أحببت سفاحا ❣️مكتملة ❣️

الجزء 108 ❣️

يوم عرس الاسطوري لعائلة سفاااح قرو صحاب يديرووه مجموووع كاملين
سيلين❤ علي
فاتي❤مؤيد
امونة❤زيد            💕 نادية مروك 💕
نادية❤عمار
غلا❤خالد                 🔪  أحببت سفاحا🔪
ندى❤يوسف
بنات مجموعين بوحدهم ودراري بوحدهم
كل واحدين مجموعين تيوجو راسهم و كلشي فرحان وناشط كل واحد غيتزوج حبيبو و غيكمل معاه حياتو في لحلال
عند البنات ☆☆
سيلين :هىء هىء كلكم غتجيو زوينات الا انا كرشي ولات قدااش غنبان بحال وزة بهاد لكرش
امونة : ويلي على حبيبتي انت هي الزين كلو كتهبلي
كلشي لبنات جاو عنقوها و تيضحكو معاها حتى بداات حتى هي كتضحك
سلين : دراري كاملين غياكلو لحلوة ليوم و علوشتي مسكين غيتعد ههه ولات كديرونجيه كرشي
فاتي :(حطات ايدها على كرش سيلين ) امتا غتخرج حبيبت عمتها لدنيا
سلينن : حطات ايدها على كرشها . قريب نشوف بنوتي
نادية : اوووف راه تعطلنا خصنا نهبو spa دابا نوجدو راسنا نكافات قربو يجيو
هبطو لبنات spa يقادو راسهم .مشاو كاملات لصونا يرهيو عضامهم و لخدمات ديرين بيهم كن كل جهة .من بعد خرجو و كل وحدة معاها وحدة مكلفا بالمساج دارولهم مساج باش عضامهم يرتاحو و من بعد دارو لاسيغ لحمهم و قادو ضفرانهم تهلاو في راسهم مزيان نخليوهم يكملو و نمشيو نطلو على سفاحين ديولنا شنو تيديرو
كانو جالسن في جردة تاع القصر و حطين حداهم قراعي لويسكي و ناشطين مجمعين و مقابلين اشغال كي غادة و خدامة تيقادو جردة عي فين غيكون لعرس تيزينو فيها
علي :ناس قربو يجيو نوضو نوجدو راسنا
ناضو دراري كل واحد طلع لبيتو يوجد راسو كل واحد فيهم لقا جلبة حيث غادي يدخلو بي تقليد اوامر جاية من فوق تاعو محطوط فوق نموسية

