ملك روحي

الحلقة 139 الي 141

لحلقة 139
ملك_روحي
شيخ علي وليت خايفة نقرب ليها ولا هي تقرب ليا خفت عليها من روحي قلتالي علاش منقربش ليك قلتلها الا ادا حبيبتي تولي مرتي بلا زواج قالتلي اااممم وشوكون قالك راح نقبل نتزوج بيك قلتلها شكون طلب رايك بعدت عليا اكثر وقالتلي مستحيل نكون مرتك ومتسقسينيش علاشو الي صار كامل لعبة باه نكسر غرورك الي معندوش حد قلتلها لما اصلا انت من الليلة و لحضة هده وليتي مرتي و تاعي قالتلي ههههه قالتلي احلم الحلم ببلاش ورد بالك من اليوم تقرب ليا قالتها هههههه نشوفو شكون يربح في الاخيرة يا مثيرة قالتلي المهم لي الذكرى هده في الذاكرة تاعك خلاتني وراحت و انا طلقت روحي في الحديقة رقدت فيها مقدرتش حتى النوض المصيبة دارتلي شلل مؤقت هههه بصح شلل لذيذ رقدت لقيت احمد ينوض فيا الصباح قالي حالتك صعيبة و مشكيتش نلقاولك دواء قلتلو دوايا كاين بصح مزال وقتو قالي ازرب نوض عندنا طريق تاع صيادة قالتو لالا خليها لمرة اخرى انا عندي خدمة مهمة قالي الله لاتربحك املا انا علاش شديتك تبات للسواد عيونك
احمد اااف واش وصل علي للدرجة هده الحمد الله الي نوضتو انا كون نوضو واحد اخر بلاك راه قتلو
لما كي قربت على علي حسيت روحي تخنقت بلاك رجولتو و هيبتو الطاغية وبلاك انا تاني حبيت قربي ليه انا ندمت عليها وعلاش جرحتو و استفزيتو بلاك غلطت بصح واحد كيفو لازم يحط رجليه شوية في الارض ورقدت الصباح كي نضت لقيت سيارتو مكانش باين راح هزيت قهوتي ورحت للنفس البلاصة تاع البارح الي قعدنا فيها وليت نتفكر في الي صار و تخربطت قلت يعني انا الي ستفزيتو ولا هو الي ستفزني ووصلني لوين حايب اااف خممت نهدر لماما بصح خفت رجعت لبيتي شربت منوم و رقدت منضتش حتى لليل لقيتهم ملمومين قالتلي ماما لما حبيبتي مراكيش مرية قلتلها لالا مرقدتش مليح في اليل و عوضت في النهار قلت لميار خرجني نتعشا برا قالي هههه وعلاش معندناش هنا عشاء قالتلو ححبس من الفلسفة تاعك قلتلك خرجني قالي انت تقردي غير عليا انا قالو احمد اختك و حابة تتدلل عليك خرجها قالو منخرجهاش قال بابا للمحمد انت خارج خرجها معاك نطقت بزربة قلتلو تبقا غير انت منخرجش معاك كامل دارو ليا مخلوعين في ردت فعلي ممعد حبيت نطمطم على المووع قلتلو خاطر انت معقد وراح تسمطلي العشا تبسم و قالي مليح الي تعرفيني ههه قالي ميار هيا نوي حبيبتي نخرجك و حتى عشاك انا نخلصو درت لرنا قلتلو حبيبتي تخرجي معانا و ينطق محمد قالي لالا متروحش قلتلو في قلبي نوريلك قلتلو حمودي ربي يعيشك حابا خليها تروح معانا و انا ندبل في عينيا شاف معايا و قالي اديها تهنية منكم في زوج
