يتيمات... ال منهل

البارت العاشر

لادان..

نزلت جوة ولكيت محد اكو من الي اجو.. رحت للمطبخ لكيت اصيل وشيحان وبابا هاشم وعمة فضة وام صهيب وعمة شذى جاي يأكدون على الاكل.. طبعا جابوا طباخين وطبخو بالمطبخ.. محد فات بالمطبخ غير الشيخ هاشم والشيخ اصيل والشيخ شيحان... وطبعا احنة منفوت....

ام قطب: هااا يمه كملتن

- لا عمة ديبدلن بس اني خلصت

-انتي ترحين هيج
كال اصيل بانزعاج واستغراب

-اي اروح هيج والبـ... وقبل لا اكمل كلامي
-روحي بدلي بدون نقاش

كال الهة اصيل بصرامة

-ءااا... ردت احجي

-كلت بدون نقاش

-كلت بسرعة قبل لا يكول شي... ترهه البس فوكاهن عباية

وهز راسة وسكت

جنت لابسة هودي لونة اسود لحد نص الفخذ وبنطلون كيلوت اسود وبي ورود صغيرة من ناحية الافخاذ جان كلش مرتب

كالوا راح نطلع. صعدت فوك علمود البس العباية واعدل ملابسي واعدل حجابي.. اول شي غسلت وجهي مرة ثانية ورحت سويت حجابي عدل طبعا قبل كلشي توضيت... وعدلت ملابسي ولبست العباية اني العباية اتبهذل بيهة مو بس اني كلنة نتبهذل خاصة الين كلش تتبهذل بيهة...

الين: نزلت ورة لادان وجنت لابسة مثل لادان بس اشوي بي اختلاف كل احنة لابسات مثل الشي بس اختلافات بسيطة.. واني جنت مقررة اروح هيج.. والبس بعدين العباية من نوصل

قطب:ترحين هيج
الين بستغراب: ااا اي ليش
قطب: ماكو شي بس تلبسن فوكاهن عباية
- بابتسامة خبيثة... هذا الشي باحلامك...

بصرامة وغضب مرعب
-اصعدي هسة والبسي وانزلي احسن الج

-خفت من عيونة الي نفتحو مترين ونص وكلت... راح البسهة بس علمود متصير مشاكل... لا عبالك خفت منك

-هز راسة وابتسامة النصر مرسومة على وجهة

رسيل: لبست وكلنا هم لبسنة العباية ونزلنا وية نزلتنة رحنة طلعنا طبعا جانو جايبين سيارة كوستر وحدة لان الناس مو هواي

واحنة راح نصعد بسيارات الولد
سيارة صهيب مراح ياخذها وسيارت قطب هم مراح ياخذها

صعد بابا هاشم وعمة ام قطب وعمة ام صهيب ولادان وية اصيل هنة صعدنها وياهن هية رادت وياية...

وقطب والين واني بسيارة شيحان

ونور وصهيب بالكوستر وية العالم بابا هاشم كال يصعدون همة علمود ينطوهم اكل وصهيب يدلي الرجال على الطريق

طبعا اني اول ما مشينة نمت

لادان: صعدت وية اصيل واني اصلا مردت اصعد وياهم بس شسوي حكم القوي على الصعيف بعد عمة فضة وما ادراك ما عمة فضة طول الطريق مبتسة الي ونرة تباوع الي ومرة تباوع لاصيل نضراتها تخوف نمت على كتف عمة فضة

نور: اول مطلعنا من البيت واني عيةني على الكريق بصفي عمة شذى نامو كلهم وعمة شذى نامت  كاعد بصف السايق صهيب واني وعمة بالمقعد الوراه مباشرة طلع الصبح وكامو يكعدون الناس الي ويانة الي همة اقاربنة بس اني ما اعرفهم... باوع علية صهيب وكال... هاج هذني وسوي لفات انطاني علبة مال اكل وبيها بيض مسلوق حطيت بكل صمونة بيضة... كام ينطي لفتين لكل واحد وجان يمنة ترمز ترسنا جاي وكمت احط بالكلاصات الكارتونية چاي وهوة ياخذ من ايدي وينطي للعالم

عمتي كعدت يم مرة ورانة كامن يسولفن وهوة اجة كعد يمي
وتعبت ونمت

ما حسيت الة من صارت طسة قوية من قوتها كعدت لكيت نفسي نايمة على كتف صهيب وهوة نايم على راسي... من الفشلة ماعرفت شسوي ضليت ساكتة... بعدين وخرت راسي منة بهدوء هوة كعد وتعدل بكعدتة واني اجيت اغط بهدومي... كلت الة اسفة ما حسيت بنفسي

صهيب: لا عادي مصار شي وكافي خجل ترة بعد كم يوم تنزوج

نور: اجيت اتخربط من الخجل هزيت رلسي واني كلبي مقبوض من سالفة هلزواج هاية... اني محاي احس تجاهة باي مشاعر شلون حنتزوج والله وماعرف

رسيل: اني كضيتهة نوم ما كعدت الة والين تكول الي كومي اكلي

كمت وهية انطت الي لفة وسوت وحدة ثانية ونطتها لقطب وقطب انطاها لشيحان 

وسوت وحدة ثانية وانطتها لقطب وصبت چاي وانكت لقطب وشيحان كال ماريد لان مراح بكدر يصيطر عليهم

الين: اني مانمت تبد ما اخدر انام بالسيارة صارت الساعة ب7 الصبح تقريبا سويت الهم لفات وكت انطيهم وصبيت الهم چاي... طبعا اني ما احب البيض فشربت بس چاي...كالت الي رسيل ليش مااكلتي خاف دوخين

-تدرين بية ما احب البيض ما اكل

قطب: مو زين متاكلين دوخين

الين: ما احب البيض

مشينة شوية چان كال قطب اوكف هنا شيخنا وكف شيحان وقطب نزل من السيارة ودخل للمحل وطلع جان انطاة الي كيس وحا جايب الي كيك وعصير وجبس وحلويات هوية حنى مصاص
اني عفت كلشي وكمت اكل بس مصاص

كاموا يضحكون علية ما اهتميت الهم وكمت اكل بلحلويات

ماكو مناقشات هواية ولا التقائات لنور وصهيب ياترى شراح يصير بعلاقتهم وهل سيكون احد بينهم يحب الاخر وهذا الحب من طرف واحد فقط... كل هذا راح تعرفو بالبارتات الي جاية

وبس والله دمتم سالمين