يتيمات... ال منهل

البارت الثالث

حبايبي اتفعلوا بليز واذا ماجبتكم القصة اكتبولي لان القصة كلش حلوة وتستحق المشاهدة اذا اكو غلط كولولي ولو اني اشوف ماكو اي غلط واتمنالكم مشاهدة ممتعة
"" "" "" "" "" "" "" "" "" "" "" "" "" "" "" "" ""
4:23 م

رسيل"طلعنا من الستقبال واحنا متحمسين كلنا نحب البصرة بس مشايفيها ابد

لادان"يييايي حنروح للبصرة وفوك هذا كله عدنة اهل هناك يمة شعور خوف وشعور حلوو

- امشو خلي نحضر روحنا... رحنا حضرنا روحنا  كلنا لبسنا بشتات واجت يمنا امي شافت شنو حضرنا. كالت ضلن هنا اني من اصيح تعالن نزلن...ضلينة فد نص ساعة وكالت يلاا مشن... نزلنا وحدة ورة الثانية...
رفعت عيني واشوف واحد يباوع علية من شفتة دار وجها بسرعة استغربت بس نسيت بسرعة... صعدنا بالسيارة سيارتنة متكونة من مقعد السايق والصدر وراهة هم اكو مقعدين والثالث متحرك ورا هم اكو تلث مقاعد هاي سيارتنة ماما و بابا صعدو ليكدام واني لادان بالمقعد الوراهم ورانة الين ونور
تمشي كدامنة سيارتين ورانة سيارتين واحنا بالنص

محسيت من نمت وفزيت على صوت لادان كالت وصلنا للمنطقة فتنة بالمنطقة بيها بيوت حلوة كلش وصفينة يم اكبر بيت يمكن بالمنطقة وكالو خلي ينزل ابو رسيل بس... نزل ابوية من السيارة وصعد مكانة نفس الشخص الي شفتة بيتنة... وكال منكدر نخليكم تنزلون هنا لان يمنا زلم السلف كله واخذنا وره البيت ونزلنا يم بابا هم جبير وفتحة وكال ادخلو دخلنا كلنا وتلكتنة مرية امي شبكتها وكامت تبجي وهية هم كامت تبجي وكالت اني اسمي ام قطب... وراهة كامن يلتمن علينا بنات يسلمن علينة... واني فكي راح مدري منين يطلعن وبعدين كالت ام قطب تعالن سلمن على جدتجن... رحنا وراهة فوتتنا بستقبال كلش جبير وحلو وبي مرة كاعدة بكل جبروت عبالك سلطانة

ام قطب"ام هاشم هذني بنيات حمد

ام هاشم بهدوء" گربن احبنچن

رحنة يمها كامت تبوس بينة وتشم بينة وصلت يم الين كالت بيج ريحة حمد..حسيتها تكابر ومتبجي... ورة شوية كالو راح يدخل الشيخ كلهن لبسن عبيهم وخماراتهن... ودخل الشيخ وكال يمة وفيت بوعدي ورديتلج حمد... دخل ابوي وركض شبك بيبي وكامو ثنينهم وماكدت تكابر اكثر يبجون وبيبي تنعي... منضرهم يبجي الصخر... هدءو شوية ابوية نام بحضن بيبي وبيبي تعاتب بي

ورة شوية جابو الاكل... جان وقت عشاء... واحنا مستحيات حيل كملو وكلهم كعدو ياكلون واحنا نحس كل الانضار علينا... وبلكوة تنبلع الكمة احس حتى من ابلعها اطلع صوت كملت وكملت اريد اغسل.... واني جاي ادخل للحمام اشوف نفس الشخص الي جان يباوع علية يغسل... دخلت تفاجات وهو هم ضل يباوع علية ردت اطلع وكال تعاي بوية كملت غسلي... اني تصنمت بمكاني
لابية ارجع ولا بية اضل واكفة... تقرب مني وصار بيني وبينة بس شبرين وكال اني اسمي الشيخ شيحان ابن الشيخ جهاد واني ابن عمج
رسيل وهية ترجف: ت.. تشرفت وا.. واني س.. رسيل بت حمد