رنا معلاباليش علاش في الاعوام هدو الي فاتو لما متبدلة بزاف معايا تعالني مليح حتى انها ولات تعيطلي تسقسي عليا تجيبلي هدايا في عيد ميلادي مالقري علابالي راجلي يحبها حب هبال بصح كي عرفتها مليح عرفت هي صاحبة مبدا و مشفتش منها حتى غلطة ولا نظرة للراجلي وليت نوريلك في البحوث وساعات تخرجني نقضيو مع بعضانا ولا نتعشاو حتى في الدار معاملتها روعة حقيقة شخصيتها روعة الحاجة الوحيدة الي مقلقتني نظرات راجلي ليها خرجنا هديك الليلة دخلنا للمطعم جانا العامل يدي طلباتنا لما و ميار طلبو بيتزا و انا قالتلي لما واش تاكلي قلتلها تعشيت بصح جيبولي عصير شافت معايا و قالتلي رنا راكي بالحمل قلتلها معلاباليش بصح ممكن انا شاكة و مزال متاكدتش قالتلي اعطيني يدك عطيتها شافت النبض تاعي قالتلي الف مبروك راكي حامل قالها ميار كيفاش عرفتي قالتلو من نبضات قلب الجنين 360 نبضة و هدا المعدل تاع النبضات دليل على انها حامل في الاسبوع التاسع وليت نبكي قالتلي واش بيك حبيبتي هدو دموع الفرح ولا الحزن قلتلها محمد ميحبش والله اليوم يدير فيا حالة ربي يعيشكم متقولولوش قالتلي وعلاش ميحبش الاطفال نعمة من ربي سبحانو وحملك حافظي عليه و خليك من محمد انا نهدر مع ماما و هي تهدر معاه و ناضت حضنتني و قالتلي الف مبروك متزعفيش روحك ماشي مليح ليك القلق و خاصة في الشهور الاولى من الحمل قعدت في بلاصتها وجابولها البيتزا وانا حليت فمي فيها افرودات بعمنى الكلمة حتى البيتزا تمسحها يا عباد ربي و تاكلها بالموس و الفرشيطة قلتلها وادا حبيتي غير بيتزا وعلاش املا خرجتي قالتلي لانني شفتك مقلقة و حبيت نعرف واش بيك و بدلنا الجو حقيقة شوكاتني وشفت معاها و تبسمتلها بكل حنان و حب منين جابوها الطفلة هده من المريخ ولا منين جامي شفت كيفها روحنا و انا فرحانة من الحمل و من افرودايت المريخية الي كلمها كي العسل على القلب
لما رجعنا للدار كل واحد راح لبيتو بدلت قشي و هزيت تليفوني و بديت نكوناكتي لقيتو الشيخ علي حاط صورة جديدة في الستوري وكاتب تحتها ياريت الي صار كان حلم ووجهو يخوف في الصور وهاز سلاحو و الحرس يظهرو معاه في الصورة يااابا شحال يخوف درت صورة تاع طفلة تشبهلي و كتبت تحتها انا التي اكره نفسي تخيل انني احببتك شفتو عملي قبل و حط في الستوري اغنية تقول لك لك اضل للموت ملكك و بين اديك ...........................لتروح عني بعد غيرك ما اريد تخلعت من الاغنية زربت غلقت الفايس ورقدت تاني نهار رحت للسبيطار وفاتو الايام كلها روتين غير انا ميار بعتنا اوراقنا لجامعة خارجية حبينا نكملو قرايتنا وحد النهار انا مروحة حتى لقيت سيارة كحلة كبيرة قارات قدامي و اعترضت طريقي انا مت في قشوري خرج منها راجل عملاق يخوف ولابس كوستيم وراجل اخر بصح الباب الخلف تاعها قعد مغلوق حسيت قلبي راح يخرج من الخوف ............................... يتبع
الحلقة 140
ملك_روحي
رنا نهار الي عرف محمد بحملي رجع كي المهبول بصح ماقالي والو بصح صحتى حسيتها راحت معلاباليش وعلاش اليوم عندي ستة اشهر حمل ولا مرة رحت للطبيب حتى نهار الي رجعت لما في الويكاند قالتلي رانا راكي ماشي طبيعية لازملك طبيبة تشوفك و ديزاناليز وايكو داتني وراحت و ظهرت كل شكوك لما صح ظهر عندي سكري الحمل ودارولي الايكو قالت الطبيبة للما ديرلها انت دارتلي لما قالتلي الف مبروك عندك طفل في كرشك و فرحتلي قلتلها فرحتي قالتلي اكيد نفرح هدا ولد خيا قلتلها خوك قالتلي ايه و انت اختي روحنا فرحانين حتى محمد فرح و من نهار هداك الي سمع بلي انا مريضة ولا يهتم بيا اكثر و رجع حنين معايا و هدا الشي فرحني و حسن من نفسيتي
