رواية جمعنا جسر للكاتبة شهد محمود

الفصل الاول :

رواية جمعنا جسر
للكاتبة شهد محمود
متنسوش تفاعل حلو علي الفصل كدا وكومنتات ها اهم حاجة ، عايزة تشجيع ، معلش علي التاخير بس عندي شوامل للركب دعواتكم
بسم الله نبدا
__________
اسيل : بس انا ي بابتي مش عايزة اروح النهاردة الكلية أنا عايزة اقعد معاك
احمد : لا ي اسيل انتي ف الفرقة التالتة وخلاص اخر الترم قرب وهتبقي ف الفرقة الرابعة روحي ي بنتي علشان لو فيه محاضرات مهمة ، متشيلنيش همك ي اسيل
اسيل : متشيلش همي ي غالي أنا هخلي حد من الكلية يبعتلي المحاضرات بتاعة النهاردة ما أنا ف جروب الدفعة ، أنا هقعد معاك علشان انت تعبان شوية
احمد ببعض الانزعاج : ماشي ي بنتي ، ادخلي بقا حضري الفطار
اسيل : ايوا ايوا استغلني يبو حميد ثم ضحكت بخفة
بعد بعض الوقت أتت اسيل وهي حاملة الفطور لها ولوالدها ووضعته علي الترابيزة المخصصة للطعام ، ثم اتجهت لتخبر والدها بأن الطعام قد حُضر
كانت اسيل تقف أمام غرفة والدها كانت سوف تخبره عن الطعام ولكن لفت انتباهها كلام والدها ف الهاتف ، ف غُصبت أن تسمع عسي أن يكون أُصيب والدها بشئ ويخفي عنها
احمد : ي عثمان يبني أنا والله مش قادر انزل المكتب دلوقتي نهائي ... اه حضرتك عايز اوراق بس ... طيب تمام أنا هتصرف
... وعليكم السلام ورحمة الله وبركاته
اسيل : في اي ي بابتي قولي لو فيه مشكلة نحلها مع بعض
احمد : مفيش ي بنتي حاجة
اسيل : ي بابتي قول دا انا زي بنتك ي حاج بردو ثم ضحكت بخفة
احمد : مفيش استاذ عثمان الي هو صاحب الراجل الي قولتلك صاحب شركة وداخل ف صفقة لو كسبها شركته هتبقي من الشركات العالمية ، كان عايز ورق بتاع ملكية الشركة من عندي ما انتي عارفة أنا المحامي بتاعهم
اسيل بتفهم : اه ي بابتي فهمتك طيب هات المفتاح بتاع المكتب وانا هدخل البس دلوقتي وهاخد منك المفتاح وانت كلم أستاذ عثمان ييجي يستلم الورق مني
احمد : ي بنتي بس ...
اسيل : مبسش ي حبيبي هات انت المفتاح بس ، يلا باي أنا داخلة البس ثم اتجهت مسرعا ل غرفتها لكي تبدل ثيابها
بينما في الخارج
احمد : ربنا يحفظك ي بنتي ويخليكي ليا يارب واشوفك احسن دكتورة ف العالم
بينما داخل الغرفة كانت اسيل تتجهه هنا وهناك تبحث في كل انش في الدولاب عن ملابس حيث وجدت طقم قد اعجبها وبشدة مكون من بنطال جينز ، تيشيرت واسع قليلا عليها باللون الاسود ، بعد حوالي خمس دقائق كانت اسيل قد ارتدت ملابسها وكانت تحط لمساتها الأخيرة علي شعيراتها ، بعد حوالي خمس دقائق كمان كانت تبحث عن والدها ف الخارج لكي تأخذ منه مفتاح المكتب
اسيل : بابا ي بابا انت فين
احمد : تعالي ي اسيل أنا ف البلكونة
اتجهت اسيل الي والدها وأخذت المفتاح واتجهت الي الخارج في طريقها الي مكتب والدها
__________
بينما في مكان آخر حيث شركة عائلة الشامي ، يقف عمر في مكتبة وهو يتحدث مع عثمان صديقة
عمر : ايوا ي عثمان عايز ورق ملكية الشركة دلوقتي
عثمان : طيب ماشي أنا ف الطريق حاليا هوصل واكلمك متنساش ي عمر تكلم السواق علشان محمد جايلك مع السواق
عمر : حاضر اقفل دلوقتي شكل السواق الي بيرن علشان انزل اخد آخره صبري ثم ضحك ضحكة خفيفة وقام بإغلاق الهاتف مع عثمان وقام بالاتصال ب السواق
عمر : ايوا ي فتحي انت فين ... قدام الشركة طيب طلع الولد متسيبهوش لوحده نهائي طلعة لحد هنا
