مهرة العنيد

بارت 2

.
.
.
‏وعلمتني ان الهوى ملاذٌ
به نهبط في نعيم الملذاتِ
كنت تعلم انني مفتون بعينيك
آه لعينين تصيب في الخلواتِ.
.
.
.

ذكرى.

استمتعوا....

____________________
____________

بابل

مهرة

قصتنة وية أبوية جان ختامهة يوجع، رغم جان ختام يليق بالي عشناه وية بعضنة.

گعداتنة وضحكنة وشقانة وياه مخلق الا ذكرى حلوة وحزينة كلما نتذكرهة نبتسم وتتغورگ عيونة بـ الدموع.

أبوية جان مثل النسمة سهل ماكو انظف منه.
سهل تتناقش وياه، وسهل يسامحك ويعذرك مهما جان موقفك، سهل تاخذ رأيه وينطيه الك بكل بساطة وكأنو جان منتظرك تجيلة، واذا نريد نحجي وياه جان بكل وقت موجود ونگدر نوصله.

طبع السهولة مو صفة موزينة مثل ما البعض يستخدموهة !

ترة الناس تحب الانسان السهل والبسيط، تحب الشخص الي ميحجي بخشونة ويعلي صوته وية كل كلمة تنگال بس علمود يثبت نفسه وعود اني الشخص الفاهم وانتَ جايني لازم تتحملني شما احجي !

لهذا جان أبوية انسان محبوب.
بس جدي متفهم رغبته، متفهم كل الي يريده أبوية البساطة، يعيش وية الشخص الي يحبه، يكون عائلة وية شخص يفهمه.

صعبة كلش !

من اول ما فتحت عيوني على صوت صياح أمي جسمي كلة رجف، بصعوبة گدرت اگوم من فراشي واطلع من باب الغرفة، كلشي جان بطيء يمي بس السالفة مطولت ثواني !

طلعت بسرعة ونزلت جوة وأسامة جان سابقني، دخل لـ غرفة أمي وأبوية واني وراه واول شي وگع عيني عليه أبوية مغمض عيونه جسم بدون روح.

رمشت بعيوني احاول استوعب لحظاتة الاخيرة ويانة..
گعدتنة على العشا البارحة جانت آخر گعدة وية بعض، آخر كلمة سمعتهة جانت تصبحين على خير بنيتي !

باوعت على يناير الي راحت يمة تكوله.
-بابا اگعد عليك الله لا تبقى هيج نايم، بابا تسمعني ؟ افتح عينك !!