بقيت كاعده اني وامي اجه يوسف
يوسف :موسى وين
امي :طلع بالباب
يوسف :وانتي شبيج مطنكره
شوگ:مالي خلك
يوسف :اممم
شوگ: اني اروح انام نعست وتعبانه اليوم كعدت من وكت
امي:اني هم اريد انام بس خل يجي موسى واروح انام
يوسف:واني شنو هنا محد معبرني
شوگ:ابقى يم امي لو اني مو بعينك
يوسف:روحي انطمي انتي
شوگ:ماشي تصبحون ع خير رحت انام لان ميته تعب وضايجه كل يوم قبل ما انام لازم يجيني شعور الكتمه بدون اي سبب ابقى اتكلب منا ومنا لحد ما انام بس هالمره ماكدرت انام رغم جنت كلش احس بتعب اليوم فتريت هوايي امي اجت نامت وصارت بسابع نومه واني ما نمت طلعت خطوه خطوه بدون صوت وفتحت باب المطبخ وكعدت بالحوش الجو جان صافي كلش والنجوم شكله واضح
وهوى خفيف بقيت كاعده تذكرت ايهم هههههه عجيب والله بس مبين التعب ع وجه ونقهرت من عرفت هوه وحده يعني اهله ماموجودين بس كلت بكلبي اي اكيد ماخذ راحته يوميه ويا وحده ماكو احد يحاسبه فزيت ع صوت موسى
موسى : شبيج ليش مو نايمه
شوگ: حاولت انام بس ماكدرت كلت اطلع اشتم هوى انت ليش بعدك كاعد وعندك دوام الصبح
موسى :اني هم مو جايني نوم وضايج
شوگ: ليش شبيك
موسى :هيج بسبب ضغط الشغل واحس تعبان من كلشي
شوگ:خاف تحب ههههه
موسى:تتخيلين احب يعني
شوگ: ليش شبيك شنو ناقصك وكله ميته عليك بس انت متريد
موسى:مادريي والله كومي نامي انتي والله كريم
شوگ:تمام ودير بالك ع نفسك خاف من تطلع اني اكون نايمه
موسى:هههه ان شاء الله وانتي هم ديري بالج ع امي ويوسف
شوگ: صار ادلل
رحت نمت وموسى هم نام ...صار الصبح وكعدت مثل كل يوم البيت هدوء يوسف بالشغل موسى طالع امي كاعده بالمطبخ وحده
شوگ:يمه تريكتي اسوي ريوك لا
امي :لا انتظرج تكعدين لان ماكو بيض ويوسف طلع وماكو احد بالبيت روحي جيبي بيض وشوفي انتي بعد شتريدين جيبي
رحت ع اسواق المصطفى جيرانه لبست صايه وشال بسرعه وطلعت طبيت ع اسواق مجان اكو احد كلت اخذ بيض وبعدين اني اكول لدعاء اخذنه منكم بيض بالدين شلت البيض واخذت نستله دا اكل بيها وجاني نفس الصوت 🙂🙂
ايهم : ع فكره مو زين الحلويات من الصبح
شوگ: بقيت جامده بمكاني شجابه هذا هسه كتله لا عادي اني متعوده
ايهم : اممم اي خوش
شوگ: سجل هذني ع حساب ام موسى
ايهم: لا هالمره الحساب واصل
شوگ : باوعت عليه ليش شنو المناسبه
ايهم:اعيونج !!
شوگ: مافهمت ..المهم سجل هذني وخلاص
ايهم :اوك تمام بس النستله ع احسابي هالمره
شوگ: يااا عفته وطلعت واني ماعرف حتى امشي من التوتر شبي هذا وليش كاعد بالمحل اووو واني شعليه رجعت لبيت سويت ريوك وكعدت ويا امي شربت بس جاي امي كملت وكمت اغسل المواعين وبس اعزل البيت لان مابي شي واشوف شنو نسوي غده
امي : اني راح اروح ع ام دعاء اشرب جاي الضحى يمه
شوگ: تمام اني راح اكمل تعزيل واشوف شنو اسوي غده
امي: سوي خفايف هوه بس اني وياج
شوگ: ماشي
امي راحت كعدت اعزل بالبيت كملت طلعت نظفت الحوش ورشيت الورد مي وصفنت شسوي غده واصلا مالي واهس اسوي شي لان وحدي وملل كعدت اباوع ع تلفزيون بالمطبخ شوي وتصلت عليه دعاء
دعاء : هلو حياتي شلونج شو ماكو ليش ما اجيتي ويا خاله
شوگ: هلا كلبي والله كاعده اعزل بالبيت شوي هوسه اعذريني ماكدرت اجي وهسه اريد اكوم اسوي غده
دعاء : انجبي وتعالي اصلا امي جلبت ب امج وراح تتغدون يمنه لان ماكو احد بالبيت وبس انتي وخاله عليمن اطبخين
شوگ: لا يمعوده وين اجي ماكدر
دعاء انجبي وتعالي يلا بسرعه لان اريد اسد الخط عندي شغل يلا حبابه
شوگ: تمام شوي وجي
ضجت لان ماريد اروح وبعدين همه يمهم خطار ماراح اخذ راحتي نفس كل مره يعني كل مره نروح عليهم ماكو احد بس بناتهم هففففف كمت سبحت وغسلت الملابس لبست دشداشه سويت شعري ضفيره كملت وصليت ورحت
لبست صايتي وطلعت سديت الباب مال البيت ورحت اتمشى
وطلع ايهم من المحل صار قريب مني وصرنه نمشي سوه بدون ما احجي شي
ايهم : الصدف صايره هواي
شوگ: اي
ايهم: وين رايحه
شوگ:لبيت خالتك
ايهم :شعندج يمهم
شوگ:شنو تحقيق ؟
ايهم :لا بس دا اسال
شوگ: لا تسال بعد
ايهم : احجي عدل
شوگ :مارديت
.........