*محمد هو ابن عثمان الي يمتلك من العمر 3 سنوات *
بعد بضعة دقائق مكتب العمر الذي ف الدور الثالث للشركة كان يقتحمة طفل صغير ، أخذ عمر محمد من فتحي وقام بشكره كثيرا ، ورحل فتحي بعد ذلك
عمر : عامل اي ي بطل مش ناوي تتكلم بقا زينا ونفهمك بدل ما أنا مش بفهم نص كلامك كدا
ضحك محمد ف هو يفهمه
الطفل : عمو عمو
عمر : اي يقلب عمو
الطفل : اايز فوق عمو
( عايز فوق ي عمو )
عمر : لما نكسب الصفقة هنطلع فوق خالص زي ما كنت بوريك من فوق
ف شركة عمر مكونة من 8 طوابق لكن 3 طوابق فقط هم مفتوحون لان الشركة تعتبر ليست كبيرة ولكن إذا كسبوا الصفقة القادمة سوف يأخذ تصريح بفتح كل هذة الطوابق لأن شركته ستصبح من الشركات العالمية لأن هذة الصفقة آتية من خارج البلاد من شركة عالمية للغاية
ضحك الطفل بخفة وقام عمر بالاتصال الي السكرتير لياتيه ب عصير لـ محمد وبعد قليل آتي العصير وقام عمر باخذة وجلس علي كنبة صغيرة ف مكتبه هو والصغير ينتظر اتصال من عثمان
__________
بعد حوالي ثلاثة عشر دقيقة كانت اسيل تقوم ب فتح مكتب والدها الموجود في الدور الأول ف عمارة ف حي الزمالك بالقرب من بيتها ، قامت بفتح المكتب وجلست بانتظار عثمان .
بعد حوالي ثلاثة عشر دقيقة آخري كان عثمان يخبط علي باب المكتب المفتوح لياتيه صوت اسيل من الداخل ب كلمة "اتفضل" ، دخل عثمان
عثمان : هو حضرتك مين فين استاذ احمد
اسيل : بابا ف البيت أنا بنته هو تعبان شوية ف اخدت منه المفتاح وجيت أنا علشان اديك الورق قولي بقا الورق الغلاف بتاعه مكتوب اي
عثمان : ثواني وهعرفلك
وقام بالاتصال علي عمر ، في نفس الوقت رن احمد علي ابنته لكي يطمئن عليها ،
اسيل : ايوا ي بابا ... اه أنا كويسة الاستاذ جهه اه بس لسة هيشوف اسم الملف ... اه دا اسمه طيب السلام عليكم ي حاج
وقامت باغلاق الخط مع والدها واتجهت الي عثمان وهو يتحدث ف الهاتف
عثمان : ايوا يبني اسمه اي بقا الملف
اسيل بمقاطعة : استاذ عثمان أنا عرفت اسم الملف والدي قالي عليه
عمر باستغراب : انت فين ي عثمان مين الصوت دا
عثمان : دي بنت استاذ احمد ي عمر سلام دلوقتي وهكلمك
ثم قام بإغلاق الخط واتجهه الي اسيل الي كانت تمسك الملف في يدها
عثمان : شكرا ي أستاذة ...
اسيل : اسمي اسيل
عثمان بترحاب : تمام ي أستاذة اسيل استأذن أنا
وقام عثمان بالاتجاه الي الخارج قاصدا شركة صديقة ، وقامت اسيل متجهه الي الخارج مغلقة مكتب والدها ومتجهه الي منزلها
__________
بعد حوالي خمسة عشر دقيقة كان عثمان أمام الشركة وكانت اسيل ف منزلها تقوم بإجهاز طعام الغذاء لها ولوالدها
_امام الشركة_
اتجه عثمان الي الطابق الثالث حيث صديقة وابنة
وقام بدخول المكتب فورا
عثمان : خد ي عم الملف اهو
قام الصغير باحتضان والده
عمر : مكلمتنيش ليه انت مش قولت هتكلمني وانت جاي وبعدين مين دي الي صوتها كان جنبك
عثمان : دي اسيل بنت استاذ احمد هي الي جت فتحت المكتب تديني الملف علشان والدها تعبان ، مش عارف انت اصريت ليه الملف ييجي النهاردة الراجل قال تعبان
عمر : ي غبي الصفقة الصبح ابقي اجيب الورق امتي
عثمان : اه صح أنا نسيت ماشي يعم
عمر : وبعدين ايدا هو استاذ احمد عنده بنت ، دا مجابش سيرتها خالص ولا مرة
__________
وكدا نقول الفصل الاول اكتمل ياريت رايكم في كومنت حلو ومتنسوش ڤوت / لايك للفصل وهعيد تاني رايكم ثم رايكم في كومنت ، دمتم بخير
#جمعنا_جسر
#شهد_هديمة