فمو على فمي و وجبد شاربي بالشوية و يمص فيه و يبوس فيا بكل رقة و ممعد جبد عليا و قرب لودني قالي حبيبتي انا ماشي طامع في جسدك ولا جمالك انا حاب احتويك ونكون اقرب انسان ليك و انت راح تككوني اقرب انسانة ليا و العلاقة الزوجية هي الي تزيد المحبة و الالفة بين الراجل و المراة وحابة تاخديراحتك و منمسكش حتى انت تطلبي مني وطلع يديه لكتافي مسهم قالي راكي بردانة البسي حاجة تدفيك منحبكش تمرضي ولا بعيد الشر تصرالك كاش حاجة وباسني بين عينيا و قالي لما حبيبي متبعديش علييا مدابيا تكوني دايما قريبة ليا قلتلو نخاف قالي انا الوحيد الي ملازمش تخافي مني شوفي مع روحك راكي قريب عريانة و قادر نعمل فيك واش نحب بصح اذا انت ماشي راية مستحيل نمسك قلتلو و الله انا تاني حايبتك و رايدتك بصح حاسة حاجة في قلبي تمنعني عليك كل ماتقربلي تمنى نكمل معاك بصح ممبعد نخاف و نجبد روحي قالي عادي ممبعد توالفي بيا و عاود قرب ليا باسني من رقبتي بالشوية و هز راسو ووقالي خفي بدلي و تصبحي بخير وراح و خلاني
لحلقة 155
ملك روحي
شيخ علي اليوم انا حسيت روحي درت خطوة كبيرة مع لماانا مدابيا ندخل العالم تاعها بالحنانة و المساسة ماشي بالعنف حبيتها تحس معايا بالامان و الراحة حايبها هي الي تجيني و تتمناني كيما انا متمنيها ورايدها واش من رايها انا كل درة في جسمي و عقلي و روحي تحبها و متمنيتها في صحوتي و في رقاددي وهي بين عينيا بصح معليش الصبر جميل دخلت لبيتي وحد العشر سمعت بابها كي تفتح و تغلق طليت لقيتها ماشة بالشوية و على روس صباعها كي السراقة ههههههههههههه لحقتها بالشوية لقيتها هبطت للكوزينة و وبدات تجيب في الماكلة حابة تطيب ههههههه وقفت من بعيد نشوف فيها قربت ليها بالشوية باه منخلعهاش قلتلها جعتي ضحكت و دارت ليا قالتلي ايه من الغدا مكليت والو قلتلها انا تاني جيعان ديري حسابي معاك تبسمت معايا و قالتلي اوكي ياشيخ واش تحب تاكل قلتلها تعرفي تطيبي قالتلي اكيد اي حاجة قلتلها ملخمة قالتلي ساهلة نديرلك ليك ملخمة و انا نعمل ليا باستا قلتلها و اعملي تاني باستا قالتلي واش من نوع تاع الباستا الي تحبها قلتلها الي تطيبيها ناكلها قالتلي نحبها بالطريقة الايطالية و تكون حارة قلتلها انا تاني و جبدت الكورسي من الصالون و قابلتها و هي تدور قدامي
تحسها حمامة تدور قدامي و تهدر معايا و انا نرد عليها بلا وعي حطت الماكلة على النار و جهزت الطابلة كلشي مرتب وانيق حطمت كل توقعاتي و هي تقولي واش رايك في الريحة تشهيتي تاكل ولا لالا و انا في قلي نقولها تشهيتك انت و جوعي ليك هو اكبر جوع حطت الالة في الصحونة ودارتلي معاها صحن باستا و بدات تاكل وانا ناكل و نشوف معاها قلتلها اااااح حارة الباستا تاعك قالتلي انا في كلشي حارة وليت نضجك عليها حتى حسيت روحي وليت بسيف نتنفس قالتلي واش بيك قلتلها معلاباليش بصح حكمني وجع حتى وليت منحس بوالو طحت من الكرسي و هي نسمع فيها تعيط بالصوت
