سحرتني بنت الضوار 🎡مكتملة🎡

الجزء 17 🎡

🎡سحرتني بنت ضوار🎡
💫💫💫💫💫💫💫💫💫
💝الجزء 17💝
صباح جديد او مغمرات جداد
فقت بكري كنت معولا داك نهار نقلب على خدمة
فطرت او خرجت دنيا عامرة ناس كلشي غادي لخدمتو او كين لي غادي مدرسة انا عرت وسط دكشي ولكن زعمت او بقيت كنقلب حتا عيطات مريم
ياسمين: الو سلام مريامة
مريم: سلام ياسمين بغيت نهصر معاك
ياسمين: وصلتي لكازا بعدا
مريم: اه وصلت خليني مني انا نشوفوك نتي
ياسمين: مالي انا اش واقع
مريم: عمك عرفك فين كينة دبا راه غيكون تماك او حالف ميرجع حتا يلقاك او يرجعك
ياسمين: علاش مقلتهاش ليا دبا انا خارجة كغادي ندير
مريم: راه يلاه عرفت كلشي بسباب داك راس طارو ديال مراد هوا لي قالها ليه سمع خويا كيهضر مع بابا
ياسمين: اش هاد حريرة كغندير دبا اكيد لبقيت غادي يلقاني
مريم: ردي لبال لراسك مبغيتكش ترجعي حيت مغاديش يرحمك هاد مرة نتي عرفاه كتر مني او سمحي ليا بسبابنا لقاك
ياسمين: اويلي متقوليش هكاك نتي مدرتي والو اصلا كون مكنتوش نتوما عمري نخرج من داك ضوار يلاه بسلامة نرجع لدار راه دبا انا خارجة
مريم: يلاه سيري دغيا او متخرجيش هاد مدة

غير كملت هضرتي قطعت كنت غادية بزربة حتا حسيت بشي حد جرني من شعري
ياسمين: تلقمني 😲
مصطفى: اشنو يسحاب ليك مغنلقاكش
ياسمين: اش بغيتي عندي
مصطفى: ديراها قد راسك او هربانة غنرجعك لضوار او نخليك تندمي على حياتك
ياسمين: مغدياش معاك او عمري نرجع لداك ضوار معاك
كصطفى: تحل ليك فم وليتي ارضي الهضرة
سرفقني حتا صحت للأرض او ضربتي برجلو
ياسمين: وبعد مني واش هدشي كامل حيت حاقد على خوك نتى لي قتلتيه بابا ميمكنش يكون مات عادي تواحد مدوى حيت عرفينك كفاش ظسدير
مصطفى: مالكي حماقيتي كيبان ليا غنديك لسبطار حماق تعالجي
ياسمين: نتا لي مريض مكتحنلناش حيت نتا مكتولدش او باغي تقتلني اصلا نتا مريض نفسي من شحال هادي
مصطفى: انا غنوريك مريض زيدي قدامي رجلي برجلك لضوار
سامر: شكون نتا او اش باغي عندها
مصطفى: نتى لي شكون انا عمها
سامر: عمها او ضربها كييسحاب ليك سيبة في بلاد
مصطفى: نقتلها انا كاع نتا مالك
ياسمين:عفاك ظيني متخلنيش معاه
سامر: اكيد غنديك او نتا لممشتيش نصيفطك فين تربا