فاضل شهر.... بس شهر وتبدأ الدراسة وكانت نور متحمسة جدا انها انهاردة بباها سمحلها انها تنزل تشترى اللبس من المول بس طبعا معاها حراسة والاكيد ان هيا و ديدا هيروحوا سوا
وكانت ف نفس الوقت خايفة تظهر للعالم الخارجي وانهم يشوفوها
كانت نفسها الناس تتقبلها زى ما هيا ومحدش يخاف منها
او بالاصح دى الفكرة الى كانت ف بالها ان اهلها مخبينها عشان الناس بتخاف منها
مكنتش تعرف ان حرفيا كل شخص بيشوفها بينجذب ليها
ودا كان سبب انها تفضل ف الضل ومحدش يشوفها
_ديدا
ياااااا نوووووور يلا بقالك ساعة ف التواليت كل دا شاور
_نور
انا جهزت ي ديدا بس خايفة اخرج
_ديدا
يوووه ي نور هنفضل نعيد ونزيد تانى... ما قولتلك انتى جميلة مش وحشة زى ما بتقولى
ومن امبارح وانتى عمالة تقولى خايفة... ساعة تضحكى وتتنطتى وساعة تغيرى رايك
حيرتينى معاكى بجد... مبقتش فهمة انتى عايزة اى
تخرجى للعالم ولا تتخبى هنا طول عمرك
اخدت نفس عميق وغمضت عيونها وافتكرت ملمس شفايفها وانها بقالها اسبوع كل يوم تقوم من نومها وهيا حسة ب حد جمبها والطعم الى بتدوقه على شفايفها بمجرد ما بتقوم
والريحة الى بتشمها واتعودت عليها ف اوضتها الفجر.....
دايما الريحة بتجى مع نسمات الهوا عشان كدا بقت بتسيب التراس مفتوح وهيا نايمة
عشان لما تقوم تشم الريحة دى وتستطعم شفايفها زى كل ليلة وتغرق ف الاحلام حست انها بتستمد الشجاعة بمجرد ما تفتكر الى بتحسه كل ليلة
_نور
( بتنهيدة) خلاص خلاص خرجة اهو....
خرجت نور وهيا لبسة بنطلون جينز سكينى تلجى وسويت شيرت بيضة وليها زعبوط ورفعة شعرها كعكة عشوائية ونازل خصل بسيطة من جمب خدها
وطبعا نو ميك اب لانها مش محتاجة دا....
شفايف بينك ف مش محتاجة ليب جلاس
و خدودها وردى ف مش محتاجة بلاشر
ورموش تقيلة كثيفة ف نو ماسكيرا....
وطبعا لون عينها الى مخليها شبه الجنيات الى طلعين من الاساطير
وشعرها الرمادى الويفى.....
الخلاصة كانت قمر 14.....
_ديدا
(بصفير) ايوا باه..... اى القمر دا يخواتى عسل ي نور
_نور
اوف ي ديدا بجد. خايفة انا اول مرة اخرج
_ديدا
😉 تانى مرة... انتى نسيتى المغامرة بتاعتنا ولا اى
_نور
اسكتى اسكتى متفكرنيش... دنا قلبى كان هيقف لما بابى دخل الاوضة
كنت حسة هيجيلى سكتة قلبية
_ديدا
انتى هتقوليلى... دنا موت مرتين وصحيت على ما دخل وخرج هههههه
المهم يلا بينا
_نور
استنى اخلص اللوك بتاعى
( ولبست الزعبوط ونضارة شمس شيك جدا وكمامة سودا)
_ديدا
( باستغراب) ممكن افهم اى دا
_نور
ما هو انا مش هخرج الا كدا... انا خايفة ومش مطمنة
وانا دى الطريقة الى مطمنة بيها
_ديدا
خلاص الى يريحك ي روحى... بس لازم نلاقى طريقة نخلص بيها من حبة البقر الى برا دول
_نور
لاء والنبى ي ديدا بلاش مغامرات والا بابى المرة دى مش هيحبسنى بس ف البيت دا هيحبسنى ف قفص
_ديدا
متقلقيش انا عندى خطة جهنمية من غير مشاكل
_نور
( بتبصلها ب ريبة وهيا عارفة ان خططها كلها نهايتها مصيبة حرفيا)
ربنا يستر باه......
أنت تقرأ
عيون الصقر
Romanceبنت مميزة بجميع المقاييس مصنفة عالما انها من اجمل واغرب البنات ف العالم..... شاب عدوانى عنيف بمعنى الكلمة ملوش كبير وعنيد فوق الوصف كبر واتربى ف عيلة مصرية العهد هو شريعتهم وهنشوف الجانب المظلم الرجولى للعالم الى عاش فيه ياترى هيحصل اى لما الطفر...