لما كانا ناكلو في رحمة ربي ححتى لقيتو تبدل وجهو وطاح من فوق الكرسي كي الميت في الارؤوليت نعييط عليه علي علي واش بيك تفكرت مجد رحت نجري ونبكي مجد مجد اجري علي مات ربي يعيشك مجد جاء يجري مجد و دخل للكوزينة وانا وراه نجري انا صح طبيبة بصح في الموقف هدا حسيت روحي مكتفة ومنعرف واش نتصرف في الموقف هدا خاصة ااني بديت نوالف بعلي و نحب اهتمامو بيا ولليت نبكي و نقول للمجد مات علي قوليي مات و مجد يحاول يشوف النبض تاعو قالي راح نخسروه و نشوف مع علي خشمو و فمو يسيل منهم الدم هنا قريب نموت من الخلعة اااه ياربي واش بيه وواش وصلو للحالة هده مبقاش فيا عقل راح يجري مجد جاب علبة الاسعافات و قالي ادا عندك برا تاع ادرينالين قلتلو عندي قالي احكميه على جنبو دارلو برا و قالي خفي جيبيلو البرا تاع الادرينالين طلعت نجري للبيت جبدتها و مقدرتش نعملهالو دارهالو مجد ووولينا نحركولو في يديه و رجليه انا و مجد باه يمشي الدواء بالخف حتى قالي مجد خلاص فاات درك تعدل نبضو و التنفس تاعو تريقل فااات عيا عشر دقايق حسيتهم عام مكانش اصلا عندي الوقت باه نستوعب واش صار هزيناه انا و جد حطيناه في الفوتاي الي في الدخلة و قالي واش بيه قلتلو دقيقة نفيزيتيه شفت الاعراض عرفتو تحسس من كاش حاجة كلاها وتفكرت بلي حطيت من زبدة الفستق في الباستا قلت لمجد قالي بصح كامل علابالهم هنا بلي هو عندو حساسية منها شكون شراها قلتلو انا بصح معلاباليش ادا يتحسس منها قالي الحمدالله ربي ستر كانت عندها ابرة تاع التسمم و الحساسية تاعو و منعتو الادرينالبين الي مانت عندك عاونت قلبو باه ميحبسش قلتلو لازم تجيبلي الدواء هدا من الفارسي الابرة هده لازم نديروهالو بيعد ساعة و جيبلي الدوااء الي كتبتهولك راح مجد و جاء لقاني في حالة قالي واش احوالو قلتلو لاباس وبدا هو يفطن حكملو يدو قلتلو شيخ علي واش راك تحس قالي بالشوية لاباس بديت نبكي و قلتلو خوفتيني علي قريب مت عليك تبستم و قالي خفتي عليا قلتلو ايه نخاف عليك انت راجلي قلتلو اسمحلي انا الي حطيت الزبدة تاع الفستق في الماكلة قالي مكنتيش عللابالك انا كت دير حسابي و حاط الدواء تاع الحساسيةفي علبة الاسعافات الاولية فتحلي بقيت نشوف معاه و نبوسلو في يدو و نحط فيها على وجهي فتحلي ذرعو و قالي خلاص حبيبتي مصار والو ارواحي هنا عندي دخلت عندو و عاود غطاني ومعاه مع حطيت راسي على صدرو رقدت من التعب تاع الخلعة بلا مانحس
شيخ علي كي فطنت و شفتها قدامي شحال خايفة عليا حسيتها صح بدات تحبني و هي تبكي و تبرر في موقفها وحكمتلي يدي و تبوس فيها فتحتلها دراعي قلتلها ارواحي عندي شوية ترددت بصح دخلت في الفوتاي معايا و رقدت مع حطت راسها غفات مالقري الشيء الي فات قريب مت بصح الحادث هدا قربها من اكثر و انا تاني حسيتها ساكنة في روحي
لما فتحت عينيا الصباح حسيت روحي منقدرش نتحرك جبدت روحي بالشوية من علي مسيتو لقيت حرارتو عادية و التنفس تاعو تاني طبيعي زربت رحت غسلت و بدلت قشي و حتى المكياج درت غير فوندوتان و هزيت مفتاحي و خرجت لقيت مجد قلتلو اليوم متروحش معايا عيند على علي وخلي لوئ الحارس الاخر يروح معايا رحت للسبيطار مع دخلت ووصلت وين موالفة نخدم قالولي رئيس القسم تاعك راهو يستنى فيك دخلت و انا علابالي اليوم يبهدلني ويدي عليا طريق دخلت لحت عليه السلام قالي واش الاهمال هدا اليوم