لبنات كملو تجهيز و عملات ليهم لكفورة مكياج زوينن و تافقو انهم يلبسو بحال بحال كاملات .وصاو نكافة تجيبلهم من كل حاجة  6 كل وحدة و حدة  لبستهم نكافة لبسة لخضرة قفطان في الاخضر الملكي مطروز باللون الذهبي و ومزير من جهت الخصر و طويل من لتحت و دارتلهم تاج من دهب خرجاتهم لقاو دراري لابسن جلالب في الاصفر جاو زاز و اقفين كيتسناوهم و دارتلهم نكافة زيف في اخضر مشبك على راسهم و خرجتهم بقاو تيشوفو فيهم تيبانو بحال بحال دراري بداو تيضحكو مقروش يميزو بيناتهم الى على لي تيضحك
علي : هههه انا معلمك اااح على بنتي نفعات باباها ليوم مشا قرب عند سيلين و حيد ليها زيف على وجها لقاها حادرة راسها هزو ليها باطراف صباعو بقا كيتأمل في وجها بحب و ختمها بقبلة على جبينها و قرب لودنيها و همس ليها ...اجمل عروس في الكون كنبغييك
سيلين:عينها مدمعين ) حتى اناا
عنقهاااااا وهي بدلتو نفس عناااق
(غادي نركز على علي وسيلين حيث حق ربي الا عيث)
دراري اخرين كل واحد مشات عندو حبيبتو
مؤيد :شاف فاتي لي حتى هيا بهاراتو بجملها وتاها لبلدي و طاح عليها سر تاع لعرايس
اما عمار
عمار:عرفتك اعفريتة
نادية:امم باش
عمار:شميت فيك ريحة بنج
نادية:حق ربي حتى نهز جليلي ونزيد فحالي
عمار:نعم يا روح ماما ذا كان زمان ديلوقتي بقيتي مراتي حبيبتي مو عياالي وقرب ليها
نادية:ايتلم ايتلم يا حيوان
عمار:اححح ونشدك
نادية:شدني شدني لا نطيح من دبا نوصيك عندك ثم عندك تهزني كيف ديك خاطرة هنا علمتك ....
اما سي خالد متبت مشا بكل جرأة عند غلا حيث عرفها من
غلا:كضحك) باش عرفتني
خالد:احم احم دبوبتي
غلا:خالد صقل قبل منقلب هذا العرس فوق راسك ...
عند يوسف  عرف ندى غير من طولة مشا ليعا نيشاان
يوسف:عرفتك
ندى:كيف درتي ليها
يوسف:احم احم حنى عسكر ولا زمر
ندى:زمر
يوسف:بغيتك طليه
ندى:انا ويااك بيبي
يوسف:زيدي زيدي اوجه زمر بغيت نقول ثمر
اما عند زيد كاع معرفها بقى هو لخر عاد مشا عند امونة
امونة:اويلي على راجل تلفني
زيد:راه كنت نحسب اربي جدي هادي ولا هادي حق ربي حتى هادي وجات فيك وجيت
امونة:زيد زيد تجيك في راس
كل واحد تغزل في حبيتو راكم شفتو غزال كيف دير... و في اخر كل واحد شبر حبيتو في ايدها و خرجو لجردة فين كينا لحفلة تاع لعرس و وراهم نكافات تيصليو عل  نبي كانو عمريات محطووطين كيف دخلو ركبوو فوقهم ....
.
طلعهم فوق عمارية كاملت وضرو ليهم صف سيلين بدات تبكي حيث خافت وعاد كرشها علي بدا كيصبر فيهااا بزز باش سكت ليهم مهزوها حتى كاع بنات طلع ليهم زعاف وعلي بدا يحلف عليهم والله مهزتو سيلين معاكم لا طلع شي حد..بقو معاها حتى زعمت عاد طلعوو كاملات ...
كانت الفرحة باينة فوجهم وهما فوق العمارية كيشيرو فيديهم كاع المعروضين حالين فمهم فيهم بنات ودراري صوت الموسيقى صارخة ....نزلوهم وكل وحدة جلسوها فمقعد العرسان مع راجلها علي شاد فيد سيلين وكل دقيقة يبوسها فيها ناس ناضت كترقص فالوسط مع شريكها وجو ولا اروع ...طلعوهم تاني نكافات لبسوهم ب 6 بحال بحال  وربطو ليهم البت فتلفازات  اللي فالقصر وهما  جالسين  تحت نغمات فنانين الطرب .... العواصر بكل انواعها والمشروبات الغازية ...كانو اميرات فوسط لباس متنوع مؤيد ضرسة دالعقل كتبان ليه بالفرحة .. طلعهم عوتاني يبدلو...لبسو تكاشط ..... كانو فالبيج فاتح وهابطة احجار فالمارو كيبري قادولهم الشدة وحدة طلعوا كيحمقوا بداو النكافات بزغاريييت هبطو جاو يعيطو على عرسان لقوهم مجموعين كيرقصو وخاصة الا كان شعبي خداام لووكها لوكها اولدي عمار هاديك هاديك اسي مؤيد كل مرة كيدخل واحد يدير راقصة بنات درو بناقص مشاو غير بوحدهم حتى لعندهم كل واحد شد مرتو وبدا كيرقص الا عمار لمزال يلوك غير بوحدو
نادية:براكة عليك براكة
عمار:راه عرسي هذا
نادية:منلقاش عندك واحد 20 درهم
عمار:لاش
نادية:نعلقك ليك
عمار:اجي اجي ترقصي قبل منعلق ليك رجليك في لوطيل ...بدوو يشطحو ويرضحوو حتى وصل .....بقو هكا حتى وصلو اخر لبسة..وصلات اللبسة البيضاء الاخيرة وطلقو شعرهم  بوكلي على طولو والكسوة لاسقة مغدية غير الصدر احتى للخصر وتنفخات ، هزو  بوكي دفلور ابيض وتاج رقيق فراسهم  والفرحة فعينيهم خارجة خرجو فرحانين شادين فيد أزواجهم  تطلقات موسيقى هادءة رومانسية بلا كلمات ، تلفتات بزربة عندو عينيها كيبريو  وهوا واقف وقدامها زربية طويلة حمراء وجناب الصالة دالقصر  مضلم مكيبانش جناب  خارج منو الورد بكمية هادئلة داير بالصالة كاملة الشيء اللي عطاها منظر خيالي و الاضواء الخافتة الملونة مركزة فقط على الوسط ،السقف على كلو كيبري بتريات هابطين بالبيض ماءي  و مغطي بالور د فرحات وهي مغضية وجها بالثوب الابيض وكتقدم بخطوات بطيءة كتشوف فجمالية المكان لي تبدل سرعان ماطلعات بدلات ... وكأنها فحلم وسط جردة مليءة بالورد مضلمة ومضوينها الوان خافتة خلات اللمعة دعيونهم كتبري  بقاو  غادين  على طول الزربية تا وصلوا الوسط شدات فعلي لي فكامل وسامتو  وهوا فكامل  وابتسامتو وعينيه هايمين  فيها وهي في فستانها الابيض بحال شي وردة بيضاء يالاه كتفتح فلحضة داز قدامو ماجرى ليهم من نهار عرفها ومن نهار شافها لاول مرة ولحبو اللي كان كيتصارع معاه والرفض ديالو لاستسلام كاع الاحاسيس اللي دازو عليه استرجعهم وهوا كيشوف فيها اليوم جايا عندو اليوم عروسة حس براسو وكأنو يالاه غيملكها لاول مرة واخا كان مالكها وساكنة قلبو من نهار شافها ، وقفات حداه كضحك حشمانة وهز الثوب على وجها وباسها من جبهتها قدام الجميع  شد فيها من خصرها وقبلها من فمها وغمض عينيه وهي كذلك عاشت معاه لحضة بلحضة وسط موسيقى هادءة شاد خصرها وكيتمايلو  كاملين وغير ضوء بيض لي ضارب فيهم وهما فالوسط شويا هزها وبدا كيدوور بيها ولكوبيل خرين ديرين بيهم ومخالينهم هما وسط ... شي خيالي وعرس أسطوري بمعنى الكلمة....جات لقطة ديال تقطيع حلوة هبطت من فوووق كبيرة كل طبقة بي تصويرة عرسان تجموعو كاملين قطهوها وعطو عريسات ياله جو يديرو صورة جامعية حتى بدات تغووووووات ليهم سيلين وشدات كرشهاا كلشي كاع عرسان هربو بقى غير علي قجتووو ...