بارت (5)قصه احببتك بكل حواسي
ايهم كل فتره اروح ع خالتي اغير جو يم الولد رحت هالمره غير طلعت ع حديقه نفس كل مره اكعد بنفس مكاني ابقى ادخن شوي وارجع للبيت هالمره جنت كاعد وشفت بنت ام موسى بس وياه ابنيه اول مره اشوفه بقيت كاعد بمكاني وباوع ع كل تحركاته وضحكته وكل شوي تضرب اخته ماحسيت ع نفسي واني مبتسم من كل عقلي نتبهت هيه باوعت عليه نطتني نضره ومشت اني شلت عيني منه وكعدت عدل بس عيني جانت تروح عليه شفتهم كاعدين يتغدون وهيه تصور والضحكه مارحت من وجهه صورت هيه وموسى كلت معقوله تكون خطيبته او زوجته بس ماعرف بيه مرتبط جنت اريد فرصه اروح اسلم عليهم بس ماعرف اشلون شوي هيه بدت تشيل بالسفره وكعدت تصب جاي اني رحت عليهم عاد سلمت ع موسى وكتلهم اريد كوب جاي اذا ماكو زحمه
موسى رادني اكعد وياهم بس حسيت زحمه حجه ويا الابنيه
شوگ صبي جاي صبتلي جاي بس بدون ماترفع عينه
اخذت الجاي ورحت طبعاً اني اعرف موسى واعرفه امه بس علاقتنه وديه لان اني ما اتواجد هوايي هنا يعني بالصدفه اشوفهم رجعت ع مكاني اليوم طولت هنا المفروض ارجع من زمان ليش بقيت اصلا
شفته تتمشى ويا طفله كلت معقوله هاي تكون بنته رحت بالتجاه الي تمشي بي سالت الابنيه شنو اسمج كالت نورهان وهاي خالتي شوگ
ماعرف ليش فرحت رغم هيه ردت بوجهي هيج بس غلست
همه طلعو ورحت اسلم ع موسى وهيه اجت باوعت عليه وصعدت بالسياره وراحت
واني رجعت للبيت اني لا غده ولا شي من وره ست شوگ
صار وكت العشه وكاعدين نحجي كتله خاله اول مره اعرف ام موسى عده ابنيه هالكبر
دعاء : هاي شوگ ليش وين شفته
ايهم : بالحديقه اليوم هيه واهله جانو يتغدون
ام دعاء : ايي يمه هيه اصلا ماتطلع وبس بالبيت حتى ماتدرس بالصدفه تجي تشتري من المحل
مصطفى: يوميه تجي تاخذ ريوك كلش مبينه حبابه وفقيره
ام دعاء : بنات ام موسى كلهم ماشاء الله حلوات وفقيرات ماعدهم اذيه ع احد
دعاء: اي عيني ايهم ليش دا تسال
ايهم : اني بس سالت وانتو فتحتو موضوع
دعاء : 😂😂😂 بس والله حلوه ليش ماتاخذه
ايهم : انجبي وكومي سوي جاي 😒
كتله سوي جاي وتذكرت من اخذت الجاي من شوگ بتسمت وكمت اغسل ع مغسله باوعت ع نفسي بالمرايه لا مستحيل هذا مجرد اعجاب لا اكثر وبعدين هيه مبينه شايفه نفسه ويمكن اكو احد بحياته ماريد اتامل من وره دعاء الصخله بقيت دايخ ماعرف شسوي ومن عرفت انو تجي الصبح تاخذ ريوك من مصطفى
كلت لازم اكعد اصبح اشوفه
رجعت كعدت بالصاله هدوء ماكو موضوع شربنه جاي وخالتي راحت نامت والولد طلعو طلبو مني اطلع وياهم بس رفضت
صحت دعاء
دعاء: اعرف تريد تفاصيل عن شوگ وكل معلوماته صح مو
ايهم : صح احجي كلشي تعرفينه بس يبقى بينا
دعاء: اي تمام اني ماعرف كلشي عنه بس هيه خوش ابنيه ومثل ما كالت امي ماعده اذيه ع احد وامه هم كلش فقيره وحبابه
ايهم: عده احد بحياته ؟؟
دعاء: يعني لو عده شخص بحياته جان كتلك من البدايه ونسد الموضوع بس ماعده
ايهم : اشلون عرفتي ماعده احد
دعاء: اخته بنات ونعرف ع بعض واني اعرف ومتاكده ماكو شي بكلبه توكل واني وراك ههههههه
ايهم : والله محد راح يطيح حضي غيرج ههه
دعاء: هههههه هاي شنو طلعت تعرف تضحك اول مره اعرف
المهم اذا تريد الابنيه توكل واني وراك ع فكره كلش لايكين سوه واني اكول لامي تحجي ويا امه هلا شكلت
ايهم : هوب هوب بس صبري بعد انتظري خل اتاكد من مشاعري هسه
دعاء : والله تفوتك لان ماكو مثله صراحه واني رايحه تصبح ع خير
ايهم : وانتي بخير اخذي راحتج
بقيت افكر بكلامه طلعت برا ادخن حاير بزماني لازم ارجع للبيت واني عندي دوام اشلون راح ادبر الموضوع اريد اشوفه قبل لا اروح
طبيت للبيت اريد انام ماكدر اريد يصير الصبح
نمت وكعدت قبلهم كلهم بقيت كاعد بالصاله انتظر احد يكعد
كعدت دعاء
دعاء:شعندك كاعد من الصبح خير شنو راح تروح
ايهم: لا بس اريد اروح افتح المحل لهيج كعدت من وكت
دعاء:: هيج يعني والله وكعت يا ابن خالتي 😂😂
ايهم:: هسه اشلون
دعاء :: خليه عليه هسه اجيك ثواني
راحت ورجعت بيده مفتاح الاسواق كالت يلا اركض ولو شوگ ما هسه تكعد 😂
ايهم ::شوكت تكعد لعد
دعاء:: 11 او 10 🌚
ايهم :: ومنو يتريك هيج وكت
دعاء: هيه اصلا ماتتريك بس تاخذ ريوك علمود امه
ايهم:: اوك اني طالع
دعاء:: بالتوفيق عيني
رحت كعدت بالمحل لا ساعه ولا ساعتين واني اصلا نمت متاخر نعست صارت بال 10 وماكو فصلت الكهرباء ورحت اشوف شبيها جنت خايف اروح وهيه تجي بقيت انتظر شوي بس ماكو
طلعت عاد اشوف الكهرباء شوي ورجعت شفت ابنيه لابسه صايه اسود وشعره ضفيرن طالع من الشال بيده بيض وفاتحه نستله وتاكل
حاولت ما ابتسم ولا اضحك ع منضر بس شكله جان ضايج
ردت احجي ويا بس هيه ماتنطي مجال عافتني وراحت بقيت بالمحل مصطفى اتصل عليه كالي ساعه ونص اني يمك اليوم انت من الصبح بالمحل كتله لا عادي ماعندي شي ضجت كلت خل اشيل الموضوع من راسي والله هنا واجهه مصطفى كال روح ارتاح واني هنا
طلعت من المحل ع بيت كلت اروح اجهز نفسي وطلع ع بيتي هناك عود انام ورتاح لان ماكدر اتاخر بعد
من طلعت صارت بوجهي شوگ🌚🌚