عندك عملية بصح انت ظهرتي ماشي قد المسوولية تاعك قلتلو بصح كانت عندي حالة طارئة و مقدرتش نجي قالي ماشي تبرير هدا لازم تكوني ملتزمة في اوقاتك يا دكتورة نرفزني قتلو اسمع العايلة تاعيلا و راجلي اهم من الخدمة والسبيطار معمرة طبة كنتي قادر تعيط لاي واحد يرومبلاسيني بصح راجلي كان راح يموت و مكانش تم الي يرومبلاسيني وادا مقنعكش كلامي حولني للتحقيق ادا غيابي تاع ساعتين بلوكالكم الخدمة في السبيطار بصح حبيت نفكرك بحاجة راجلي الي كان راح يموت و انا كنت معاه و تعطلت عليك هو الي يمول في السبيطار تاعكم كون يسمع واش قلتيلي و كيفاش بهدليني باه راح يزعف و الي يعجبك اعملو مخليتلوش خلاص مجال باه يهدر خرجت و خليتو حال فمو صح انا ستغليت اسمم راجلي بصح مكانش قدامي حل اخر حتى لقيت واحد جبدني من يدي دورت لقيتو ميار حضنتو ورحت نحكي معاه قالي واش بيك هكا عيانة حكيتلو قالي الحمد الله فاتت سلامات بصح راني حاسد علي علي يا لما هههه حتى لقينا محمد وقف فوق روسنا انا و ميار و قالي حاب نحكي معاك يا لما عينيه في حالة باين تاع واحد عندو شهر مرقدش
قلتلو واش تحتاج قالي وش بيه راجلك صح مريض قلتلو ايه وعلابيها معنديش الوقت باه نحكي معاك قالي الله يعيشك متزيديش تحرقي قلبي اكثر ملي راهو محروق حاب نحكي معاك خمس دقايق و روحي قلتلو اهدر قالي لما وعلاش كدبتي عليا وقلتيلي راني مرت علي ودخل عليا قبل الفاتحة وعلاش قتلتيني يا لما كيفاش خلاك قلبك تشوفي مع عينيا و تقوليلي راني مرت علي ورانا عايشين كيما اي راجل ومرتو وممبعد نسمع بلي مزال لحد الان مقربش ليك وممسكش تخلعت فيه قلتلو واش الهدرة هده عيب عليك تهدرهالي و على كل حال انت ماعندو مادخلك وجيت ماشية حكمني من يدي و دخلني للبيرو الي تم حدانا و غلق الباب وقالي يا تسمعيني واش حاب نهدر يا نجيك للدار ونهدر وراجلك يسمع قتلو خمس دقايق اهدر واش عندك قالي حاب نهدر و متقاطعينيش وعلالي الموضوع يجيك غريب بصح هده هي الحقيقة قلتلو اهدر وراني نسمع قالي تشفاي نهار تخطف احمد و بقيت معاكم قلتلو ايه قالي تشفاي كيفاش كانت علاقتنا حلوة وكنا قراب بزاف لبعضنا فوتنا اجمل الايام تم قلتلو محمد انا مراة متزوجة ملازم تهدرلي على ايامك الحلوة الي كانت معايا الي راح راح خلاص قالي ماشي قصدي بصح لازم نحكي باه توصلك الفكرة قلتلو كمل قالي وممبعد كيفاش ولات حالتي في اخر الايام قلتلو وليتي متتحملش اي كلمة مني ووليت عنيف معايا و رحتي وخليتيني ومزدت سمعت عليك حتى خبر بصح الشي هدا مولات مهم درك قالي قصدي كيفاش حتى فسدت علاقتنا كانت بفعل فاعل يا لما و كان شيء مخطط له من طرف اخر الي مزال معلاباليش شكون لما و الله و الله في الخمس سنين هو الي فاتو كامل كنت نتوحشك و نحبك بجنون بصح انا نقرب ليك و انا نولي كي المهبول توصلت نخمم نقتلك كي نبعد نندم انا نعاود نشوفك و انا نولي كي المهبول وسقسي ميار وملك هوما يهدرولك وخاصة ليلة عرسي واش صارفيا يا لما انا .... قاطعتو و قتلو الحمد الله فات و روح داوي روحك و مصار والو انت تزوجتي و عشتي حياتك رغم انو مرتك ماتت و انا سطرت حياتي مع انسان اخر والي فات مات