يتيمات... ال منهل

البارت الاول

مرحبا حبايبي هاي اول مرة اكتب قصة حقيقية وصارت وية احدى اقاربي طبعا القصة متخلى عن الخيال علمود متصير مملة وهذا طلب من البطلة ان شاء الله اكون عند حسن ضنكم وتنعجبون بسردي للقصة

لا تعشَك گلب معشوك باجر صاحبة يريَدة .

"" "" "" "" "" "" "" "" "" "" "" "" "" "" "" ""

: السلام عليكم ورحمة الله وبراكته... كملت صلاة وشلت السجادة وكعدت ادعي تتعدل الامور الي بلبيت

وفجأة دخلن عليهه هاي اتصيح انطيني كبي وهاي تكول...  مو هذاك اليوم انطيتج بلوزي

:بس لحضة انتن متستحن كليوم بعركة متتحملن يوم بدون عركه وخابصات البيت بعياطجن

رسيل" هذني ميتحملن اذا ما اكوملهن اكطعن بصوندت مهى

الين" الكب مالتي ضاع وهية عدها هواي اريد البسة اروح بي بس اليوم

نورسين" والله ما انطيجيا مثل كُل مرة البس منها شي اتحملني منية اتخليني اكره ام حياتي

: يلاا حبيباتي عوزجن كبر شو صار عمرج 16 وذيج 15 وبعدجن على سوالف الزعاطيط انطيها الكب خلي تلبسة بس اليوم

نورسين" بس علمودج راح انطيها بس اليوم.... يالين وحق العباس... اذا ما رجعتي لاخلي بغداد كلها تبجي عليج

الين" اي اي عود ان شاء الله

مهى" يلااا يبناات اكعدن

: متعلمة اني من اشوف امي ابوس راسها... ويدها حتى لو...زعلانة مني احس يومي ميكمل... رحت بوستها وكلت الها... هلا بهل صباح تدرين مشتاقة الج

مهى" ههههه شلحكتي تشتاقين البارحة يمج

: هية هاي المشكلة اشتاق الج حتى لو انتي يمي

نورسين بقهر" اي اي تلوكي بعد اتلوكي يمهه جذابة لتصدكيها ..

: وشحاركج انتي امي وادللها شهل غيرة

نورسين"يمهه شفتيها شفتيها شتحجي وتكولين اختج الچبيرة احترميها والله لو مو يمج جان كطعتها تكطع

رسيل" بناات كافي امشن خلي ناكل النا لكمة راح الوكت

الين" انتي محتارة بس ابطنج

لادان"رحنه كلنا توجهنا للمطبخ لكينة الوالد كاعد ياكل رحنة كلنا ورة بعض نبوسة بأيدة....  اكلنا ريوكنا ورحنا كلنا نمشي وية بعض.... احنا حالتنة على كدنا بس اهلي عمرهم مقصرو.. ويانه والحمد الله عايشين بساعدة... نور والين بصف ثالث لان نور تركت مو لان كسولة لان جانت مريضة وتركناهة واني ورسيل بالخامس رسيل اكبر مني بسنة اني لادان عمري 18 ورسيل19 جنت احب الدراسة هواي ومتاركة بس فوتت سنوات ما داومت بيهن ورسيل متحب الدراسة هواي بس اهلي يكولون الها ادرسي....
كملنا هذا اليوم بامتحانات وتحضيرات وكومه دروس... واحنة دنرجع وكفت كدامنا سيارة حيل حلوة ورانة هم شيارة احلى بعد وفخمات وكسرن علينا... احنا بالذات ضلت واكفا كدامنا تقريبا... دقيقة من بعدها اتحركت من يمنا وراحت
كمنا وحدة تباوع بوجة الثانية وبس نطكنك من الموقف الرعب ومبينين مستهدفينة ليش احنه بالذات 

واحنا بالطيريق كلت الهن بنات لحد يحجي لاهلي شي كافي عليهم مصايبهم

البنات: اي
وصلنا للبيت

مهى"الله يساعدجن
البنات" ويساعدج
مهى باستغراب"شبيجن لونجن اصفر
لادان بتوتر"ها لا ماكو شي بس تعبانين شمسوية اليوم جوعانين حيل

