سحرتني بنت الضوار 🎡مكتملة🎡

الجزء 66 🎡

🎡سحرتني بنت ضوار🎡
💫💫💫💫💫💫💫💫💫
💝الجزء 66💝
مريم : خالتي ياسمين مكيناش
كريمة: لا خرجات قالت ليا قنتات في دار
مريم: مقالتش ليك فين مشات
كريمة: لا معرفتش مالها مبقات كتبغي تعاود والو غير ساكتة نتي صحبتها غادي تكوني عارفة اش واقع ليها
مريم: قصة طويلة هادي
كريمة: عاودي ليا راه بنتي بغيت نعرف اش عندها قلبي كيتقطع
مريم: ياسمين حاملة
كريمة : ياك قلتو كاع مقرب ليها راجلي كفاش واش غير كدبتو عليا
مريم: لا هي محملاش منو هو
كريمة: مفهمتش شرحي ليا
مريم:...عودات ليها كلشي من اول مرة حطات رجلها في طنجة حتل ديك لحضة
ام ياسمين: هادشي كامل عاشتو تعدبات بزاف مكان تواحد معاها لي يعاونها مقدرتش نفهمها بنتي كتقطع او انا مقدرا ندير والو
مريم: غير رتاحي غادي نهضر معاها او نحاول نخليها ترجع كيف مكانت
كريمة: عفاك ابنتي راني تيقة فيك
مريم:نخليك نمشي عندها عرفتها فين غتكون
خرجات من دار او مشات لواد عرفاتها غتكون تماك عيت عزيز عليها تمشي لديك بلاصة من صغر غير وصلات بانت ليها كالسة او ديرا رجليها في ما وساهية
مريم: توحشتي هنا فاش كتفكري
ياسمين: توحشت بابا
مريم:😢ياسمين علاش كتقولي هكا
ياسمين: حيت كون كان عايش ميوقعش ليا هادشي
مريم: هدشي مكتاب يوقع ليكك باباك الله يرحمو بلا متبقاي تفكري في شي حاجة دازت
ياسمين: كفاش منفكرش فيه او انا فين مغمضت عيني كيبان ليا دكشي بينهم
مريم: بغيت ياسمين بنت لي كانت وخا يوقع لي وقع كتبقى ضاحكة
ياسمين: هدشي مختالف بزااف على دكشي امر مبقاش بين يدي قلبي لي ولا محكم
مريم: انا بغيت صحبتي ضحوكية كتغلب على كلشي بي كتفكر بعقلها ياسمين بنت لقوية ضحوكية بنت لي مكتخليش شي حاجة ضمرها شنو تبدل دبا عافك رجعي ياسمين لي عرفت في صغر
ياسمين: حتا انا بغيت نرجع ياسمين او نرجع زمان لور ولكن مقدرتش
مريم: لا تقدري اه نقدرو بجوج نغيرو كلشي غير تيقي فيا
قربت ليها او عنقاتها
في بعد الاحيان نحتاج شخص يرا امور حياتنا من فوق لي يخرجنا من المتاهة التي نوجهها