أنهـيـار جسـد ( مُستـمرة)

بـارت 21

رأيتُ بَين خيوَط أَصَابِيعَك فِراشات .

ألـكَاتـبة بَنـين

دادة اعذروني عن التـقصير بس ضروف والله والرواية مبقالهـة شي وتنتهي كملوا البـارت للنهاية وراح اكُلكم شي

........................................ .............................

مُهجة، سمعت خالة تخابر ورأسآ عاطت بعلو صوتهة وصار عياطهة قوي وموطبيعي بحيث اريد اتحرك ماگدر بقيت بس اصلي على محمد وماكدر اتحرك شكو شي بية جامد وعقلي افكارة شوشت مادري شفكر معقولة أسر بي شي لا مابي شي شنو السالفه هستوة جان يحجي يعني ميتحيل واني احجي وية نفسي وصدى صوت خالة ايمان بأذني

ركضت الهة ماعرف شلون وصلت واسمع بس أسمة تعيط بية

مُهجة، خالة أسر بي شي فهميني شصاااير

ايمان بعياط ، مُهجة أسر راحح يمةةة مگلوبة السيارة بي

مُهجة، خفت حيل خفت لالا لا خالة جذببب مستحيييل مبي شي هوة صدگيني مبي شي

وخالة مترد بس تبجي وتصرخ واني اتوسل بيهة واكلهة انو اسر مابي شي مستحيل مابي إي شي ما احس الة خالة وكعت من طولهة واني تخبلت ركضت جبت مي واشمرة على وجهة وماكو استجابة حاولت وياهة وحاولت الى أن بدت تفتح عينة فتحت عينهة وشهگت بأ اسم أسر

مُهجة، بحزن وبجي خالة مابي شي مابي أسر مابي شي

ايمان، يمة انطيني عباتي خلي اروح الة

مُهجة، وين هوة خالة وين

ايمان، يمة بالمستشفى

مُهجة، اروح وياج خالة ما ابقى رجلي على رجلج ما اتحرك ابد

ايمان، اي يمة امشينة

مُهجة، طلعنة من البيت وركبنة المستشفى..... طول الطريق ادعيلة وگلبي ضل يأذيني ودموعي ماسكتت بس ماكدر ابين الخالة

مُهجة، أسر لتعوفني حتى انت خسرت العالم القريبة مني كلهة انت لاتعوفني أسري ولله ماكدر بدونك تعودت اضحكني وتحزني سوالفك وية خالة أسر بداعت خالة لتعوفني كل هذا الحجي بگلبي ودموعي ماسكتت من البجي

مادري شوكت وصلنة وماعرف شلون دخلنة المستشفى دخلت خالة وشافت اصـدقائة بدت تعيط وتصيح بأ اسم أسر

ايمان، يمة طمنوني مابي شي فدوة اروحلكم يمة ابني ماكو يمة گلبي يوجعني عليه شبي كلولي لحد يضم علية

فهاد، مابي شي يمة صدكيني أسر سبع كدر يطلع من الخطورة مابي شي مجرد شوية كسر ورضوض وضني كلهن يطيبن مابي إي شي صدگيني

مُهجة، ويا ما جاي يحجي فهاد طلع الدكتور وركضنة علية كلنة ها دكتور بشر

دكتور، لا اطمئنو مريضكم قوي وكدر يتخطى الخطورة بس بعد يرادلة