أنهـيـار جسـد ( مُستـمرة)

ألـبارت 5

اللَهُمَ قَوةً مِن صَميمِ لُطفَـكَ .

مشـاهدة مُمـتعة ♡

..................

.  مُهجة :  قررت انو اشتغل واعين امي بالتالي اني معلية منة وهوة الي طلب مو اني
. كعدت الصبح  واني مقررة احجي الا امي انو موافقة
. هلاو يمة صباح الخير

..  هلا يمة بعد عمري صباح العافية

. يمة اني قررت انو اشتغل واعينج احسن من كعدة البيت
وضالة وحدي

..  يا يمة صدك تحجين عود يعني شنو اروح للعالم اكلهم

. أي يمة روحي كليلهم موافقة

.. يمة اذا ما حابة بس علمودي عوفيهة يمة مو لازم اتعبين روحج

. لا يمة موافقة اني قررت اوافق واشوف

.. خوش يمة براحتج من اروح الهم اني ابلغ أم أسر

. خوش يمة

. راحت امي البيت أم أسر وطولت فا بقيت وحدي افكر سالفة اجيبني وسالفة توديني  شوية واندك الباب رحت اركض

. منوو

.. اني يمة خلي حجاب على راسج وياي يمة عمج

.  عمي!!!!!!  يا عمي هذا  لبست حجابي وفتحت الباب
.  دخلت امي ودخل وراهة أسر!!!!!  عمي يمة بطني

..  تفضل يمة  تفضل

. دخلت امي تفتح باب الاستقبال واني واگفة حاصرتني الضحكة بقة واكف يباوعلي ما باوعتلة صاحت امي

.. تفضل خالة حبيبي ليش واگف تعال وتعالي يمة مهوجة عمج يريد يحجي وياج

. اني هنا بعد متحملت فا ضحكت بكتمة  هوة باوعلي وخزرني
دخل واني دخلت ومستغربة شكو شصاير هذا دخل هيج

..  يمة مُهجة اجاج عمج بنفسة حتى يسمع موافقتج لين كال خاف جابرينهة فا كليلة يمة

.  باوعت عليه واني حاصرتني الضحكة 

.  لا عموو ما جابريني اني موافقة اشتغل بشركتكم عمو

..  خزرهة قوي وبداخلة اني اوريج بعد عمج سهلة سهلة

..  زين اذا مجابرينج اني عندي شروط شركتنة هاي الشروط المبدئية ومن تباشرين اكلج على الاساسيات

..  الشرط الاول لبس ضيگ تنورة كصيفة قميص معوج قميص بفتح ماكو اريد شركتي سمعتهة طيبة

..  الشرط الثاني اختلاط وسوالف وضحك هم ماكو اني فاتح الشركة لحتى نشتغل مو حتى رايحين نتونس

.. الشرط الثال......

. اوگف عمو ترة هاي الاشياء بدون متكولهة اني مفكرة اسويهة فا ميحتاج تكُلي

..  ممتاز وهمس بينة وبين نفسة بنت الكلب

مريم:  يمة زين اشوكت تباشر حتى نعرف