قالي لما بصح انا منقدرش ننساك ولا نحب مراة اخرى من غيرك انت حب حياتي كيفاش ننساك و انت تمشيلي في الدم قلتلو محمد بعد عليا و متنساش روحك انا مرت راجل اخر قالي خلاص بصح انا ولا مرة راح نقطع الامل منك و علابالي يجي النهار الي ترجعيلي كي تعرفي بلي واحد ماحب ولا راح يحبك قد محبيتك انا وراح نحبس الخدمة من السبيطار هدا خاطر منقدرش نشوفك كل يوم قدامي وخاصة كي يجيبك هو و محضمنك و حاكمة في يدو و هي يحكي و يضحك معاك كل نفس يتنفسو معاك و قدامك و كل لمسة منو ليك تقتلني الف موتة في النهار هبطولو الدموع مسحهم ودار في الجيهة الاخرى تقهرت عليه بصح الي راح منقدروش نبدلوه قلتلو الي تشوفو مناسب اعملو يا محمد وانا مستحيل نفرط في علي الي يعاملني مليح و حنين معايا يحبني بسبت التفاهات دار ليا و قالي رجع حبنا و حبي ليك تفاهات قلتلو الي عايشتو و حاستو مع علي جامي حسيتو معاك لان حبي ليك كان حب مراهقةو نزوة انساني يامحمد وعيش حياتك ضحك و قالي واش من حب يالما انت كون تحبيه و علاش لحد الان مازلتي عدراء و مخليتيهش يمسك قتلو معلاباليش شكون قالك بصح هدا الشي بيني و بين راجلي معندكش الحق تهدر فيه و خرجت و خليتو .......................... يتبع
حلقة 156
ملك_روحي
لما مشيت كي المهبولة حاسة قلبي نار كون تحرج تحرج الاخضر و اليابس خمس سنين و انا نسوفري و هدا وين عرفت الحقيقة بعد ماتزوجت و فات الحال علاه ياربي كل مانجي نصلح حياتي و نحاول ننسى تجي حاجة الي تفكرني ياريت متسرعتش في زواجي ياريت سافرت ولا تزوجت و لا بقيت مع محمد ياريت هربت منهم كامل كلشي في حياتي يمشي عكس واش حايبة رحت للبارك لقيت لؤي يستنى فيا ركبت بلا ماهدرت معاه قالي تروحي للدار هزيتلو راسي بايه وصلت لقيات الشيخة فاطمة و علي قلتلهم واش احوالكم اشرلي بلي امو معلابالهاش بلي صار البارح قالتلي بنتي ارتاحي راهي قريب يوجد الغدا قلتلها انشاء الله نطلع نبدل قشي ونرتاح و نجي قالتلي بصحتك بنتي جيت طالعة قالها علي اديني معاك انا تاني حايب نرتاح ضحكت معاه و كانها فهمت حاجة اخرى هههه دخلنا للبيتي قالي علي الشيخة معلابالهاش و متهدريش قدامها محايبش نخلعها و نقلقها قلتلو ايه احسن دخلت للدوش تدوشت من التعب تاع ابارح و الضغط الي عشتو اليوم مع محمد اااااه لوقتاش نبقا نتحمل خرجت باه نبدل لقيت علي فتح الفوتاي الي في بيتي رجع كي السرير و قالي بدلي و ارواحي هزيت قندورة قصيرة ودخلت للدوش لبسها و لميت شعري في بوني تاع الدوش و خرجت فتحلي الغطاء و ذراعو و اتكيت على صدرو و هو ينمسحلي على شعري مهدرنا والو غير ساكتين بصح حسيت في حضنو بالامان حسيت عينيا ثقالو و رقدت
الشيخ علي مع وصلت لما كانت باينة مقلقة عينيها حمورة و ترجعش سلمت علينا انا و الشيخة و طلعت درت السبة و طلعت وراها قلتلها متقوليش قدام الشخة مدابيا متشمعش تتقلق قالي ايه راحت تدوش كي سمعت الماء يسيل تاع الدوش خرج من البيت عيطت لؤي قلتلو وكيفاش فات نهار الدكتورة حكالي بالمشكل تاع السبيطار الي صرالها و كي تلاقات بميار و حضنتو و حتى كي تلاقات محمد عرفت بلي هو سباب زعافها و التوتر الي جات بيه