ملك قررت نقدم الماستر وخاصة انو اولادي نجحو للسنة الثانية معدبونيش خلاص احمد لاهي بخدمتو تاع الشركة و المجالس تاع العشاير وعندي شحال من نهار شايفة ميار نهار طول وهو يهدر في التليفون ويضحك محبيتش نسقسيه خليتو على هواه رنا حملها متعب بزاف و عزت بيا صح انا تمنيت محمد يتزوج لما بصح الله غالب و رنا ناس ملاح ودارت بلاصتها معانا في الدار و كامل نحبوها و هي تاني تحترممنا و تعزنا بقات غير لما مكاين والو في حياتها لكن حتى لقيت الشيخ علي عيطلي حكيت معاه شويو وممبعد قالي ملك انا حايبها يا ملك و الله حايبها قلتلو منسيتيش الحكاية هده قالي ومستحيل ننساها قلتلو انا معنديش مشكل خاطر وليت متاكدة بلي انت تحبها بصح المشكل فيها هي صعيبة باه تكسب قلبها قالي خليها عليا يا ملك قلتلو علي رد بالك لما اعز انسانة على قلبي رد بالك تجرحها و لا تظلمها قالي مكنتش نستناها من عندك يا ملك تعرفيني قلتلو علابالي بصح لازم نوصيك انت مهما كان انسان و بني ادم كامل يغلطو قلتلو طمن بالك انا نهدر معاها و نفهمها و ان شاء الله الحكاية فيها خير قالي ربي يحفظك ياملك علابالي مراحش ترجعيني كوبيت عليه ووليت نخمم لما الي نعرفو عليها عايشة وحدها في عالمها المظلم ومشكيتش تقبل بيه
شيخ علي بعد الي صار هداك النهار وليت نكره الطفلة هديك كره العمى بصح ماشي علي الي يخلي حقو جرحت كرامتي ولازم نرجع اعتباري بصح بالطريقة الصحيحة
لما هبطت من السيارة تاعي شفت الحراس تاعي مكانش ملقري كنت علابالي بلي كانو معايا كي خرجت من السبيطار وبقيت نشوف من ومن وملييقتش كيفاش نهرب بصح شكون هدو بصح لازم نواجه ونعرف شكون هدو مشيت شوية قريب نطيح لابسة سباط طالون و الطريق محفرة وصلت للسيرة هديك و حسب ماشفت باين هدوك حرس فقط الي نزلو محبيتش نبين روحي بلي خايفة حتى لقيت واحد منهم قالي تفضلي انسة لما و حل الباب تاع السيارة الي في لاريار قلتلو قصدك تامرني نطلع قالي لالا هدا طلب و ليس امر قلتلو بصح شكون في السيارة قالي اركبي و انتعرفي شكون قلتلو وكون مندخلش قالي متخليناش ندخلوك بالسيف قلتلو معليش بصح لازم نجيب الساك تاعي من سيارتي قالي معليش جيبيه وليت قريب نجري للسيارة تاعي دخلت ليها نجري قريب نحبو غلقتها و طلعت الكارويات تاعا خليت غير الي قدامي طليت عليهم قلتلهم يا تتحركو من قدامي يا نزدم بسيارتي فيكم و نموتو كامل مع بعضانا شافنوي غلقت التاقة الي هدرت منها معاهم و شغلت السيارة و بديت نضغط على ووليت راح نكرها انا راح نمشي بيها ليهم حتى لقيت نز منها اخر شخص كنت نتوقعو
