بارت(8)
دعاء راحت شوگ ع بيتهم واني هم رجعت للبيت اعرفكم عن نفسي
اني دعاء بنت ام مصطفى احنه 2 اخوان و 2 خوات واحد من اخواني مزوج وطالع وبس اني ومصطفى وريم بالبيت
اني عمري 25 كاعده بالبيت وساكته ماعندي اي شي حالي حال اي بنيه بالبيت كملت سادس وعفته مادخلت كليه اختي ريم الزغيره عمره 20 هاي بزر الكعده😂 حياتنه عاديه بين اهل شوگ وبين اهلي
القصه راح ادور احداثه بين هالبيتين فقط ماراح اذكر شي غيرهم
اني احب موسى اخو شوگ الجبير اكيد تعرفونه 🤭😂 وهوه هم يحبني بينا علاقه صار سنتين احنه سوه ومحد يعرف كل مايريد يتقدملي اكله بعد وكت ..... صعدت ع غرفتي واتصلت ع موسى اول مافتح خط كتله هسه صرت اني اكل هوايي مو
موسى:: ههههه اشاقه شبيج صايره حساسه
دعاء :: اييي عبالي وبعدين انت كتلي روحي شوگ سوت اكل اني شمدريني
موسى:: اي مو اعرفج تموتين ع اكل ومن سمعت شوگ تحجي ويا امي تريد اسوي اكل دزيتلج رساله وانتي ركضتي هههههه
دعاء:: ههههههه اي اصلا جنت جوعانه 😅
موسى :: الف عافيه حبيبي
دعاء:: يعافيك عيني
موسى :: ايي شكو ماكو تونستي يم شوگ
دعاء:: ايي طبعاً اتونس غير هيه من ريحتك
موسى :: الله هيج تحبيني
دعاء:: لا بس شوي تعرف شغله
موسى:: شنو
دعاء:: البيت كله عطرك ردت ابجي والله مشتاقتلك 😞
موسى :: راح اجي بعد يومين هيج
دعاء :: ان شاء الله
موسى :: بس هالمره راح اجي اخذج🌚
دعاء ::تشاقههههه صح
موسى :: لا لهنا وكافي شقه ولا تكولين بعد وكت صرت شايب كافي عاد بس ارجع للبيت راح احجي ويا شوگ واخليه تحجي لامي وتخطبج الي هااا شكلتي
دعاء:: هههههههه الي تشوفه 🤭
موسى :: السانج وين ههههه
دعاء :: يلا اني اروح هسه
موسى :: تمام وانتبهي ع نفسج يارموش عيني
دعاء:: وانت هم حياتي♥️
لا لحضه خل خاف جان يشاقه هههههههه يمه صارت صدكك
هففف احس صخنت طلعت بالسطح اخذ نفس من الفرحه ماعرف وين انطي وجهي ههههههه حاولت اكون طبيعيه بس مبينه الفرحه بوجهي يربي شسويي 😂😂😂واخير راح نكون لبعض الف الحمدالله يربيي
نزلت توضيت ورحت اصلي مغرب كملت ورحت اسوي عشه
شوگ
دزيت منو حظرتك او حظرتج ؟؟
نفتحت الرسايل يكتب .......
