#الحب_الأبدي 😍 الحلقه 4 ❤😍
فتح الباب سعد وهو يحكي مع صاحبه خالد خشو جوا وانصدمو لما شافو حمزه طايح
خالد...حمزه ولدي كنگ
سعد...بسم لله شنو فيه
خالد...قعد ينوض فيه حمزه
حمزه...فتح عيونه وهو يحس في راسه من قوة الضربه
خالد...كنگ من يلي دار فيگ هكي
حمزه... اه وهو حاط يده علي راسه...واذكر شنو صار ...سكت
سعد...من دار فيگ هكي رد
حمزه...طحت ياعمي بس
خالد...لا حول ولاقوة بالله صغير انت عشان اطيح
سعد...شيله معايا خلينا انحطوه في المربوعه فتح الباب ورد عليه وشالوه جوا للمربوعه
خالد...تريح هناااا ماتحركش
سعد...توا انجي وعده جوا يانغم وينگ
نغم...مسحت دموعها ودارت روحها راقده
سعد...فتح الباب ولقاها راقده طفه الضي وطلع للصاله وخداه الشاش والمعقم وعده للمربوعه دواله راسه من الضربه
حمزه...اه بشويه ياعمي
سعد...سامحني بس ماتحركش
خالد...تحمل أنت راجل واتعيط
حمزه...غمض عيونه من الألم
موده...ههههههه ديما هگ هما
مرام...الله يكون في عونكم
فاطمه...خيرلگ ماعش تحكو عليا 😒🔥
زينب...خليهااا مش تحكي علينا حتى انتي
فاطمه...انتي اخر وحده تحكي اسكتي خيرلگ
نورا...وسعي بالگ فطوم يضحكو بس هماا
نور...فاطمه اششش يا مجعزه
فاطمه...باردات وعدت للصاله
حنان...هااا تريحتي يابنتي مع البنات غيرتي جو
فاطمه...ابتسمت اهاا ...الدنيا ضلمت
عايشه...خلاص توا بيأذن العشاء
ساره...طومي
فاطمه...ماعش تقولي طومي 😒 يا بنت
ساره...رقديني نعسانه
فاطمه...ههههه ناقص غير تقولي احكيلي قصه
ساره...ياريت 😍
فاطمه...في أحلامگ ماعنديش راس انا
عايشه...فاطمه امش رقدي اختگ 😡
فاطمه...قريب تبكي ...حاضر مسكت يدها وشالتها لغرفه فاضيه وقعدت تهوي عليهاا لاعند مارقدت وغفت معاهاا
خديجه...ريم تعالي كنگ قعده بروحگ في الدار
ريم...حاسه روحي نعسانه ونبي نرقد
خديجه...غريبه مش بالعاده ترقدي في الوقت هضاا كنتي تصهري معايا انا ومحمد
ريم...تعبانه يالغاليه سامحيني
خديجه...غطتها وباست راسهاا ...تريحي تصبحي علي خير
ريم...ابتسمت وانتي من اهل الخير
خديجه...طلعت وسكرت الباب عدت للصاله
محمد...وينهااا خليها تجي تصهر معانا شويه
خديجه...قالت نعسانه خليها اتريح شويه
محمد...كنها من فتره وحالها مش عاجبني 😕
خديجه...حتى نا مش عارفه
محمد..باهي تعالي ياامي خلينا انتابعو فيلم اليوم أعلنو علي واحد جديد تاريخي
خديجه...الله من زمان ما تابعت تاريخي
محمد...ههههه تعالي وطفي الضي
خديجه...طفت الضي وقعدت جنب ولدهاا
محمد...ابتسم وباس راسها
ريم غطت وجها بالفوطه وتحاول ترقد وماعش تفكر في الموضوع ولاكن مافيش فايده واخدلها عقلها وقلبهاا 💕
سمعت صوت الروشن انفتح من غرفته حولت الفوطه وصبت وقعدت تسمع فيه
صلاح... وهو يحكي بالتليفون هههههه قول ولله
حسام...نكذب عليگ انا هضا يلي شفته
صلاح...ههههههه مسكين
حسام...مش غير 😂 بعد خطرهاا مبروگ قالو خطبت
صلاح...الله يبارگ فيگ
حسام...ههههه شكلگ فرحان تبيها البنت انت
صلاح...هههه لا فرحان لاشي انا اصلا ما شفتهاا ومش مفكر بالموضوع الزواج اساسا بس امي تبي تفرح بياا
حسام...ههههه الله يكون بعونگ معناهااا وعون المسكينه يلي حاتجوزهاا
صلاح...هههههههه وبعدك ناوي علي اربعه انا 😎
حسام...حاي تحكي جديات انت
صلاح...اهااا مره انا وصاحبي زمان قالي انگ مستحيل اديرهاا قلتله تواا تشوف وكلمتي كلمة راجل 4 وحدات مره وحده ناويهاا
حسام...ههههه ولله كارثه
صلاح...هضا يلي ناوي عليه انا اصلا توا تشوف
أنت تقرأ
الحب الابدي(منقولة_ليبية)
Romanceأنت شخصي المفضل اليوم وغداً وللأبد♡. ﮼الحب،الابدي♡. الكاتبة: ﮼سلطانة،كوكي♡. 30حلقة♡. قࢪاءة قنينة♡.
