عيون الصقر

بارت 12

_الكاهن
تبادلوا الخواتم
_ صقر
الخواتم ي جاد
_ جاد
انت متاكد من الى بتعملوا ي صقر
_ صقر
انا اخسر حياتى واضحى بعمرى ولا ان يحصلها حاجة ي جاد
_ جاد
يارب تضحيتك دى تكون فى محلها ي صاحبى والا هنروح فيها كلنا
_ صقر
متقلقش
_الكاهن
مبارك عليك الزواج يمكنك تقبيل العروس

بيقرب صقر وبيبوس البنت فى جبينها وبيقرب عليه راجل كبير فى السن ولكن واضح عليه الغنا الفاحش والجبروت

_ ميلانو
انتا دلؤتى دراعى اليمين ي صقر بما انك بقيت جوز بنتى ومن العيلة
اهلا بيك فى المافيا المانية ي وحش
_ صقر
( بكل غرور ونظر كبر) مبروك عليك ي ميلانو
_ جاد
اهلا ميلانو ( مد ايده وسلم)  مبروك
_ ميلانو
( بص بغرور ل جاد ومرضاش يسلم) اهلا
_ جاد
( بحركة من بؤه زق خده بلسانه)  هههههه بكرا نتعرف ي ميلانو
( وبصله بصة متقلش رعب عن نظرات الوحوش)
_ ميلانو
( وهو حاطت سيجار كوبى فى بؤه  وبينفخ الدخان فى وش جاد)
بلاش النظرات دى ي جاد انا عارف انك متقلش فى حاجة عن صقر لاكن متنساش انا مين وانت مين
_ جاد
فعلا انا بقول كدا برضوا متنساه انا مين وانت مين ( وبصله بكل برود فى عمق عنيه وسابه ومشى )

كانت حفلة كبيرة جدا وراقية جدا واغلب الحضور مجرمين بشياكة وكبرات رجال الاعمال من دول مختلفة
كلهم من اعوان ميلانو وحلفائه حتى ان فى بعض افراد من الشرطة موجودين
الليلة دى كانت من اسوأ الليالى على صقر لما كان بسلم على الناس وميلانو بيعرفهم بيه انه جوز بنته واسده ودراعه اليمين وانه هو الخليفة من بعده وكان فخور جدا بيه
بس رغم ان الليلة مخلتش من دلع دولفا عليه ف الفرح وبالذات ادام البنات وكل شوية تبوسه عشان تعبر عن ملكيتها ل اوسم راجل شافته عينها
زى الى بتعرف كل ست ف الحفلة ان دا جوزى وبتاعى
وقتها صقر اتخنق لما افتكر انه كان المفروض يطلع من العالم دا مش يتوغل فيه اكتر
المفروض كان يحافظ على نور بدل ما يورطها لاء وورطها مع مين واحدة من اخطر مافيا فى العالم

صقر ساب دولفا ملهية مع الحضور وخرج التارس كان كبير جدا وادامه غابة كبيرة مغطية تلج والسما صافية وبتلمع من النجوم
نفخ سجارة بحرقة وغمض عينه وكان بيتخيل نور بتفاصيلها بكل حاجة فيها
وطعم شفايفها وريحة حضنها ودقات قلبها
كان كل ما يتخيل كل ما قلبه يوجعه اكتر بسبب ان كان المفروض تكون هيا الى لابسة الفستان الابيض المفروض انها تكون الى بتضحك بسعادة بدل دولفا
المفروض كانت دى ليلة العمر ليهم سوا

فجاة وهو مغمض عيونه حس ب ايد بتحضنه من ورا وراس بتسند على ضهره

_ دولفا
اممممم بتفكر فيها مش جدا
( دولفا حست بتصلب صقر وبعد كدا بدا يرتخى تانى)
_ صقر
( بهدوء و برود رد عليها لان اخر حاجة ممكن تواجه دلؤتى ان دولفا تلاقى نور او تعرف عنها حاجة)
قصدك مين
_ دولفا
بنت اللوا
_ صقر
مش فاهم قصدك
_ دولفا
امممم حبيبى ( بتقول بدلع) خلينا صرحا مش لازم نبتدى حياتنا ب كدب
انا بتكلم عن نور بنت اللوا حبك الاول
( قالت اسمها بهمس زى الافاعى  وهيا قريبة من ودنه ونبرتها فيها تهديد)
_ صقر
انتى مراتى دلؤتى متقلليش من نفسك بذكر واحدة تانية
_ دولفا
حلو.. كلامك عجبنى و كدا كدا انت بقيت جوزى دلؤتى وميهمنيش الماضى
الى يهمنى دلؤتى ي صقر ي حبيبى الى جاى وحياتنا الجديدة
(كانت بتكلمه بهمس الافاعى ومن ودنه دى لودنه دى وايدها بتتحرك على صدره وبتتمسح براسها فيه زى القطة)
وانا ست محبش تشارك الراجل بتاعها مع حد حتى لو ب شوية تفكير من عقله
اظن رسالتى وضحت ي روحى
_صقر
( بكل برود شدها ليه وباسها بكل غضب كانها بيعاقبها انها بتهدد بنور وقالها )
معلوووم ي زوجتنا المصون