شيخ علي بعد ماحكيت مع ملك و قنعتها بلي الطفلة هده حايبها بصح المشكلة في المصيبة هده واش يقنعها مستحيل تقبل بيا شفت في عينيها التمرد وعلا بيها قررت نتدخل و نتعامل معاها قبل مانروخ نخطبها ترفضني قدامهم كامل و تشنشف بكرامتي الارض علا الاقل المرة الي فاتت كنا وحدنا هده المرة تطيح قدري قدامهم كامل و نوليو في حل واربط وانا اصلا عندي مد حاط عليها العسة فوق العسة الي موالف يجيبولي اخبارها كمل مع ادق التفاصيل وعلابلي اليوم تفوت منها قطعت عليها الطريقة خاطر كون طلبت منها نتلاقاو ترفض امالا جيتها بطريقتي حبيتها تجي برجليها ااااه بصح هده واعرة حبت تقتلني و تقتل روحها معانا ههه صح مهبولة ولي كنت راح ننتقم منها راح تقتلني مرحي تحت الرود تاعها ااااف هبطت من سيارتي كي شافتني تخلعت قلت للرجال بعدو من هنا خاطر علابالي راح تبهدلني هدامهم لسانها طويل وجريئة
لما انا شفتو و عرفتو و عقل بابقي في راسي هبطت عندو و انا بسيف نمشي من الخلعة و من الطريق الي مخربة حبيت نستفزو خاطر الي عيشهولي في الدقايق هدو لازم يخلهم قلتلو ااااووووو شيخ علي واش بيك وليتي عصبي هكا وصلت بيك تولي قاطع طريق قالي خاطر كاينة وحدة متمردة و جاء الوقت باه نعاقبها قلتلو معليش العقاب اصلا الي يجي من عندك بنين و حلو قالي الهدرة هده مراحش تفيدك و متحاولش تخدعني بكلامك يا زين قلتلو عليي قالي و هو زعفان لما حدودك اعرفيهم معايا و الله لسانك نقصو و نرميه للكلاب قتلو حبيبي انت قدامي راجل و ادا حاسب روحك شيخ شيخ على روحك ماشي عليا يا علووووووووووووووووووش..................................... يتبع
الحلقة 141
ملك_روحي
شيخ علي قلتلها احتمري روحك يا نعاود نعامك الاحترام من اول و جديد وراح ننسى انك اخت الغالي قالتلي كيفاش تعلمني الاحترام و انت متعرفوش لدرجة انك قاطع الطريق على طفلة و تحاول تتحرش بيا واش تفسر هدا الشي قلتلها انا كون طلبت منك باحترم مراحش تقبلي و كان هدا السبيل الوحيد باه نقدر نهدر معاك قالتلي كون جربتي كان ممكن نقبل قلتلها مراحش نقعدو نتدابزو في الطريق هيا اركبي معايا و الحرس يجيبو سيارتك ونتغداو و نحكيو قالتلي وهده عرضة و لا بسيف عليا نجي معاك قلتلها ظهرتي تفهمي ههههه ياوو بسيف عليك قالتلي وادا قلتلك عيانة و مقفادراش نمشي شفت معاها من فوق للتحت قلتلها علابالي علاه عيانة و الي يلبس سباط كيما هدا ميعياش قالتلي عليييييي خليني نجي بسيارتي قلتلها متاكدة قالتلي مدام قلتلك نجي نجي قلتلها درك نشوفو
شيخ علي كي قلبت ليا و تهدر و باين صوتها عيانة و ذبالت مفهمتش كيفاش زعافي كامل تبخر ووليت نتمنى غير تستجيب معايا و نقدر نقنعها بالموضوع
لما كنت عيانة وزادتني الخلعة تاع علي ركبت في سيارتي و شربت زوج حبات دواء تاع الراسي للانني حسيت راسي راح يطرطق ومشيت وراء سيارة علي لقيتو خارج المدينة مشينا وحد النص ساعة حتى وصلنا للوحد الباصة الاشجار فيها وكانه نفق حاى النهار رجع تقولي ليل و ظلمة حتى لقيت رواحنا وصلنا قدام وحد القصر تقول تاع اميرات القصص الخيالية عقلي راح مباشرة يخمم في خدمة علي يا ترى واش يخدم علي بس سيارتو و شفتو هدر مع الحراس الي معمرين الدنيا شفتهم بعدو ووصل عندي فتحلي الباب و عطاني يدو يهبطني هبط و قلتلو وين رانا قالي