الكاتبه:سـمـا💞.
" عـشك الـضابط فـهد "
~~~~~~~~~~~~~~~~~~~~~~~~
هلا بنيات گلبي شلونجن 🥹💙
طبعااً احاول اكمل بارت اليوم علمودكم لان عندي امتحانات وباجر هم عندي 🌚
راسلوني بنات يكولون و الطالعات اعفاء شلون يضلن ينتضرن😭😂
ليش البارت قصير؟
لان مداشوف تفاعل بلقصه وتعليقاتتت ماكو ابد فـ مالي واهس ومدانشر هواي اسوي قصير
اذا صار تفاعل بلقصه وتعليقات وتصويتات وهاي انزل اكثررر
تدللن حبي😔🤍👍🏻
وانتو اكيد متعرفون شوكت انشر البارت فـ روحو تابعوني ع الانستا هذا اليوزر 3gr_s هناك انشر شوكت البارت واجاوب الكل 😂💙.
_________________________
اجتي عدلتني وشغلو الموسيقى جانت لـ حسـين الجـسمي لا اله الا الله
طلعنه للدخوليه لازمه ايده وهوَ الفررحه مالته متوصفف وعيونه مدمعه ويباوعلي بـ لهفة وحب مو طبيعي
الكل كام يصوفر ويصفكون طبينه وكعدنه ؏ الكوشه
فهد:عيني إذا نظرت سبَحت سبحان من خلق الجمال وجمَلك.
سما: ابتسمت وباسني بخدي
فهد:احبج
سما:اكثر
يباوعلي و وجه حرفيا هيج🥹 وحمره وكلسع يمسح ؏ عينه ححيلل
وطلعت الاغاني وكلسع البنات يكوموني اركص بس استحي اني واخير شي طلعو احنه ع الشر ننطي فلوس
واجو اصدقاء فهد واخوته وولد عمه وولد خالاته ركصوو ركص مو طبيعي وهوَ يهز بينهم احتارو شيسوون بي يشيلو ويركصو واني ميته ضحك
اجني خواتي وصديقاتي ولبنات كلهن اخذني وضلينه نركص كلنه هزينه القاعه هز
وورا شوي اجه اخو فهد احمد شايل مسدس فلوس وكام يشمر ع فهد خمسات واجتني اخت فهد
اريج: ولج شنو خاف عبالج بس همه ... وراحت مادري وين مو كلش طولت وجت تهز من بعيد شايله نفسه وتشمر علي وكامو يضحكون عليها
متنا تعب وكعدنا بـ نص ساعه اكثر وشغلو اغنيه شيرين
عـَبالي حـبيبي وصار الوقت نكوم اني ويا ونركص
سـلو
اخذ ايدي ورحنا وگفنا بنص القاعه واني المستحه اكلتني
فهد:اخذت ايدها وبستها اغديلج فدوه انا
سـما:؏ـُمريہ انتَ .... بدت الاغنيه وحطيت ايدي ع چتفه وهوَ حط ايده ع خصري وصرنا نركص ويا الاغنيه ومن كملت باسني من راسي وشالني حيل ويفر بيه
همه يصفكون ويصوفرون واني اضحك
بعدها جابوا الكيك وكصيناها وكملنه وكعدنه
شوي وصاحو اخوان العريس واصدقائه وين وكلهم اجو وطلعولهم ردح هذا فهد يكيف ع هيج وراح وياهم وين ورجعو كعدو
وهسه خوات العروس وصديقاتها كمت وياهن وركصنه شوي ورجعت
