فهاد القصة باش نحكو على طفلة تكسر قلبها برشا مرات من اعز الناس ليها حتى صحابها اما جا لي شفالها جرحها و خلاها تتعلق فيه من غير قصد فهالقصة باش نلاحظو بزاف مشاعر و بزاف احداث من رومنسية الي كوميدية حتى حزينة
هالقصة مرحش تكون تهدر على حياة بالغين و ان...
نهار كي العادة، نور فاقت بكري حضرت روحها و روحت ل ليسي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نور: عسلامة لبنات مريم: اهلا خير جيت بكري ليوم نور: اليوم فقت بكري قلت خليني نجي كاش ما نحكو قبل ما نبدو الكور مريم: حتى انا كنت حابة نحكي معاك ف حاجة نور: شفما مريم: الحقيقة ايمان خبرتني مجبتهاش من عندي نور: اي تي احكي مريم: قاتلي الي خديجة و جماعتها يحكو عليك دايمن و يتمسخرو على لبستك و شكلك نور: و تو هادي حاجة جديدة تي نعرف و واخدتهم على قد عقولهم مريم: اي يعني جرب تبدل الستيل متاعك نور عنها تنرفزت: تي مريم تحكي بجدك والله مكنتش نستنا فيك تقولي هالكلام مريم: لا مش هكا... نور قاطعتها: انا عمري لا راح نبدل روحي على جال حد اخر هنا و توفى
____________
المهم بعد مدة نور خرجت مالكلاصة و كان هابطة لوطة تجري حتى فجاة واحد يحل باب و يضرب نور ف يدها نور: اه يخي توا فما بنادم يحل الباب هكا كانت تهدر و تشوف ف يدها حتى طلعت عينيها لفوق و شافت وائل، نصدمت شوية و قعدو يخزرو ف بعض لمدة و هما ساكتين، حتى وائل كسر الصمت وائل: سامحني مشفتكش نور: لا عادي و كمل كل واحد طريقو، اما نور كان قلبها يدق برشا نور قعدت تحكي معا نفسها: اي شنوة صرالي انا اووف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هكا كانت البلاصة الي تلاقو فيها نور و وائل _______________
نور كانت مع سارة تمشي حتى شافت بنت قاعدة تبكي عرفتها خطرش تقرا مع يونس و مريم صحبتها و سارة تعرفها زادة سارة راحت لعندها سارة: ليلى شبيك تبكي يخي فما شي ليلى: لا مفما حتا شي نحب نقعد وحدي سارة محبتش تسيف عليها خلتها براحتها و راحت عند ايمان يمكن تعرف شنوة صايرلها الي كانت قاعدة مع مريم سارة: ايمان شبيها ليلى مريم: علاش شصرا سارة:شي اما شفتها من قبيل كانت تبكي قلت فما شي مريم: بلحق يخي ايمان تعرف شنوة صاير ايمان: تي صرات مشكلة كهو فالكلاصة مريم: شنوة ايمان: منجمش نخبركم امور خاصة بينا سارة: شنوة شنوة امور خاصة بيكم مريم: مكش حابة تقولي ايمان: لا مش هكا قصدي اما منجمش نقولكم توا مريم: باهي و انا الي كنت نخبركم كل شي و توا على هادي محبيتش تحكي و امور خاصة بيكم و منعرفش شنوة سارة: امشي مريم امشي و لا زدت حكيت معاهم هدوكا هاو وجهي و انتي زادة
___ نور كانت تراقب كل شي من بعيد و سمعت كلشي، مؤخرا بدات تبعد على ايمان و هديك الكلاصة بلكل و ماحابش تدخل فيهم نور تحكي مع نفسها: بلحق تعاركو على حاجة تافهة كيما هكا والله خطرات نحسهم بنات صغار مش ف ليسي ______ منبعد كانو قاعدين البنات الكل مع بعض و يحكيو مريم: والله خسارة بعد كلشي محبوش يخبرونا على حاجة صغيرة كيما هاك نور: الحقيقة تستاهلو خطركم تخبروهم الصغيرة و الكبيرة و هما حاجة كيما هاك مقدروش يقولوهالكم نادين: نور عندها الحق و خصوصا انتي مريم الي تقعدي معاهم كتر ملي تقعديه معانا مع انا بنفس الكلاصة سارة: خلاص توا عرفت بلاصة كل وحدة حتى هديك ايمان متوقعتهاش منها ميليسا: اي الخطرة جايا يا مريم توقعي اكتر هيكا نور و حكات ف ظهرها الي كانت صحبتها
نور نصدمت اول مرة تسمع بالهدرة نور: شنوة شنوة هدرت فيا انا مريم: هادا الي مخلتينيش نفهمهلك الصباح الهدرة لي قتهالك مش مني و انما منها و انتي فهمتيني بالغالط نور: و توا عاد تخبروني نادين: الصراحة حتى انا خطرة كنا مع بعض قاتلي نور متعرفش تلبس بلكل اما انا محبيتش عليك هالهدرة و مخليتهاش تحكي هكا عليك نور: توا عرفت بلحق الي انا معنديش زهر فالصحابات بلكل لولة محبتنيش نتهنا و توا هادي تهدر ف ظهري اما ميسالش ميسالش خليهم يهدرو هادا يتبث الي انا ماثرة عليهم برشا و نهار كامل و هوما عينيهم عليا مزية الي عرفت الحقيقة توا
__________
هادي ثاني خيبة امل ل نور البنت الي كانت تحسبها صحبتها بعد اسيل و فكرت انها رح تكون ف بلاصتها طلعت غدارة و هدرت فيها ف اول فرصة و تمسخرت عليها اما مش نور الي تسكت على حقها باش توريهم وحدة وحدة
