حًبً مًسِـتٌـحًيّل

أّکْرهّـکْ [15]

من مور هاداك النهار متاع المطر، نور مرضت شوية اما محبتش تقعد ف دار و راحت ل ليسي، كلهم شافوها بلي مريضة و كانها جاية بسيف
كانت تتمشى رايحة لكلاصتها و كان راسها باش يترشق مالوجيعة اما كانت متحملة و زادوها هديك الجماعة
وائل قال و هو يتمسخر: اوه يونس شوف راهي مريضة
و قعد يضحك، نور قحرتله بلقدا و مشات و خلاته هديك حنان قعدت تخزر ف نور ملفوق لتحت و متحت للفوق و قالت ف نفسها: ممم واضح المريضة
________

نور مرضت اكتر ملا ممشاتش ل ليسي نهار الي وراه
ف ليسي كانو صحابات نور قاعدين معا بعض
سارة: مريم يخي حكيتي مع نور
مريم: اي البارح قتلي منيش بش نجي

حتى يدخل وائل
وائل: نلوج على كتاب فما شكون عندو تو نرجعو مبعد
سارة: مفماش
وائل راح يلوج ف les casies و فتح متاع نور
مريم: لا لا هداك متاع نور متخربش
وائل: عادي مهيش باش تقول شي ما تكون مرت صاحبي ههه_قال و قعد يضحك_ و غلقو و راح
مريم: يحسن عونها نور قاعدة تعاني معاهم
سارة: انا والله مسمطهم كي اللصقة
_____

و مبعد مريم خبرت نور بلي صرا
نور: تو نجي نوريله شكون مرت صاحبه
مريم: يخي والله ماسط و لصقة
نور: اي منعرش وينتا يفكوني
_______

غدوة ليه مريم كانت معا نادين رايحين ل ليسي و تصادفو مع وائل و يونس
نادين: مريم شوفي شكون
مريم: اي استنى استنى
مريم علت صوتها عن قصد باش يسمعوها: ظاهرلي نور باش تجي اليوم ل ليسي مش هكا، كانت مريضة برشا الطفلة
و بطبيعة يونس و وائل سمعوها اما معملو حتى ردة فعل اما يونس تبسم ب خفية مين سمعها
________

المهم منبعد ما قراو، نور راحت عند ايمان باش تحكي معاها من قدام الباب برك خطرش تعرف شنوة باش يعملو فيه
نور: ايمان تجي نحكي معاك
ايمان: تي ادخل ههه
نور: لا منيش باش ندخل تعرفيهم ماسطين
ايمان دارت و عيطت: يونس نور جات ههه
نور: يخي هبلت
جا وليد
وليد: مرحبا مرحبا ايجا دخل ههه
نور: لا يعيشك منيش باش ندخل
مروة: يخي جيت باش تشوف يونس مش هكا
نور شافت فيها و دورت راسها
وائل: نور ادخل، تستحق شي
نور: يعيشك و انتي ايمان منبعد نتفاهمو_ وراحت_
ايمان خرجت من كلاصتها و راحت عند نور الي بعدت
ايمان: نور استنى استنى
نور: يخي ايمان هكا تعمل فيا مكفاوش هوما تزيدني نتيا
ايمان: تي اسكت انا عملت هكا باش نعرف حاجة و توا عرفت
نور: شنية هالحاجة و شنوة عرفت
ايمان: مين قلت ليونس شوف نور جات راح خزر للباب و تبسم تبسيمة شا نقلك تقولي عريس شاف مرتو نهار لعرس
نور: شنية تخرف انتي _نور نصدمت شوية _
ايمان: نحكي بجدي ظاهر طفل طايح فيك
نور: مستحيل و منظنش باش يكون فما حاجة بيناتنا _قالت و راحت_
_____

المهم فاتت ايام و فوحد النهار كانت نور كالعادة تدور ف ليسي لتحت معا البنات
نور: اي سارة شحوالك معا حبيب لقلب
سارة: ههه سمن على عسل
نور: اي الله يدوم المحبة اما سامحني مش لعام لي فات كنت معا صاحبو
سارة: تي اي شفيها ما انا حبيت زوز صحاب انتيم ف نفس الوقت
مريم: والله انتي وحيدة شكون ينجملك
سارة: اي تفكرت نور
نور: شنوة
سارة: تعرفي سمعت لي حنان و يونس راهم معا بعض
نور نصدمت يعني مكانتش توقع فيها بلكل
مريم: الصراحة انا توقعتها تتفكرو الي حكتلكم عليه الي صار فالدروج
سارة: اي حتى انا فكرت فيها
نور حاولت متبين شي و قالت: اي حتى و اذا صارو معا بعض الله يهنيهم انا شباش نعملهم
سارة: يعني مكش باش تشد فيه
نور: شنوة نشد فيه مستحيل ضاهرلي صدقتو الي انا نحبه، انا منحبهش و عمري لا راح نحبه _ و راحت_
مريم: اي اي شفتي الي عمرها ماهاش باش تحبه
سارة: لا منتوقعش نضن عندها لحق مهيش باش تبقى تجري وراه
مريم: باش نشوفو اخرة هالعلاقة المعقدة وين
_________

و توا شنوة باش يصير بعد هالخبر الي نزل على نور؟!