سحرتني بنت الضوار 🎡مكتملة🎡

الجزء 1 🎡

💥البارت الأول💥
خرجو علينا القصص الله يخرج عليهم ..خلاونا نتيقو بلي كاين داك الفارس المغوار لي غايجي ويقلب ليك حياتك البئيسة لحياة سعيدة لا تشوبها شائبة .. داك الرجل الشهم لي يبغيك بوحدك ولي سعادتو هي سعادتك .. حرش مع كلشي و رطيطب معاك .. حنين وقلبو كبير ضريف وشاارب عقلو .. دازت عليه فحياتو وعارف بحق المعاناة .. وحالف بحلوفو عمر دمعة من عينك ماتنزل بسبابو.. أخخخخ هادشي لي خلاني 23 عام لازواج لاولاد .. عمري تصاحبت حتى المصاحبة .
23 عام ومزال لي كايقوليا نتعارفو كانقوليه سمح ليا أخويا مكامتعارفش ..
23 عام ومزال كانقول لي بغاني يجي لدارنا .. مزال كنآمن بلي ميموني يشوفني غير شوفة فطريق ويجي هو واليديه كايجري باش يخطبني قبل مايطيرو بيا فقط لانه شاف فعيني داكشي لي ماشافوش ناس لوخرين على مقولة تامر حسني " الناس شايفينيك بطريقة وأنا لوحدي شايفك بطريئة " الله يبرطق ليكم الرجلين توليو تمشاو بحال البطريق ...
ياربي ياسيدي ياربي شي راجل بهاد المواصفات معاه 4 ديال دراري ولا 5 مانتشرطش ياربي يكونو غير بصحيحتهم ومرضيين ياربي ..
ياربي أنك على كل شيء قدير.. وأنت تقدر ونحن لا نقدر ياربي قل لها كن فتكن ..
ياربي إلى كان فسما نزلو ليا إلى كان فالأرض طلعو ليا ..
لا ياربي مابغيتوش يكون عاد تزاد ولا مات نتلاقاو لهيه ..
مهم انت ياربي راك عارف .. داكشي ياربي داكشي

مريم : تاني ساليتي شي قصة

ياسمين: باش عرفتيها ألعفيرتة
صاحبتي مريم:- ساهلة ديما ملي كاتسالي شي قصة رومانسية عينيك كايتقلبو ولعابك كا يسيل وديما هازة يديك لسما

ياسمين:- لهاد درجة ؟؟ ههه

مريم: وكتر ملي كاتكون شي نهاية سعيدة وكاتسالي بزواج كاتلقايك غير كاتبكي وتنوحي .. وملي كاتكون شي نهاية حزينة كاتلقاك كاتشطحي ودندني

ياسمين:- هههه خخخ حافظاني ويالاه نوضو ندردكو راه البطل مات والبطلة أضيفت الى نادي البايرات
مريم: اجي مسالية بعدا راه بغيت نخرج ندور نتسركل في جنان بغيتك تمشي معاية
ياسمين: وراه مرت عمي مشات تشوف مها مريضة اوخلاتني في دار مقبلها دبا درت كلشي بقى ليا غير ما نجيبو
مريم: بلا متقولي ليا يلاه معايا راه مفياش لي مشي
ياسمين: وزيدي جنانات بغيتي تمشي ليهم او لعوينة لا
مريم: يلاه يختي بازليك مع هاد مرت عمك غير فاش يكتار شقا تقوليك مريضة مها او تخلي ليك دجاج دار او لبهايم او حتا ما
ياسمين: وصبر اختي كلشي قدامك معندي ندير ويلاه دبا راه تعطلت
مريم: زيدي لجات او لقاتك مزال مسكتيش الما تعيد عليك
............