بارت(3)
بمكان ثاني
اني ايهم اعرفكم عن نفسي ايهم العمر 27 عسكري عايش جنت يم خوالي من واني زغير اهلي ميتين جدتي هي الربتني درست وتعلمت جانت جدتي هيه الي قايمه بكلشي يخصني اني جنت دوم وحدي اطب اطلع كله وحدي حالياً عايش وحدي من بعد وفات جدتي طلعت من البيت استقر وحدي واشوف حياتي جنت اروح ع خالتي كل فتره ابقى يوم يومين ورجع هالمره رحت ع خالتي وجانت غير عن كل مره
شوگ:صبيتلهم جاي بس ستغربت امي منين تعرفه كتلهم اني راح اتمشى شويه قبل لا نروح
موسى: تمام بس لا تروحين بعيد
شوگ: اوك
سدن: اخذي نورهان وياج
شوگ:يلا تعالي
نورهان بنت اختي عمره زغيره بس تعرف تحجي
رحت اتمشى الجو جان كلش حلو وبي نسمه هوه بارده اخذت نفس قوي احس البروده صارت بكلبي كملت مشي ومجان اكو ناس هواي بالحديقه يعني كلش قليلين واني دا اتمشى اجه ايهم كال شبيها العصفوره تصفن وحده مارديت
ايهم:شنو اسمج ياحلوه
نورهان: اسمي نورهان وهاي خالتي شوگ
شوگ: ضحكت بكلبي بس مابينت
ايهم : ليش خالتج ماعده السان تحجي
شوگ:🙂
ايهم :اول مره اشوفج واول مره اعرف موسى عنده اخت زغيره
شوگ:ليش انت شنو علاقتك بموسى
ايهم :صديقي نعرف بعض من زمان بس ولا يوم شفتج
شوگ: اي واليوم شفتني شصار ؟🙂
ايهم :مصار شي اخذي راحتج
شوگ:راح ايهم واني رجعت صارت المغرب وراح نرجع ع بيت
شلنه كل الغراض ورحنا ع سياره شفت ايهم وكف ويا موسى ودا يحجون سلم وراح واجه موسى ورجعنه ع بيت
وصلت بدلت ملابسي خواتي بدو يجهزون نفسهم لان راح يرجعون ع بيوتهم اني رحت غسلت المواعين وعزلت المطبخ وطلعت بالحوش اغسل الفراش خواتي راحن سلمن ع امي واخواني وراحن بقيت وحدي كلش ضجت امي طبت كعدت بالصاله هي وموسى بقيت اغسل بالفراش اني كملت ودا انشف الحوش الباب ندك كلت منو كال موسى موجود صفنت اني سامعه الصوت قبل 🙂
رحت صحت موسى كتله ماعرف منو يصيحك بالباب طلع موسى واني كملت وطبيت للبيت غيرت ملابسي لان صرت كلي مي وكعدت يم امي كتله يمه
امي :هاا
شوگ:منو هذا الي اجه بالحديقه وسلم عليكم اول مره اشوفه
امي:اي هذا ايهم ابن اخت ام دعاء وخطيه ماعنده احد يجي ع خالته كل فتره
شوگ: اممم زين انتي اشلون عرفتي
امي: مرات من اروح ع ام دعاء اشوفه وحجتلي سالفته وبعدين هوه صديق اخوانج كلش يعزوه ويحترمونه
شوگ: اي مابيه شي
