الكاتبه : سـمـا
بقلمي ✏️💎
عـسَى رَبّــكم أَن يُـبَدِّل أحْزَانكُم فَرَحـًا قَريـبـًا ۞)
~~~~~~~~~~~~~~~~~~~~~~~~~~
عــشـك الــضابـط فــهـد🤍✨.
~~~~~~~~~~~~~~~~~~~~~~~~~~
سما:
رجعنه البيتنا وسبحت ارتاحيت شوي وكعدت اقرا قصص وكمت ابجي خطيه اهلها غصبوها وراحت فصليه وتكول الولد حلو ومدللها ويخاف عليها واهله ميحبوها بس هوه يكول شنو ذنبها هيه اخوها السواها مو البنيه
رحت راسلت فهد
_فهد
_عيونه
_اريد اروح
_وين ع الخير؟
_فصليه
_شبيج حبيبي شاربه شي
_لا والله
_اي انا اخذج فصليه عادي
_هههههه شبيككك فهودد
_بيه انتِ
_الظاهر اني متأثره بلواتباد هواي ههههه
_ههههههه شنو واتباد گـلبي
_ولك فهد قصص تجنن بي
_ولك بعينج لج
_نجب
_لج هاي عليمن ليش اجي اكسرج
_ولعباس اشاقه مو عليك شبيك
_اوكفي ابقي عالخط
_اتصل عليه واحد ويكله سيدي اجه النداء لازم نتحرك
_يلا حبيبتي رايح انه عندي شغل
_تمام باي
_الله وياج گـلبي
نزلت جوه يم اهلي ضلينه نضحك واشاقيهم كلت ليش كاعده وضايجه وجانت دنيا المغرب
سما:بابا اريد اروح اشتري
محمد:بويه ذوله اخوانج ويشترولج عليش رايحه
سما:هم اريد اتونس شوي ضايجه
عباس:امشي انه وياج
سما:يلا كوم
سما:لبست عبايه امي ع السرعه وطكيت نعالي وطلعت
عباس:لج هاي شطالعههه بلعبايه تشكين وعلي
يما:فديتك ولك
عباس:ضربتها ع راسها دمشي
سما:اخخخخ راسي
عباس:راسي لو دبس
سما:نجب
دفعني وعثرت بلعبايه ووكعت
سما:ايدييييي ولك حقير والله ارجع لابويه واكله عليك اوكفلي
عباس:ههههههههه يابهه دكومي دنروح
سما:طبيت للسوبر ماركت اخذت طحين صفر وليمون وشعريه وحليب مكثف واشتريت جبوسه وببسي ونساتل ورجعنه
رفعت شعري وسويت نفسي ام بيت وكذا وكعت اسوي كيكه وحلاوه شعريه
سويت الكيكه وبرشت كشر الليمون سويته ناعم وحطيته وياها وحطيتها بلفرن
طلعت الطاوه الجديده مال امي وحطيتها عالطباخ
حطيت زيت ولشعريه صارت شگره
حطيت حليب مكثف فوكاها طلعتها حطيته بـ المواعين
ونتضرت الكيكه تصير صارت وطلعتها صورتها ونشرتها ستوري قطعتها وحطيتها بلمواعين
وطلعت ببسي وانطيتهم
علي:عفيه عفيه بلنادره
سما:عليكم الله مو ام بيت
محمد:اي والله بنيتي نادره
نور:حبيبتي عاشت ايدج
سما:ولكممم فديتكممم
كعدت اكل واباوع القصه وختمتها بيومين دورت ولكيت وحده حلوه وداشوف بيها نعست ونمت
