رهان ابي (طفله)

البارت الواحد وثلاثون💝

البارت واحد وثلاثون 💝

كل ليلة قبل لا ناااام 👉

احلف باجر اتغيررر😎

ترد نفس السوالف ذيج 🙈

عقل العاشك محيرر😁♥

.....................

بلسم..... شبيهاا ترا حبابه وتخبل وانته تحلم بهيج موصفات انه اختك وعرفك

غيث..... ولج فوك الورطه ورتين انتي شبيج مكبسسله عزيزتي خاف ضارب عندج الدماغ مؤخرا

بلسم...... لا ضارب ولا اي شي بس حبيت اكلك انه اختاريتها الك وخلاص وبس نوصل واروحلهم اخطبها من امها وانتهينه

غيث..... هو منو اليتزوجها انه لو انتي سمعي لج بلسم اذا سمعت خاطبتها من وراي صدكيني اعلكج بسكف بدال البنكه

بلسم..... اووو صاير كلش متنطاق والسوالف وياك تكصر العمر.... عفته ودرت وجهي عنه هذا ليش رافض اصلان خوش قسمه وين يلكه مثل زهراء اخت جابر در مالت الله تستاهل غيث وغيث يستاهلها ثنينهم طيبين والطيبون لطيبات... وصلنه ونزلت لبيتنه وكفنه كدام الباب وغزوان وصل ونزل هو مرته هم هيه بس نزلت ضلت تستفرض من معدتهاا اسراء وعلياء دخلن للبيت يتعاركن ع الغرف انه مشيت اشوف الحديقه همشي عندي من البيت كله امي تستطلع المطبخ والهول.... بعد ما اخواني ختارو الغرف ضلن ثنين وحده الي وحده لغياث هو طلع مدري وين انه صعدت شفتهن وكعدت بوحده تصير كبال غرفة اسراء وخليت الغرفه الثانيه لغياث يم غزوان كبال غيث تمددت ع جربايتي وانه فرحانه وخيرراا غرفه وحدي وبين اهلهلي كلوووش اندك الباب صحت تفضل دخلت اسراء وكعدت يمي ماتعرف شلون تبدي بالموضوع.... اي شبيج خوفتيني احجي اسمعج جان صرخت طفرتني

اسراء...... سسسمعي بلسم

طفرت..... هااا شكووو

اسراء....... شنو رايج بالي تتزوج عن حب

بلسم...... علاقه قصدج

اسراء..... اي هيج شي

بلسم...... حسب ثقتج بي اذا عال العال خير ع خير واذا عكس الشي فهذا حب من نوع التفاها

اسراء....... وشلون اعرفه يحبني ويريدني لزواج

بلسم..... شعندج اليوم تسئلين

اسراء...... هيج بس حبيت استفسر

بلسم..... تعال اخطبني وفضها وانتي طلعي وطفي الضوه وفضيني منج.... درت وجهي وهيه طلعت والله يالله اسراء انتي مو خاليه اذا ما طلعتي عاشكه ايدي اكصها من العرك... نمت كعدت ع امي تصيح عليه حتى اكووم كمت وفتحت عيوني شفتهاا بسته ونص صحت..... خيرر يمه شكوو من السته كااعدين

امي..... كوومي ورااج دووام اخوج سجلج وخلص كلشي ويكول خلي تجي اوصلها

بلسم..... هذاا يادوام يمه قصدج مدرسه لو شنو