خالد يمشي يمين ويسار بالغرفه ويدخل للحمام ويطلع
ويبدل ملابسه ويرجع يغير وسامر جالس ع المقعد ويقلب
في جواله وقف خالد وهو يطالع فيه : هي سامر !!
سامر من غير مايطالع فيه : اي
خالد : قوم تجهز مابقي شي ويجي يزن
سامر:جاهز انا
خالد وهو يطالع فيه : بتروح بذا اللبس ؟
سامر : اي وشفيه ؟
خالد بعصبيه: لا لا انت مو طبيعي
مشى خالد وقرب من الدولاب وجلس يطلع ملابس ولبسها
وقرب من المرايه وجلس يطالع بشكله : هي سامر
وش رايك بلبسي؟
سامر وهو يقلب بجواله : حلو
خالد:حلو وانت حتى ماطالعت فيه ؟
قام سامر وطلع من الغرفه وانسدح في الصاله وخالد واقف
بعصبيه: انا كيف صابر عليك !!
جلس خالد يتعطر وعدل شعره قدام المرايه ودق جواله
وقرب شاف الاسم ورد : اي
يزن : انا برا
خالد : يلا يلا جاي بس البس شوزي
يزن : لاتتأخر
لبس خالد ومشى بسرعه لعند الباب وتذكر انه نسي
جواله ورجع بسرعه اخذه وجا بيطلع شاف سامر سادح
للحين يقلب بجواله: قومممم انت يزن برا
قام سامر وطلع خالد بسرعه ووراه سامر وركبو السياره
وقرب خالد من يزن وسلم عليه : شفت كيف اني ماتأخرت
يزن ضحك : كيفك ؟
خالد : بخير
يزن طالع في سامر من المرايه : سامر كيفك ؟
سامر وهو عاقد حواجبه ويطالع في جواله وما رد عليه
وخالد حس بإحراج : ماعليك منه اتركه بحاله مدري وش فيه
منفس اليوم من يوم صحي من النوم وهو على ذا الحال
يزن ابتسم : نمشي؟
خالد : مشينا مشينا...
دخل جراح للورشه وهو لابس لبس انيق وماجد طالع فيه :
على وين ؟
جراح : رايح مع اصحابي
ماجد: وقف تطلع مع اصحابك ذولا مو عاجبيني
جراح : هذا الكلام تقوله لاخوك الصغير انا كبير على
ذا الكلام
ماجد : اكبر مني بيومين لا اكثر
جراح : حتى ولو انا اكبر
ماجد : المهم ليه جاي ايش تبغا ؟
أنت تقرأ
هائِم بِك
General Fiction"على خِلاف قلقي المعتاد، كُنت معك فقط أشعر كما لو أن طمأنينة العالم تلف روحي من كُل جانب."
