يتيمات... ال منهل

البارت التاسع

رسيل... نزلنا جوة ولكيت الامة مكلوبة كلب علينة وناس كومة.. بحيث من نحط رجلينة منشوفها... رحت لباب المطبخ الين ضلت فوك تسبح تبدل وتنزل.. دكيت الباب لان يقفلو علمود الجهال ميطبون عليهم ويقلقوهم... فتحلي شيحان وهوة يكلي

شيحان: صدك جذب يمعودة وين جنتي هذا كله نوم

- ما جاوبتة فتت وصدك الكاهم يتراكضن خطية منا ومنا... عاد اني كمت اشتغل وياهم وكلساع يا جيبي الجاي يا ودي... صارت الساعة ب ١٢ ونص بليل شفت عمة ام قطب تعبانة حيلل هية وعمى شذى خطية يشتغلن وما وكفن ابد... كلت الها

عمة اصعدي فوك بغرفتنة واني اكمل واجيبلج ملابسج واجي تعبتي كلش اليوم وانتي هم عمة شذى

ام قطب: لا يوم خلي اخلص الشغل ما ضل شي

لادان: عمة منريد نقاش اصعدي فوك ابوس ايدج انتي مريضة ومابيج حيلل اروح فدوة العيونج الدوخت ابوية اصعدي

ام قطب: يا يا يا فلك طرج شلون تحجي (بضحك)

- اي عمة قابل جذبت اذا اني اول مشفتهن دخت شلون تردين ابوية ميدوخ ويذووب.. فهميني..

(طبعا كلهن كامن يصيحن لعمهن ابو اصيل بابا لان هوة كال الهن)

كامت تركض ورة لادان وتصيح

ام. قطب: ولجج دنية تعالي بس خلي اكضبج الة انعنع عضامج

رسيل... اباوع عليهم واني مبتسمة... عمة فضة (ام قطب) ابد ما حسستنة انو هية توهة عرفتنة ابد تحسسنة كانو احنة بناتهة وتعلقنة بيها كلش.. وحنانهة يشبة حنان امي علينة... بس اكيد بعدنا نحس بفراغ جبير جوة كلوبنة... لان الاهل محد. يكدر يعوضهم.

قنعنة عمة فضة وعمة شذى بلكوة يصعدن فوك.. واني ولادان ضلينة بالمطبخ والبنات صعدن ورة ما خلصن شغل للمطبخ واني ولادان ضلينة خاف يردون بعد چاي...

لادان: رسيل تعبت وكعدت علة الكرسي وحطت راسها على ميز الطعام ونامت... ورة شوية  اصيل طلع راسة من باب الطرمة وباب المطبخ الي يفصل بينهم وكال بسرعة گهوة گهوة... قبل لا اردلة جواب طلع

هسة شلون اني ما عرف اسوي گهوة... گعدت رسيل وگالت اني هم ما اعرف اسوي گهوة وصعدت فوك واخذت ملابس لعمة شذى وعمة فضة لان ماعدنة شي بعد بس اسوي الگهوة... ورة ربع ساعة تقريبا اجة اصيل وكال.. هااا يابة سويتي الگهوة

- ااا ماا مااعرف مانعرف نسوي گهوة

اصيل... غير تكولينن تعالي خلي اعلمج

لادان: انتة منطيتني مجال..
گال خلي اعلمچ... گام يحط هذا ويجيب هذا.. گال تعالي وكفت كبال الطباخ وكمشت الخاشوگة وگمت اگلب بيها.. حسيت حرارة ورة جسمي وجسم ثاني لزك بجسمي من ورة... ضليت متصنمة.. وسمعتة يكول. مو هيچ هيچ تخوطيها غير ثولة