محبيتش نسقسيها و نضغط عليها قبل ماتخرج من الدوش طرحت الفوتاي و جبت زوج مخاد و غطا وفرشت كي خرجت تخلعت كي لقيتني و هي بالمنشفة حشمت تيسمت معاا باه تحس بالامان قالتلي نبدل قلتلها بدلي و ارواحي درتلها بلاصة جات سندت على صدري و غفات محبيتس خلاص نهدر لان ساعات السكوت في الحالة هده هو الاحسن محايبش نضغط عليها بصح جاء الوقت الي لازم نحط فيه حد لمحمد هدا الي تمادى بزاف وخاصة كي ولات لما مرتي ممنوع يشوف معاها والا راح يخلصها غاليا
محمد وصلت لداري بدلت حوايج و حطيت حطة الي هي غير غطاء برك للانكساري و حرقة قلبي على لما محبيتش نيبينلو بلي هو الرابح و انا الخاسر ساعة حتى لقيتو عيطلي هبطت لقيتو جاي وماه الحراس تحسبو وزير الدفاع تاع امريكا و الكلاب تاعو سابقينو كامل رانا شيوخ بصح السبيتش هدا الي يعمل فيه مفهمتش علاش شافني هبط و ارجال هدوك دايرين بيه و يشوفو من ومن اااافلاح عليا السلام و رديتللو قالي واش احوالك ان شاء الله نكون مرتاح قلتلو الحمد الله لاباس قالي حبيتك تكون اخ يا شبل ال جابر محبيتكش تكون غريمي و الشهادة لله انا راجل و وولد رجال و خو رجال بصح نعل بو الزهر الي حطنا في طريق وحدة و انا مستحيل كنت نخليك تغلبني انا الشيخ علي ولا مرة عرفت معنى الهزيمة بصح ربي يوفقك في معركة اخرى مع ناس اخرين ميكونوش كيما الشيخ على و الا راح تكون المعركة محسومة قبل ماتدخلها قلتلو انا مدخلتش خرب خلاص لانني انا كونت مولا الارض بصح المحتل ميخافش ربي و علابالو الارض ماشي تاعو و احتلها تبسم ابتسامة باررردة قالي مراحش نبقاو واقفين هنا حاب نديك لبلاصة وناخد رايك في موضوع قلتو معليش قالي تفضل ركبنا حتى وصلنا لبلاصة فيها بناية جديدة فخمة مزال مكملتش بصح هايلة و باين مشروع من المشاريع تاعو قالي اليوم جبتك باه نستغل الخبرة تاعك كطبيب قلتلو راني هنا تحت امرك يا شيخ قالي بلا وعي بعد عليا قلتلو ااا مفهمتكش قالي حبيتك تبعد عليا الحمل تاع هده البنايا عندها خمس سنين و هي متروكة لا كملوها ولا خلاوها في حالها وبقات معلقة في النص و كل المحيط تاعها ملكي انا وراك تشوف فيها مبقاش بزاف و يكمل المشروع هده البناية كانت تاع واحد مقدرش النعمة الي عندو وكان عندو مشاكل تافهة فرط فيا بربع السعر انا كون طلبوني في كل مانملك و يبيعوهالي مكنتش راح نبخل عليها لان قيمتها غاليا عليا بزززااااف و هوما معرفوش قيمتها ونهار كملتها تقريبا و خدمتها ووقفت المشروع على رجليه جاني صاحبها الاول و قاي نرجعلك الي دفتيه و الي خسرتيه عليها باه رجعهالي بصح هو معلابالوش مع من لعب مع الشيخ علي الي مجرد واحد يشوف مع حاجتو يقتلو في ارضو ولوكان يكون واش يكون اسمحلي يا محمد علابالي هبلتك بالهدرة بصح دك حايب رايك هل البلاصة هده مناسبة للمستشفي ولا لالا خاطر حاب نكملها و نقدها كادو للدكتورة لما وانت تعرفها مليح يعني لما راح يعجبها هدا الهدية البسيطة قلتلو وصلتني فكرتك و الكادو تاعك هايل و حتى البلاصة بصح الداخل تاعو خدمتيه ولا مزال فيه لمسة صاحبو الاول قالي هيا ندخلو و نشوفو ادا مزال البصمة تاعو مزالت و لا لالا .........................