مهى" ما عبرت عليها بس عبرتها بزاجها اي روحن غسلن وبدلن وتعالن اصب الجن

البنات" تمام

رسيل" اول مدخلت للغرفة رحت كبل للجرباية نمت بدون اكل وبعدني بهدومي محسيت من غفيت

فزيت على لادان هية وتكلي كومي اجونة ناس يكولون احنا بيت عمكم

رسيل"شنو بيت عمكم ابوي ما عندة احد

لادان" ما اعرف كومي خلنشوف

كمنا كلنا لبسنا حجاباتنا وطلعنا وحدة وره الثاني اول شي رسيل بعتبارها الچبيرة بعدين اني وراية نور وراهة الين... احنا اربع بنات امي مجابت ولد ويكولن النا انتن اربع ورداة شنسوي بالولد... نزلنا بيتنة اصغير عدنه فوك غرفتين ومن ننزل كبل للمطبخ والي هوة حولي بنفس الوقت واستقبال مفصول عن المطبخ وحمام فوك وحمام ثاني جوة  بس احنة نحب بيتنة..
اول منزلنا تلكتنة امي مخبوصة اتسوي جاي وتودي الماي...

رسيل" يمه شنو هاي منو هذولي

مهى" هذولي عمامج

رسيل" منين طلعوالنا عمام

مهى" بدون اسئلة واجوبة امشن طبن سلمن عليهم

لادان" وبهذا الوقت ايقنت انو اكو شي مضموم علينة مابينت شكي.. يمهه شنو نسلم عليهم

مهى" امشن وراية ومعليجن
رسيل: رحنا وراها وطبينة... امي كالت السلام عليكم الكل رد عليها

واحنا كلنا بصوت واحد" السلام عليكم "هم الكل رد علينة وجنة منزلين عيونة بلكاع بعدين صاح ابوية امشن يبنيات سلمن على عمامجن
كال واحد جبير بينهم تعالن يبنيات
رحنالة بلسرة باسنة من راسنة كلنا وكال بوية اني عمجن الشيخ هاشم روحن باعن هذاك عمجن جهاد سلمن علية رحنة سلمنة علية نفس الرجال الي كال اني هاشم كال وهذاك عمجن مجيد وهم رحنا سلمنا علية

الشيخ هاشم"خوية حمد احنا جاين ناخذك منا للبصرة

حمد" ليش خوية شصاير

الشيخ" والله يا خوية احنا عدنا ثار واخذنا وهسة عدهم دم ولدنا انهدر ومنكدر نخليك هنا وحيدتك وبعدين ما شتاگيت صارلك20 سنة مشايف امك

حمد بتردد"خوية ما اكدر اجي يمكم خوية موش شوية البية صار بس اتذكر الي صار كلبي يوجعني

الشيخ"عوف الماضي خوية بداعت هلبنيات تريدهن يعيشن بدوم اهل انتة من صدك تحجي احنة نريد نشبع من بزرنا

حمد بعصبية يحاول يحجي بهدوء"خوية ما اكدر وخلص مااكدر

صاح واحد صوته خشن ويرعب الواحد وكلة
: عمي منكدر نعوفك هنا وخلص هية بس فترة گصيرة وتنحل الطلابة

حمد بقهر" الي تشوفوه خوية الي تشوفوه يلاا يمره كومي لمي حاجاتج

رسيل"ضلين صافنة بوجه ابوي وانتبة ابوية وكال بوية روحي
لمي غراضج نرجع نرجع لتخافين بوية يلاا اخذي خواتج ولمن غراضجن راح نطلع للبصرة.......

"" "" "" "" "" "" "" "" "" "" "" "" "" "" "" "" ""
خلص البارت اتمنى عجبكم طبعا دخلت بالاحداث مباشرتاً لان ماكو شي بحياتهم قبل مميز يوميات كل عائلة عراقية وبس والله اتمنى عجبكم البارت 🤎✨
دمتم بخير♡...