حًبً مًسِـتٌـحًيّل

آبــدآ[11]

مرحبا و اخيرا العودة عادت قصة (حب مستحيل) من جديد نتمنى استمرارها
نطلب دعمكم للقصة و عام سعيد
_________________________________________

نهار كيما نهارات، نور راحت صباح ل ليسي و كالعادة تلاقت ايمان هنيك
نور: بونجور
ايمان: صباح الخير سافا
نور: لباس و انتي
ايمان: حمدلله
قعدو يحكيو شوية حتى فات عليهم وائل، نور قعدت تخزر فيه و هنا ايمان عرفت الحكاية
ايمان: تي قتلتو بعينيك الطفل يزي _قالت و هي تضحك_
نور دارت عندها: شنوة
ايمان: نعرف الي هديكا صحبتك الي حكيتيلي عليها هيا انتي
نور: لا مش انا و تو هادا بنادم و نحبو و ديجا يونس يكفيني هههه
ايمان:والله يا فرخة ما قدك يونس ما قدك صاحبو
نور: ايمان راني نفدلك كهو متحسبش نحبو صح مهوش ستيل متاعي
ايمان: ممم واضح واضح هههه
نور: ممسطك
_________

المهم مرة كانت نور معا صحاباتها و قدامها وائل و يونس و الجماعة متاعهم،،، نور كانت تخزر برشا ف وائل حتى نطقت سارة
سارة: يزي عاد يزي تو هادا حالة و يخزرو فيه الناس
ميليسا: نور تو يعرفو الي تحبيه
نور: ههه نورمال ميهمنيش فيهم اما نتمنى يكمل مع هديك سمر
سارة: نور من جدك تحكي
نور: تي لا نفدلك والله ههه
ف جيهة تانية
حنان: يونس ظاهر هالطفلة تحبك من صباح و هي تخزر فيك
يونس: تي لا مهيش تخزر فيا
وائل: اي حنان عندها الحق
نرجعو عند نور
نور: اوف هديك حنان على العام لاصقة ف يونس محكيتلكمش مرة كنت نمشي انا و ايمان علاش منلقاهمش قاعدين بحدا بعض ف لرض و زيد شنوة حاطة راسها على كتفه و لاصقين ف بعض تقول عشاق
سارة:حتى انا شفتها شعال من مرة قاعدة هيا و ياه و متقاربين من بعض واضح فما شي بيناتهم
نور: هالطفلة منحملهاش علخر، باهي خلينا منهم رايحة لتحت شوية و نجي
نور هبطت بعد ما شافت وائل و الجماعة هبطو، كانت تمشي حتى قالها وائل الي كان بحداه يونس
وائل: انتي معادش تخزر ف يونس باهي_قال و هو يضحك_
نور تفاجات و عملتلو بيدها انا؟؟
وائل: اي انتي
يونس مكانش يخزر فيها بلكل
نور شافت فيه و مبعد دارت و خلاتهم قالت ف نفسها: والله مهابل و زادة منيش نخزر ف يونس راني نخزر فيك يا لفاهي ههه
المهم نور بعد مدة كانت طالعة لعند لبنات بش تحكيلهم حتى جاوها حنان و رميسة(ب نفس الكلاصة مع يونس و وائل)
نور قالت ف نفسها: هادا الي ناقصني
حنان: شوفي بش نسقسوك اما تقولي الحقيقية
نور قعدت تخزر فيهم
حنان: انتي تحبي يونس مش هكا
نور: هه يونس و انا مستحيل هههه
رميسة: قولي انك تحبيه
نور فكرت انها تقولهم الحكاية ملول اما مبعد قالت لا محبتش يعرفو
نور: تي لا يونس حتى مهوش ستيل متاعي
حنان: اما علاش كنتي تخزري فيها برشا
نور: ممم ملا انتو غالطين مكنتش نخزر ف يونس
حنان: ملا شكون _و شافت ف صحبتها _
نور: ااه منعرش _ضحكت و راحت_
توا نور لازم تحذر شوية ف تصرفاتها خصوصا مين عرفو الي هيا تحب واحد من كلاصتهم
طلعت نور تجري بش تخبر لبنات
نور: عندي مانحكيلكم اقعدو اقعدو
و حكاتلهم كلشي من وائل لحنان
نور: يعني والله ماسطين برشا مهوش بش يخلوني
سارة: يعني نور اذا كنا ف بلاصتهم باش نفكرو نفس التفكير اما علاش قلتيلهم الا فما واحد اخر
نور: خرجت من فمي هكا اما نعرف الا مهمش بش يعرفوه شكون اما ظاهر كلهم يعرفو ب قصتي
ميليسا: نور بلاك يستخايلو انك تحبي يونس
سارة: اي صحيح ممكن
نور: مستحيل و نتمنى الي قولته لحنان يوصل ليونس كامل متمم، منعرش اما مين حكيت معاها حسيتها مليحة شوية مش كيما كنت نستخايلها
ميليسا: بلحق
نور: يمكن
__________

مقلتلكمش الي ايمان تخلصت من حب رستم و معادش تحبو و لا تهدر عليه مين سمعت الي صحبتها نادين تحبو، بعد هالموقف تاكدت نور برشا الي الصحبة الحقيقية مهيش كلمة كهو و انما افعال و مواقف و تضحيات
_______

و لهنا توفى حلقة اليوم نتمنى عجبتكم بعد عودتنا من جديد
أسئلة الحلقة:
برايكم يونس هوا الي نشر حكاية انو نور تحبه و لا عرفو لوحدهم؟
وائل و سمر بش يقعدو مع بعض و لا نور بش تدخل وسطهم؟
نور تنجم تكون صحبة حنان؟
شاركونا آراءكم...