.
.
.
.
استمتعوا بقراءة أي شيء إلا النوايا
ما أبحر إنسان في نوايا الناس إلا غرق
وإن كان يتقن السباحة
.
.
.
.
ذكرى.
استمتعوا...
______________________
_____________
كلنة نعرف القرارات الي نتخذهة راح تعكس رغبتنة وطموحنة !
اما القرارات الي تكون بناءاً على رغبة الناس هي قرارات بالنهاية غير مرغوبة، بس احياناً نكون مجبرين نمشي عليهة !
وخصوصاً اذا جان قرار أبوك !
شنو يصير اذا وگفت بوجه هذا القرار !
شنو يصير اذا رفضت !
طرد ؟ تبري ؟ قتل ؟
خلي نجرب نكول لا !
احمد: لا اني رافض !
بالنهاية احنة بشر والفضول مزروع بداخلنة، نحب نعرف شنو يصير اذا كلنة لا، اذا جنت شخص ميخاف من كلمة لا وتتحمل مسؤوليته كول "لا" ترة هي كلمة بسيطة تحتاج جرئة ابسط !
انرسمت على وجوهم كلهم ملامح الصدمة !
مو كلت كلمة بسيطة ليش كل هاي الصدمة !
رحيم: بهاي الحالة انتَ لا أبني ولا اني أبوك اطلع برة البيت وماريد اشوف وجهك بعد.
هادي: احمد تكسر كلمة أبوك !
گمت من مكاني واقتربت من أبوية وكلت بصوت مسموع.
-اريدك تبريلي الذمة، بالنهاية الزواج مشروع بناء عائلة وية شخص انتَ ترتاحله، مو بس كلمة نعم يسمعهة الشيخ منك وورقة تبصم عليهم بالمحكمة، اختاريت الشخص واني عندي الثقة بـ اختياري هذا.
رحيم: روح اطلع برة ومراح ابريلك الذمة.
دنجت اريد ابوس راسه بس دفعتة الي خلاني ابتعد عنه واطلع برة الاستقبال صافي من الأهل.
لحگني فلاح وكمش أيدي وكل: احمد انطي صبر لحد ما يهدأ واني ارجع احاجيه !
نفيت براسي وحطيت أيدي حول جتفه.
-فلاح لا تورط نفسك بمشاكلي وماريدك تجي يمي بعد انتَ وهادي وسلام هذا رحيم لسانة والتبري.
أنت تقرأ
مهرة العنيد
Fiksi Umumأشعر أن لي قلبين حين أكتب عنك وأن لي ست حواس، أشعر بأنك رئتي الثالثة ونافذتي المطلة على بحرٍ شاسع.. أبجديتي التي لا أحد يجيدها غيري.. حرفي التاسع والعشرون، والشهر الثالث عشر من أعوامي، كأنك دهرٌ بأكمله كأنك شيئٌ عظيمٌ أعجز عن وصفه شيئٌ يستحيل إعطائ...
