قام جراح من النوم وجلس يطالع بجنبه وماشاف غسان وعقد
حواجبه وقام بسرعه من السرير وطلع ودخل للمطبخ وشافه
جالس ياكل وعقد حواجبه بعصبيه وقرب مسكه من يده:
وش تسوي هنا !!!
غسان وهو ياكل : وش اسوي ! جالس اكل
جراح جلس ع الكرسي بعصبيه وهو يطالع فيه:
كان اول ماصحيت شلت اغراضك ومشيت
غسان وهو يطالع فيه : ليه ياحسره ! من مين خايف ؟
جراح : انت تعرف من مين !! كويس ان ماجد مارجع للحين
غسان: وش فيك خايف منه !! ترا عادي
جراح : عادي !! وانت تعرف ان اخوي مايحب علاقتي فيك
غسان : ادري مايحتاج تتكلم ولا ماكان كل شوي نلتقي
بالسر ولا اجي لبيتك اذا اخوك مو موجود
جراح : خلص اكلك وامشي من هنا بسرعه
غسان : طيب طيب بمشي لاتاكلني بعد ماخذت اللي تبغاه
تطردني الحين
جراح : لو انك رايح من نفسك ماكان طردتك
غسان: طيب بروح لاتاكلني انت واخوك
ترك غسان اللي بيده وقام اخذ اغراضه وطلع وجلس جراح يحرك
رجلينه بتوتر ومسك جواله ودق على ماجد و رد عليه الثاني:
اي
جراح : وينك !
ماجد: قلت اليوم ماراح تفقدني دام حبيبك عندك
جراح: قلي وينك !
ماجد: في الورشه باقي نص ساعه واقفل المحل تبغا شي ؟
جراح : لا بس اسأل
ماجد: صوتك متغير فيك شي !
جراح : لا بس دوبي صحيت قلت اسال عنك
ماجد: اي اي بس نص ساعه وانا عندك
جراح : تمام
قفل ماجد جواله وحطه بجيبه ورجع يكمل شغل وهو يفكر
بصورة يزن اللي ماتفارق عقله وابتسم وقفل السياره
وبعد عنها قرب من المغسله وغسل يدينه ودخل
للغرفه وبدل ملابسه واخذ مفاتيحه وطلع من الورشه
وقفل الباب وقرب فهد وهو واقف والثاني جالس يقفل
القفل ولف وقام وجا بيمشي شاف فهد اللي كان واقف
وعقد ماجد حواجبه : فهد
فهد اللي كان واقف ومتدفي وبيده جاكيت وقرب من ماجد
ومد له الجاكيت : البسه
أنت تقرأ
هائِم بِك
General Fiction"على خِلاف قلقي المعتاد، كُنت معك فقط أشعر كما لو أن طمأنينة العالم تلف روحي من كُل جانب."
