فهاد القصة باش نحكو على طفلة تكسر قلبها برشا مرات من اعز الناس ليها حتى صحابها اما جا لي شفالها جرحها و خلاها تتعلق فيه من غير قصد فهالقصة باش نلاحظو بزاف مشاعر و بزاف احداث من رومنسية الي كوميدية حتى حزينة
هالقصة مرحش تكون تهدر على حياة بالغين و ان...
خلاصت العطلة متاع الخريف و جات القراية مرة اخرى ناضت نور صباح حضرت روحها و روحت ل ليسي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت نور ل كلاصتها قعدت شوية و دخل وراها رستم، البنات كلهم انصدمو فيه عمل نيو لوك و طالع يهبل ب زين و شعرات طايحة على وجهه نور عجبها شوية مين خلصت لحصة راحت عند سارة نور: سارة مش كانو رستم طالع يهبل برشا_قالتلها بش ميسمعاش لانه كان رستم قاعد بجنبها_ سارة_قالت بصوت عالي_: رستم نور قاتلك طالع مزيان كلاصة كلها سمعتها نور قالت ف نفسها: الله يكشفك يا سارة كيف ما كشفتيني نور: ههه تي لا نفدلك برك رستم متاخدش عليها عبدو: ممم رستم نور ظاهر ضاربة فيك ب عشقة ههه نور: اسكت انتا اش مدخلك عبدو: نور فلول يونس و توا رستم تي بشوية يختي نور قعدت تضحك فات شوية وقت، كانو قاعدين ف جماعة و اسيل مش معاهم محمد: نور علاش تعاركتي نتي و اسيل نور تاففت: مزالنا ف نفس الموضوع نادين: سقسيناها اما محبتش تقول التفاصيل كلها نور: تي خلاص كلشي كمل بيناتنا انا و هيا منجموش نتفاهمو عقليتنا مش كيف بعض فكوني منها بجاه ربي ___________
المهم فات نهار نور مليح حتى الي كانت هابطة مالدرج عاكسها يونس قعدو يخزرو ف بعض اما كل واحد كمل طريقو هوا كان طالع و خديجة و مروة زادة الي شافو شني وقع،، صدمت ف نور عن قصد خديجة: شبيك يخي مكش تشوفي قدامك نور: شنوة كانك انتي الي الي صدمتي فيا اذا مكش تشوفي تنجمي تعملي نواظر مروة: خلاص خديجة نور قحرت فيهم و راحت و خلاتهم وائل كان طالع حتى هو شافت فيه شوية و نزلت __________
نهار اخر نور كانت معا صحاباتها فالساحة يخزرو ف الرايح و الجاي، نور لمحت وائل يحكي مع وحدة مكلاصة اخرى نور: شكون هديك الطفلة الي يحكي معاها وائل سارة: اووه نور صارت تغير_قالت و هي تضحك_ ميليسا(صحبة نور زادة): تعرفي الي شفتهم اكتر من مرة يحكيو مع بعض ظاهر بيناتهم علاقة نور: زعمة؟؟ سارة: اي يمكن ______
المهم غدوة ليه نور مين راحت ل ليسي تلاقت ايمان و قعدو يحكيو نور: ممم ايمان نسقسيك ايمان: اي نور احكي نور: فما صحبتي تحب وائل الي يقرا معاك ايمان: اما راو اون كوبل مع وحدة اسمها سمر نور: اه بلحق حتى انا قلت يمكن خطرش شفتهم مع بعض اكتر من مرة ايمان: مممم و شكون هدي صحبتك_قالت بشك_ نور:متعرفيهاش،، اي تو نخليك مبعد نحكيو ايمان خداها شك انه نور تحب وائل اما متاكدتش ______
فات نهار عادي و نور مين راحت للدار شافت وائل حاط ستوري عملتله جام جا هو بعتلها ميساج وائل: عفوا شكون انتي نور: اه انا نور وائل: اه نور متاع يونس نور: ههه منعرفش علاش تقولولي هكا وائل: اااه نور: ممم باهي وائل نجم نسقسيك وائل طول شوية مجاوبهاش نور: لا خلاص مفما شي وائل: احكي نسمع فيك نور:مش مهم وائل: تي احكي نور: باهي يخي من وين جبتو حكاية انو يونس يحبني اذا متنجمش تجاوب معليش وائل: تي نفدلكو كهو نور: مم انا اصلا كنت نعرف و حبيت ندخل معاكم فاللعبة اما ظاهر هالقصة خدات مجرى تاني باهي سمحني حكيت برشا وائل قرا الميساج اما مجاوبش نور قالت مع روحها: اووف يا حمارة علاش تسقسيه تو يقول تحبه و زيد شنوة يشوف الميساج و ميردش تو نوريك _________
المهم نهار الخميس و الي كان عندهم حصة سبور مع بعض نور كانت تجري معا صحابتها حتى حبست و كان بحدها وائل نور: يزي يزي تعبت برشا معادش نجم مريم:تي امشي يا طفلة جا وائل من ورا نور و دفعها بشوية باش تكمل تجري نور انصدمت و حست بشعور غريب دارت عنده لقاته راح نور: شفتو شنوة عمل توا مريم: امشي امشي يزي ما تستخايل راو اون كوبل نور: اففف نعرف نعرف و فنفس الوقت كان فما شخص يراقب شنوة صار و يقحرلهم من بعيد اي نعم يونس
______________
سمحوني البارت هذا كان قصير اما برايكم شنوة بش يكون دور رستم فالحكاية؟ نور و وائل اما سمر؟ يونس يطلع يحب نور حقيقة؟ تابعونا بش تعرفو الجواب متاع اسئلتكم