ايهم : اني ايهم عادي احجي وياج ؟
شوگ:: منين اخذت رقمي ؟
ايهم : مو مهم منين المهم كدرت اوصل الج
شوگ:: ماعندي مجال احجي هسه وذا ممكن لا ادزلي رساله بعد
ايهم:: بس افهمج لحضه
شوگ: مارديت حذفت الرسايل وعفت جهازي بالغرفه وطلعت
رحت ع يوسف يلا عاد شوكت تطلب اكل ترا جعت وشوف الساعه بيش صارت
يوسف:: ومرض شبيج وره هذا كلامج ماراح اطلب شي روحي سوي عشه يلا
شوگ:: يوسففف لا انت كتلي راح اطلب وعتمدت عليك شنو هسه روحي سوي
يوسف:: اعتذري مني يلا
شوگ:: يوسففف
يوسف :: اتوسلي بعد
شوگ:: يوسف كول هاا
يوسف :: هاا
شوگ:: تطلب اكل لو اروح اتصل ع موسى واكله عليك
يوسف :: شنو تريدين اطلب كولي 🙂🙂
شوگ:: عفيه بالشاطر اريد شاورما لحم ودجاج لامي وانت شنو يعجبك اطلب واريد فنكر وببسي 🌚🌚
يوسف:: سم ان شاء الله
شوگ:: عسل والله 😂😂😂😂 بس لا تتاخر لان جوعانه
عفته وطلعت واني اصلا بالي مو يم الاكل اريد اعرف منين اخذ رقمي ايهم وشنو هالصلافه دا يحجي وياي لو موسى يعرف يكلب الدنيا عليه بس اكيد اخذه من دعاء اني اعلمه الحيوانه هيج تسوي بيه سهله الصباح رباح لو اروح عليه لو اتصل عليه تجي صحيت من صفنتي امي تحجي وياي
امي:: تسوين عشه لا
شوگ:: لا يوسف كال راح اطلب عشه
امي :: هوه كال لو انتي طلبتي منه
شوگ: هوه كالي لان جنت اريد اسويله عشه كالي لا تسوين راح اطلب
امي:: اي خوش تعالي جيبي التلفون واتصلي ع موسى اريد احجي ويا
شوگ:: ايي انطيته التلفون واتصلت ع موسى وطلعت اكعد برا
صفنه تجيبني وصفنه توديني شريد هذا شنو هالزكه
صح اول ما شفته نعجبت بشكله جان كلش مرتب وشخصيه وضحكته حلوه ههههه بس هوه جنه عصفور مهلس بس بي حظ هههههههه
ايهم .....
كعدت من النوم شفت رساله من شوگ
جاوبت عليه ورفضت تحجي وياي
عفت الموضوع كله وعفت شوگ من شفت رده هيج شكله مو طايقتني ابد كمت اسوي شي اكل واصلا مالي نفس كلشي احس
ماعندي اي طاقه كلشي اسوي رحت ع مطبخ سويت جاي وبيض وكعدت اكل حاولت اكل بس ماكدرت شربت جاي وطلعت كعدت بالحديقه صافن معقوله عده حب وشخص بحياته ورفضت تحجي وياي لو هيه هيج نظامه كلت اتصل ع دعاء وسال
دعاء:: هلا هلا
ايهم : ها اشلونكم
دعاء:: كلنه زينين انت اشلونك
ايهم :: مو زين تعبان شوي
دعاء:: ليش شبيك لا اتكلي شوگ
ايهم :: اييي رفضت تحجي وياي انتي متاكده ماعده علاقه او اي شي منا منا
دعاء:: شوف اني صح مادخل بيهج اشياء واسال بس متاكده الف بالميه ماعده شخص شنو تعلمني بيها بس رفضت تحجي وياك اعتقد خوفاً من اخوانه لان همه يثقون بيها ومارادت تصير مشاكل لهذا لسبب لا تخاف ماكو شي من الي بالك
ايهم :: والله مادريي دايخ
دعاء:: والله وكعت يا ايهم هههههه لعبت فلك شوگ بيك بهاليومين
ايهم :: ايي والله ياخيتي
دعاء:: كول يالله ان شاء الله خير كوم صلي ورتاح والي الله كاتبه يصير
ايهم :: تمام عيني سلمينا ع خالتي واعتذر ع ازعاج
دعاء:: ماكو ازعاج انت بغلاه مصطفى واكثر شنو تحتاج اتصل عليه
ايهم :: ماتقصرين والله يلا سلام
دعاء:: الله وياك
... سديت الخط ورحت اصلي وبقيت ادعي اصير الي
ايي حبيته اشلون وليش هيج اريده هيه تكون الي شفته مرتين وكلبي تعلق بيه ماعرف لسبب بس هيه الي راح تكون سبب سعادتي وماريد غيره شلت المصلايه وسويت جاي اخذته وكعدت برا حاولت احجي وياه مره ثانيه بس اخاف هم تفشلني ....
موسى..
مثل ماعرفتو من دعاء وحجتلكم كلشي
اني قررت بس ارجع للبيت احجي كلشي لشوگ وخليه تحجي ويا امي لان اني استحي احجي شي كدام بس شوگ راح تفهمه كلشي وماراح امي تعرف اني عندي علاقه بدعاء لان اكيد راح تزعل وزحمه مايصير
راح افهم شوگ كلشي وهيه تحجي لامي
.......
