بارت (1)احببتك بكل حواسي♥️
هلو اشلونكم ياحلوين 🌚
اسمي شوگ عمري23 ماكملت دراسه بسبب الظروف وهيج واني اصلا ماحب الدراسه 😂😅اهلي متكونين من 2 خوان و2خوات واني ل 3 خواتي متزوجات وبس اني بالبيت يعني المدلله الي شابعه تكفخ من اخوانه 😂😂لا اشاقه محد يكدر يحجي وياي اصلا حياتي كلش عاديه مخلصته بين اهلي واخواني ماعدنا شي ويوميه نفس الروتين اعرفكم ع اخواني
اخويه الجبير موسى عمره 35 الثكيل مال العائله ومايضحك ابد مامتزوج
اختي سدن عمره 32 متزوجه واختي الثانيه رنيم عمره 27
واخويه يوسف عمره 24 هذا الحيوان مال العائله😂😂😂حاسب نفسه جبير ويدخل بالجبيره والزغيره وبس يتعارك وياي
ماراح ادخل بكل تفاصيل العائله
اني انسانه كاعده وساكته ماعندي اي شي اسويه ومخلصته بالبيت وياه امي يوم من الايام جانت جمعه وخواتي كلهم يمنا وامي كالت مدام كلكم ملتمين باجر نطلع سفره بالحديقه نسوي دولمه وناخذ فراش ونروح
موسى : انتو روحو اني اريد ارتاح
امي: لا يمه نروح كلنا وهم غير جو شعندك باقي وحدك
موسى: تمام لعد اروح انام
سدن: الله شكد صار مطالعين سوه
رنيم: اي والله كلش متحمسه بس خل اشوف حسن خاف مايقبل 🙄
امي: يلا لعد روح اجهز الدولمه من هسه وانتو شوفو شنو تريدون اخذو وياكم
شوگ: شو اني محد اخذ رائي يمكن ماريد اروح شنو هالاحترام هذا
يوسف :دكومي سوي الدولمه ويا امي وبعدين ناخذ رايج
شوگ: انت بالذات محد حجه وياك
سدن:ترا عيب عليكم صدك جذب وبعدين يوسف لاتحجي هيج ويا اختك
يوسف :اي صار 😒
شوگ:اننن مابيك حظ
رنيم: كللوشششش حسن قبل وكالي روحي💃😂😂
شوگ:ديلا عيني انتي وين رايحه ترا هاي الحديقه بصف البيت 😂😂
رنيم: المهم نطلع بصف البيت وره البيت ولازم اكول لحبيبي واطلع 🤭🤭
شوگ:ديلا يلا امشي شوفي امي شتريد اسوي بعد
كلنا كعدنا بالمطبخ وامي جهزت غراض الدولمه ورنيم كعدت تثرم
اني جنت محتاره شنو البس 😂😂 صفنت صفنه ع كنتور وامي صاحتني كالت شوفي يوسف خل يجيب دجاجه علمود اتبلينه وباجر تشويه رحت ع يوسف اكله يجيب لكيته كاعد بالصاله كتله امي اريد غراض كوم جيبهم
يوسف : اي وشنو الغراض
شوگ : دجاجه وحلويات وفواكه لباجر يعني وها كرزات هم لان البنات هنا
يوسف : متاكده امي كالت جيب كل هذني لو ع مزاجج وهيه فرصه
شوگ: اهووو هسه تروح لو لا تره اني اكدر اروح وحدي عادي
يوسف : انجبي اني اصلا طالع اشتري
شوگ: ايي لازم ماعندك جكاير🌚😂
يوسف: اشش وسم وبعدين منين عرفتي ادخن
شوگ:مو مهم اشلون عرفت هسه تروح لو اروح اكول لموسى وانت ابكيفك😅🌚
يوسف: رايح رايح وذا طلعت كلمه اكص السانج
شوگ:ديلا ماشي
طبعا يوسف يدخن بس موسى مايعرف بي واعتقد يعرف بس مغلس 😂😂
