"الكـــاتبه : ســمــا♥️✨"
"""""""""""""""""""""""""""""""
هلا يَجنِك سَالفِة شَاعِࢪ وﻶ تِنمَل 😔♥.
___________________________
.<الــبـدايـــه>.
صباحاً
ابو سما:نورر(ام سما) تعاي وينج
نور:ها عيني محمد
محمد:خابروني علي وقاسم(اخوان محمد الكبار)
نور:صاير شي؟
محمد:بعد 3 ايام الحنه مال عباس (اخو محمد)
نور:يييي علخير
محمد:يلا حضرو غراضكم دنروح للانبار
نور:شوكت
محمد:اليوم الظهر اخذكم لان امي كالت اله تجي اليوم ومشتاقيلك وتضل لورا لعرس
نور:يلا عيني هاهيه بكيفك يلا خلروح اكعد الولد وخواتهم واجي وهم ياله يكملون
محمد:ايي صح يلا اني اروح
نور:الله وياك عيني توصل بلسلامه
محمد:الله يسلمج يبعد عيوني
سما:
جنت نايمه وحسيت الباب نفتح وفجأة واحد كمز عليه رفعت راسي وشفتها امي وتضحك ضحكت كتلها
سما:هاها حته بنومتي
نور:يلاا لج كومي تريكي وتحضري
سما:ليش
نور:حنروح لبيت جدج الحنه مال عمج
سما:ججذذذبببب يمااييي يلا يلا جيت وراج حبيبتي
نور:ههههه يلا بنيتي
سما:
للضهر حضرنه ملابسنه وكملنه كلشي وكاعدين ننتضر بابا ورا شويه اجه تغدينا وكملنا لبست بنطرون اسود حصر وقميص اسود عريض وقصير ضام البطن وجنطه بيضه وحذاء ابيض ومكياج سموكي طلعت اطكك بلكاع المهم كعدنا ننتضر بابا اجه وتعدينه كملنا كلشي وصعدنا وطبعاً السياره كفتنا وزايد وصلنا للانبار وميتين تعب وصلنا بيت جدي ولكينا عمامي وزوجاتهم وجهالهم كلهم بلباب منتضرينا نزلنه وهمه يحضنون ويبوسون دخلنا جوه لكينا بيبي سلمنا عليها وتبجي خطيه وصلت الي ولاختي دنسلم عليها
بيبي:يمه صلوات ع النبي حبيبات تعالن
سما:
كعدنا شوي واجتي وحده اسمها اريج كالت بنت عمي علي سلمنا عليها
اريج:تريدين تروحين لغرفتج تبدلين ترتاحين؟
سما:
ماكلت لا لان كلشش تعبانه صعدت وياها غرفتي كلش جبيره وبيها حمام تجنن راحت هيه واني فتت سبحت وكلعت لبست تراك اسود شوي مستور بس نص ودان وشعري ضفيره ومكياج كلش خفيف بس مسكارا وتنت نزلت وصاحتلي بيبي
بيبي:تعاي عيوني انتِ حدري هين
سما:صفنت مفاهمه وجان تكول يعني تعاي يمي حبيبتي ورحت يمها كعدت وكلسع تكلي عطرج طيب اريد منه وهمه يخربون ضحك عليها شوي واجتي اريج
اريج:سما حبيبتي تروحين ويانه
سما:وين؟
اريج:للمول فهد حياخذني وانيهم ضوجه وحدي كتله اصيح سما واجي وكتلهم لاهلج
سما:عذريني حبيبتي والله ماكدر
شفتها ضاجت خطيه كتلها يلا ابدل واجيج صعدت لبست بنطرون شوي عريض ومشكك موديل وقميص احمر وجنطه سوده وكعب اسود وشعري عفته مفلول لان كلش طويل وحلو ورحت لابوي اخذت 70 وحطيتهن لان انيهم محتاجه غراض شوي ونزلت وطلعت لكيت فهد اخو اريج مرتجي ع سياره
سما:اءء اكلك
فهد:ها عيني
سما:وين اريج
فهد: هسه تجي روحي صعدي بلسياره
سما:اءءء تمام
فهد:شبيج تمتمتين؟
سما ممابيه شي صعدت بلسياره وهوه هم صعد
فهد:انتي سما مو
سما:ابتسمت ايي
فهد:اهها بهمس شلون سما دخيل الله
اريج:ها حبايبي خوما تاخرت عليكم
فهد:لا يبا دصعدي صعدي
•••••••••••••••••••••••••••••••
يتبعع.......
بنات البارت قصير لان بعدني بس حعوضكم هوايي 🥹😂.
