الحب الابدي(منقولة_ليبية)

المقدمة /حلقة1

#الحب_الأبدي 😍 المقدمه والحلقه 1 ❤
ًنغم بنوته طيبه وحلوه جذابه مواليد 94 حالياا متخرجه وعندها شهادة إدارة أعمال وهي عايشه مع باتهاا بروحهم ماعندهش اخوه وامها متوفيه وباتها هو يلي رباهاا وهي تحبه واجد ولكن مضايقه من صاحب باتها ديما يزور فيهم ومعاه ولده حمزه يلي ديما ينابش فيها وهي متعقده وكل ماتحكي باتها عالموضوع مايصدقهش ويخلي فيه يخش جوا الحوش وهو يهدرز مع صاحبه في المربوعه وحمزه يخش عليها في أحداث واجد حاتصير مع نغم
خلينا نمشو مع وحده تانيه

فاطمه مواليد 96 طيوبه واجد وجوها حلو شخصيتها حلوه وجذابه طبعا ما زالت تقره في كلية الهندسه في الفصل السادس وقريب تتخرج عندها خوت وحاتعرفوهم في الحلقات الجايه وحاتتعرفو عليها اكتر وانجو للبطله التالثه

ريم مواليد 98 حلوه وهاديه واجد وخجوله طبعا هي تلبس في حجاب وكان خوها هو يلي طلب منهاا تلبسه كانت رافضه في البدايه بس اقتنعت بعد لابسته ....وهي تحب صلاح ولد جيرانهم يلي حوشهم لاصق فيهم وغرفتها مقابله غرفته بينهم 1متر 
..تحبه واجد بس هو مايعرف وديما تراقب فيه وتسمع في ضحكه يلي تعشقه

طبعاا الروايه من اكتوبر 2018 يعني قديمه وعشان نحبها نحب انعاود انزلها ديما 😞 الحكاية بين الفرح والحزن والحب لا تفوتوها ❤

شنو حايصير بين نغم وريم يلي قصتهم حاتكون حزينه وبين فاطمه يلي مزلنا ما حكينا فيها برأيكم شنو حايصير خلونا نشوف 👇

في الحلقه 1 /

طلعت من المطبخ وكانت تبتسم من كلام صاحبتها اتصلت بيها توا وتشفط عليها 😂 شافت باتها في الصاله ويتابع أخبار عدت وقعدت جنبه
نغم 94م...مافيش حاجه جديده
سعد 70م...لا مافيش حاجه جديده في
ليبيا مع الأسف
نغم...أن شاء لله ربي يفرجها علينا والله تعبنا من الأوضاع
سعد...والله صدقتي من 2011 والبلاد حالتها حاله

#الباب_دق

نغم...توا نمشي ونشوف من
عدت لبست شالها وفتحت الباب..
وكان صاحب باتها خالد ...اه اهلين عمي تفضل
خالد م72...يزيد فضلگ ...باتگ قعد
نغم...اهااا تفضل وبعد خش كانت حاتسكر الباب ولكن حط كرعيه ومنعها ان اتسكر شهقت وشافت حمزه ...هضا انت 😡
حمزه م90...بإبتسامه طبعا ليش تراجي في
حد تاني يا حلوه 😒
نغم...قسم بالله إذا ما وخرت نخرب الدنيا فوق راسگ
حمزه...ههههه شنو تديري مثلا ...تعيطي وتقولي يا ناس ساعدوني وهو يقرب منها 
نغم...بعصبيه ماقدرتش تمسگ نفسها ...عطاته كف صدقني لو قربت مني مره تانيه تشوف شي مش حايعجبگ وعدت خشت جوا
حمزه...بسيطه يا نغم ...توا تشوفي عليها الأيام جايه وتوا انوريگ وخش سلم علي باتها سعد ولحقها للمطبخ بدون ما يفطن حد علي اساس للحمام ماشي
نغم...مسحت دموعها وشافت ضله عند الباب ...تعقدت ...وطنشاته
حمزه...جا وراهاا علي طول وايديه علي بطنها وشد عليها
نغم...انصدمت من تصرفه ...وخر يا حقير وحاولت تدفه ماقدرت كان ضاغظ عليها وااجد
حمزه...وهو يهمس ...إيدگ لو تمدت علياا مره تانيه حاتشوفي شي مش حايعجبگ ونوريگ من هو حمزه فهمتي
نغم...انت واحد حقير وخر يا تافه
حمزه...فكهاا و وخر وابتسم بخبث وطلع
نغم...حيوان وسكرت الباب علي روحهاا .....
ياربي صبرني وخلصني منه يارب