في دار هيا ندخلو قلتلو ااااااا قالي وعلاش راكي خايفة مني و غمزلي قلتلو ايه خايفة بزاااف قالي لما احنا الشيوخ كي نعروك في يافتنا الهواء ميمسكش املا ادخلي بلا توسويس مشا قدامي و انا نتبع فيه ااااه هداك القصر راقي فوق كل التخيلات الي ممكن تتصوروها تلاقاتني الشيخة فاطمة حضنتنني و تبوس فيا و نرحب بيا وليت نحضن فيها حبا و كي شفتها طمن بالي كنت خايفة من علي بقات تسقسي فيا على ماما و الاولاد و بابا و قالتلي اقعدي حبيبتي ارتاحي عيطت للخامة ماري قالتلها جيبلها حرجة خفيفة تحطها في رجلها وكانها حست بيا موجوعة من الطالون جابتي ماري بابوش خفيف و مريح و هزت سباطي بقيت انا و الشيخة نحكيو ممبعد قالي هيا نتغداو داتني للصالو ن مونجي قعدنا انا و هي حتى لقيت علي جاء تنحنح شوية و يقولنا راني جيت واش حسبني يلقاني عريانة لاعليا انا شفتو دخل و انا بقيت نشوف معاه و حالة فمي لابس برمودة خضراء ميليتار و تريكو كحل و سعرو مزال مبلول شوية كان باين يتدوش شاف معايا و انا غايسة فيه و غمزلي و تبسم فقت مع روحي وبقيت نقول في قلبي وعلاش هو هكا مليح بصح واش يحتاج مني ووعلاش جابني هنا حتى لقيتو قالي في واش تخمم يا زين
قالتلو الشيخة فاطمة كلو وومبعد احكيو براحتكم قلتلها يعطيم الصحة الماكلة روعة و تشهي قالتلي بصحتك بنتي وانا مالقري جيعانة موت مقدرتش ناكل غير ننقب في السلاطة و وندوق في الحوت قرب راسو يا علي قالي وعلاش متاكليش قلتلو منيش قادرة قالي يا تاكلي يانجي نوكلك بسيف هيا عمري كولي و متسمطيش الغدا شفت معاه و حليت عينيا على الطول وقلت في قلبي ياربي واش الجراة هده الي عندو (نسات روحا هههههه) قلتلو و تبسمت قلتلو لالا راني ناكل ناضت الشيخة و قالتلنا كملو غداكم راح نصلي بصحكم قلتلها ربي يقبل شيخة و انا في قلبي نقولها و الله ماشي وقت صلاتك درك وعلاش نايضة ههه اديني معاك اااايييمحاباش نقعد معاه وحدي قلتلها اديني معاك حابة نرتاح عيانة لقيتو حمني من يدي و قالي اقعدي في بلاصتك وكمل غداك قالتلي الشيخة ايه بنتي متحرميش روحك من الغدا كولي حبيبيتي كولي و انا نبلع في الريق شفت معاه جيت ندور لقيتها هربت و تبخرت ولا الصالون بيت الاشباح تسمع فيها غير ريقي كي يتبلع من الخوف من علي حتى كسر هو هداك اصمت و لقيتو قالي حلي فمك محبيتش نخشن راسي خاص حليت فمي و هو بدا يوكل فيا هو يقولي اااه ياربي واش الدلال هدا اااووواه مستحيل تكوني هكا كاملة مكملة لازم تكون حاجة فيك ماشي نورمال و يشوف معايا حبيتو يحبس من الغزل فيا تبسمت و قلتلو شبعت ربي يدومها من نعمة جيت نايضة جبدني من يدي لقيت روحي في حجرو ولات عيني في عينيه الي كانو ناعسين مدبالين بسيف يفتح فيهم و يشوف مع شواربي عرفتو واش يخمم يعمل حبيت نوض من بين يديه حمكني من خصري و ظاعط عليه حسيت روحي تودرت في حضنو وليت نحاول نبعد في عليا من صدرلو و نقولو اطلقيني ربي يعيشك حتى لقيتو قالي لما نحبك و الله و الله نحبك واول مرة نقول للمراة نحبك .............................. يتبع