سحرتني بنت الضوار 🎡مكتملة🎡

الجزء 14 🎡

🎡سحرتني بنت ضوار🎡
💫💫💫💫💫💫💫💫💫
💝الجزء 14💝
غير خرج او نعست حتا 9 ديال صباح عاد فقت فطرت او خرجت لجردة كتمتضر فيها عجباتني بزاف حتا جاني جوع تفكرت كوزينة لي في فيلا مشيت ليها تصدمت كانت زوينة بزااف ديكورها راقي هدشي كينسيك فراسك
قلبت تلاجة لقيت ديسير او خضرة على شكال حطيت دكشي لي غنحتاج قلبت فاش غنطيب حتا لقيت طجين
عمرتو بالخضرة او لحم او درتو فوق بوطة يطيب اما فواكه كليت نصهم نسيت راسي صراحة هدشي راقي بزااف ولكن لي مفهمتش علاش كياكلو ماكلت زنقة او هدشي كامل عندهم
يلاه بغيت نكلس تفكرت خبز مكينش بلان هدا منين غنجيبو انا مشيت كنجري بيت7 خديت فلوس او خرجت يسحاب ليا غنلقا شي واحد هاد ساعة كانت دنيا خاوية تواحد مكين دبا منين غنجيب خبز اولا خرجت غنتوضر
رجعت لدار مكانتش خميرة باش نعجن بلان هدا حتا اكرم معنديش نمرتو شفت حتا عييت او مشيت كلست طاجين قرب يطيب او خبز مكينش ناكلو بلفورشيطة 😅
.........
سالة خدمة من شركة او رجع فيلا غير دخل شم ريحت طياب عجبتو ليحة او معرفش منين جية
حتا بانت ليه ياسمين كلسا في صالون
سامر: اش كديري نتي هنا
ياسمين: بسم الله رحمان رحيم قول غير سلام تمالك هماجي
سامر: شفتك وليتي مستعمرا هاد دار
ياسمين: اكرم لي عطاني لإدن اجي جابك الله بغيتك تسخر ليا
سامر: نتسخر ليك لا صافي هدشي لي بقى
ياسمين: مالك مهرس عادي مكينش خبز سير جيبو
سامر: دبا هاد ريحة جية من كزينة ديالي او نتي لي كطيبي
ياسمين: اه او ملقيتش خبز ويلاه سير جيبو او نخليك تغدا معاية
بقى كيضحك على حماقها او هضرتها او مشا يجيب ليها خبز
..سامر: هاخوا خبز
ياسمين: دبا مزيان شفتي حاجة ساهلة خير مكتبغيش تعامل مزيان
سامر: داك طاجين كامل كنتي ديراه ليك
ياسمين: اه علاش مالك
سامر: لا ميمكنش غير سيمانة تكلسي تسبي ازمة
ياسمين: لا صافي بقا غير تحضيني على ماكلة مالك حاسدني
كلسو كيتغداو بجوج مدواوش حتا سلاو
ياسمين: فراسك نتا سباب الازمة في مغرب
سامر: ياك الالة طيابك اصلا مبنينش
ياسمين: اه دكشي علاش واكل كثر مني او كتهضر انا فبلاصتك نحشم
سامر: شي حد كيصوني في باب
ياسمين: او نوض فتح ليه علاش كتشوف فيا
سامر: راه عساس لي غادي يفتح
ياسمين: علاه كين هنا عساس او انا قلبت حتا عييت على لي جيب ليا خبز
سامر: اصلا ميمكنش ليه يمشي خاصو يبقى هنا
ريان: سلام عليكم شفتكم مشغولين
سامر: ريان اهلا صاحبي توحشتك اش هاد مفاجئة ..ناض عندو عنقو عناق رجولي خلا ياسمين غير حالة فمها