الحب الابدي(منقولة_ليبية)

حلقة 11/10

#الحب_الأبدي ❤ الحلقه 10 و 11 ✌ ❤
طقينا عند رعد نزل من الطياره وهو حاط يديه في جيوبه 😏 وهازي علي حركة نغم في نص الساحه وايديها علي وجها وبين عليها محتاره قرب شورها
ألتفتت وخبطت فيه
رعد....كنگ تدوري في حد يعني 😒
نغم.... لا
رعد....وين هلگ ؟؟؟
نغم...ميتين 💔 ( وما قالت ان باتها بس عايش )
رعد...اه ...اسف باهي وين حاتمشي
نغم...مش عارفه انا مانعرف حد هنا
رعد...باهي توا نشيلگ للفندق امتعي تقعدي فيه لاعند ما تلقي حل تمام
نغم...تمام وابتسمت شكرااا
رعد...عفواا ألحقيني وعده ركب في سيارته جيب سوده نزل منها راجل يشتغل عنده عطاه المفتاح
نغم...ركبت من وراه وشاده علي روحها من السقع يلي في باريس
رعد...وهو يسوق....اسم الكريمه ؟؟
نغم...ااا اسمي نغم
رعد...في نفسه ... عليگ موال حتى هنا زابقلي الاسم نغم لا لحن عليگ حاله وخلاص
نغم...وانت ؟؟
رعد...اه انا اسمي رعد ....في اي سنه انتي في الدراسه
نغم....انا متخرجه
رعد....اهااا واي قسم
نغم...إدارة أعمال
رعد....تمام توا نوضفگ عندي في شركه نحنا محتاجين مضفين شنو رايگ
نغم...فرحت وهي طول عمرها تتمنى تلاقي شغل بس ما حصلت لما كانت في ليبيا لأن تخرجت ومالهاش واجد
رعد...خلاص توا نشيلگ للفندق وبكرا ان شاء لله انجي ناخدگ ع 9 الصبح وياريت تكوني جاهزه
نغم...تمام

انس...معصب ماسگ تليفونه ويرن عليها وماتبيش اترد ....اوف
توا تشوفي جاي لاعندگ يا نورا

مرام....كنگ ماتردي
نورا....مانبيش انرد عليه البارد هضاا
مرام...من هو
نورا....في غيره انس ولد خالتگ
مرام...هههههه شكله مكبد عليگ
نورا....تكبيده تكبده ان شاء لله
مرام...هههه كيف خذاه رقمگ
نورا....مش عارفه ومن اول ماروحو من المزرعه وهو يرن دره كبدي
مرام...هههه باهي انا ماشيه مع امي للسوق تمشي
نورا....ماعنديش نيه توا نرقد
مرام....براحتگ توا ماشيه نلبس
نورا....صبت وهي تتأفف

ريم....سمعت صوت التبيب برا عدت
تجري عشان اتشوف 💔

صلاح نزل وهو فرحان ونزلت نهى مسگ يدهااا وخشو جواا للحوش هله
اسماء....هلا بالعريس مبروگ
صلاح....الله يبارگ فيگ يالغاليه وقرب باس راسها ويدهاا
نهى....اهلين عمتي وباست يدها
حلا....نطت عليه .....مبرووووگ
صلاح....ههههههه الله يبارگ فيگ عقبالگ
حلا....هههههههه
نهى....سلمت علي حلا وسلحت عبايتها
اسماء....كيف حالكم
صلاح...وهو حاط كرع علي كرع
الحمدلله وبحت في نهى وابتسم ....رايفت علي غرفتي
حلا....ههههههه عديلهااا
صلاح....صبا وليش مانعديلها وعده لغرفته ......اه وخلاص وفتح الروشن

ريم....سكرت الروشن ابسرعه بعد شافت الستاره تحركت
وحطت يدها علي قلبها وبكت بألم

نهى....صلاح
صلاح....ألتفت لهاا ......خير
نهى....قربت منه وايديها علي بدلته....اااه
صلاح...شنو تبي
نهى....الكلام يلي قلته امس جديات ؟
صلاح....ابتسم طبعاا انا مانبصرش وناويها
نهى...ليش شنو قصرت باهي 💔
صلاح....الشرع حلل اربعه
نهى....ولم تجدو فواحده تكفي
صلاح....نهى لا تزيديها ومش مغير رايي
نهى....اوووف