الحب الابدي(منقولة_ليبية)

حلقة 13/12

#الحب_الأبدي ❤ الحلقه  12 و 13 ❤
🔥 فرحتي لم تتم ولكن ؟؟ 🔥 ع 9 في الليل
طلعو الشباب برا يصهرو وفاطمه استغلت الفرصه وخذت مفتاح سياره يلي عطاه لها هديه وطلعت براا وفتحت الشنطه ....وشهقت واوووو دبدوب يانعليا قول عارفني شنو نحب وشافت الاكياس ادوات رسم جديده وعلبة قربت مسكتها وفتحتهاا
سلسال علي حرفها f ابتسمت وشافت الورقه يلي في العلبه وقرتها

اميرتي_أنحبگ_وماعندي_شگ_بحبگ_ليا_
خذيتي_عقلي_قسما_بالله وناوي_نحكي_مع_
خوگ_عليگ وكتب رقم تليفونه 092*****

فاطمه....😍😍 وقعدت تنط خبط راسها في الباب الشنطه ...ايي اوووف ولمت الحاجات وعدت تجري لغرفتها وحضنت الدبدوب وبساته ....مش مصدقه انا في حلم ولله شنو 💕 مانبيش انوض منه
مسكت الورقه وقرتها ألف مره وهي تبتسم وقلبها يدق 😍 ومتردده انها تتصل بيه ولله لا
لا مستحيل نتصل لو خطبني انرن يمكن يكذب عليا ....لالا فاطمه ماشفتيش نضارته اووف وقعدت تبرم وهي محتاره وبحتت في الدب

زينب...دقت الباب ....افتحي
فاطمه...نبي نرقد ماعنديش نيه نحكي
زينب...اوف منگ وعدت
فاطمه...رقدت عالسرير وهي تفكر وماسكه الورقه اوووووف شنو اندير

رعد....وهو يبرم في مكتبه ويفكر فيها كأني مرايف عليها اوووف وفتح باب وعده لغرفتها بدون مايدق وشافها !!

فارس وسيم وصلو وهما يضحكو
وجاه وراهم عادل وانس
فارس....سلم عليهم اهلين
عادل....اهلا
انس...فارس صح
فارس...هههه بشحمه ولحمه
انس...ههههه وينگ من زمان عليگ قبل ديما نتلاقو في المزرعه تذكرهاا
فارس...ههه ليش نقدر ننسه ايام زمان الله الله عليگ ايام
عادل...وعينه عالسياره شكله عجباته حاي عليگ يا فاطمه حاط عينه عليها
وسيم...فطنله ...ههههه هديه من فارس لفاطمه
عادل.....انصدم واتقول فيها عادي يعني عندگ
وسيم...هدييي بس خليني انكمل عشان طلب منها ترسمه عطاها المقابل سياره شنو المشكله يعني
فارس...ماقدر يحكي وحس بروحه ان غلط وسبب مشكله بينها وبين خوتها
عادل...ما عندنا بنت تسوق
فاطمه....سمعت الدوشه وفتحت الباب علي اخر كلمه قالها ..ًانصدمت
وسيم...كيف يعني باهي انا راضي
عادل....وانا لا انا يلي اكبر منكم ولازم تحترمو راييي
انس...باهي خلاص توا نسوقها انا السياره راضي توا
عادل....سكت
فاطمه....تعقدت
فارس...لمحها وقعد يبحت فيها وعرفها تعقدت وهي خاطرها فيهاا وفي نفسه ....لما تكوني زوجتي توا نعلمگ وتسوقيهاا عارفگ خاطرگ فيهاا وشد علي يده ماقدر يشوفها زعلانه
فاطمه...سكرت الباب وعدت لغرفتها تبكي ....الله يسامحگ يا عادل نكدت علياا ما هنيتني من الفرحه
اه وعضت لسانها قعدت تعيط ...اووووف

رعد...لقاها واقفه وتتفرج علي حوض السمگ يلي في غرفه وطالعه تجنن ...قدم شورهاااا واتكه عالساس قدامها
نغم...حست وبحتت فيه .....اه شنو صارلي حطت يدها علي قلبها وماقدرت تحكي ولا تبحت فيه وخرت
رعد...مسگ يدهااا وقربها منه
نغم...انصدمت من حركته وفي نفس الوقت ....عيونه الملونه سحرنها
رعد....بإبتسامه ....منين وين طلعتي
نغم...بلعت ريقها ...عفوااا
رعد....ااااه قصدي وطلق يدهاا
حگ جبينه ....انا جيت نطمن عليگ بس وطلع برا
نغم....وهي تشوف فيه يمشي وقف وهو حاط يديه عاليد ولف وبحت فيها....بلعت ريقها وبحتت بعيد
رعد...جمالگ جمال ...مش قادر نشيل عيوني من عليگ وطلع
نغم...حطت يدها علي قلبها وبحتت في المكان يلي كان مصبي فيه والكلام يتردد
جمالگ جمال ....مش قادر شيل عيوني من عليگ