اي رجعت كعدت يم امي والبنات سوالف وضحك وسوينه الدولمه وامي خلته بالمجمده والصبح تطبخه
اجه يوسف جايب كل الغراض رحت موعت الدجاجه وحظرت التتبيله علمود بس تموع اخلي الدجاجه بالخليط واخليه بالثلاجه لباجر كملت ورحت اسوي عشه وامي راحت اصلي وخواتي كل وحده بصفحه اني بقيت بالمطبخ سويت عشه وسويت كيكه بارده وجلاتين علمود نتعلل كملت عشه وكعدنا كلنا ناكل واني كل شوي اهدد يوسف
😂😂احب لمه اخواني وامي تكون فرحانه من اتشوفنا كلنا موجودين ورنيم مخبوصه لباجر ماعرف وين رايحه 😂😂😂واني هم جنت وياه علواهس كملنه عشه كتله اغسلي المواعين وانطيج ملابس راح تعجبج والله
رنيم: والله جذابه
شوگ: هسه كومي انتي وذا تريدين روحي هم انطيه الج بس غسلي المواعين 😂
رنيم :بس اساعديني اني اغسل المواعين وانتي رتبي المطبخ
شوگ: عابتلج اي والله لعد ماراح انطيج ملابس كامله اذا هيج
رنيم:لا والله راح اني اغسلهم بس اني اختار شنو يعجبني غير هيج ماقبل
شوگ:ماشي متفقين
سدن: والله انتو جهال والي يشوف هاي يكول خطيه ماعده ملابس
شوگ:سكتي حبابه هسه تبطل ماتغسلهم
امي :يلا لعد كومي سوي جاي
شوگ: صدك يمه لو تشاقين خلي سدن اتسوي جاي هاي اختي الجبيره الجاي منه عافيههه وخلوني بحالي اليوم بس اليوم
سدن:يمه من السانج انتي اني راح اسوي جاي بعد شنو تردين
شوگ:اروحلج فدوه والله سلامتج ماريد شي بعد🤭🌚
رنيم كملت المطبخ وراحت ع كنتور ركض صارت تلبس وتنزع وكل شوي تجي لابسه شكل وامي وسدن يضحكون عليه والله عبالك جاهل😂😂كتله ايي كملتي ست رنيم
رنيم : بس لحضه بعد خل اشوف شكو النوب
شوگ:ماشي نصبر وانشوف تاليه اشلون
اشوي واجت لابسه تراك اسود صحت عليهااا كتله لاااااااا الى هذا
رنيم: والله عجبني راح البسه
شوگ: لا والله ترا هذا اني جنت مقرره البسه وحتى حضرت شيله
وحذاء ولو تموتين ماتلبسينه
رنيم :راح ابقى بي حتى مانزعه علمود ماتاخذينه
شوگ: هههههههه لا عفيهه انطيج غيره بس هذا جديد واني لازم البسه اول وحده مايصير
رنيم : ما البس هذا يعني هذا
شوگ:ترا عيب عليج وبعدين انتي اكبر من هيج اشلون تلبسي ومو مرتب عليج
رنيم : راح انزعه اسم الله شبيج
شوگ: اي حبابه
لهنا ورنيم كملت العرض ازياء مالته وكلبت الغرفه والكنتور ومارتبتهم لان مانطيته تلبس الاتراك الاسود 😂😂
كعدنا عاد جبت حلويات واجه يوسف وموسى وكعدنه كعده عائليه
موسى جان كلش هادي ماله صوت بكل بيت موجود هذا الشخص وموجود هذا الخفيف مايحتاج اكول منو الخفيف اكيد يوسف 😂😂خلص الحجي وخلص الضحككك والوكت تاخر وكلمن راح ينام
فرشت لاخواتي وجهالهم ونمت بنصهم جانت ليله لطيفه بين كل اهلي ♥️♥️♥️🥺
