البارت التاسع والثلاثون 💝
ما قبل الأخير ....
مشكلتي احبه هواي نعله ع ابيه
تعارن ويالشوك والحب عليه
.......
زهراء ....
وكفت ع اخر درج وهم عيونهم تجدح نار لزمني محمد من ايدي وجراني حيلل واحمد بصفه ... دخلوني للديوان وشمروني بي حيل ... رفعت راسي ابوي كاعد وعلي وجابر واكفين .... رجف جسمي وخفت حيل مسرع وصل الهم حجيه وياه غيث ماكو غير هو دزهن الهم ...
زهراء .... والله ما جان قصدي هيج اكول
احمد .... اسسس ولا حرف ولج هااي تاليتها تخوونين ثقتنه بيج وتتمعشكين
حسيت براشدي قووي ع خدي من محمد ولزمني من شعري راد يركعني بالحايط وجابر لزم ايده وجرني منه وخلاني ورا ضهره .... دموعي ع خدي وابجي بصوت عالي وشهك ...
محمد .... جابر بعد عني خلي اربيها الهاي الساقطه ولجج هااي تاليتها بسببب دلال ابوي الزايد الج تبعين شررفج وخررر عنيييي جااابر
جابر .... محمد صوتك خلي نفهم منها
احمد .... انته اخررر واحد يحجي لا تتفلسف ويانه وعبالك بس انته التفتهم وتأخذ الأمور بتفاهم
جابر .... احترررم نفسك احمد انا اكبر منك واخوها حالي حالك
احمد .... اجييت من تاااالي تريد تصير اخوها الحنين الماكو منه هذا قصدك
جابر .... اخوها من حقي انطي رأي بكل قرار تردون تتخذونه الها
احمد .... ما صاار الك هواي من اجيت وصاير الكل بالكل
كلنه صافين عليهم واحمد مبين حيل شايل ع جابر وابوي يباوعلهم ما حسينه غير جابر هجم ع احمد واحمد ضربه .... وتعاركو .... صاااح ابوووي بيهم صوت واحد بعد عن الثاني ....
الشيخ محسن .... حاسبكم زلم والسند وضهر لبعضكم هاي مراجلكم تطلعوها بيناتكم جا شخليتو للغريب
جابر .... يابه وداعتك حاسبه اكثر من اخوي بس هو من اجيت لحد هسه ما طايقني وكل ما نلتقي يذبله حجايه وانا ساكت لخاطرك بس لهنا وكافي ما اتحمل
علي .... احمد اطلع برة
احمد .... ما راح اطلع اريد احجي كافي اسكت هو صاحب الحك . من ساعة ما اجيت للدنيا واحنه ما مرتاحين بسببك كضه ابوي عمره يدور ع امك حتى يشوفك واحنه ما معترف بينه انته وامك خرربتو حيااتنه وان شالله ما تتتهنه طول حياتك
الشيخ محسن ..... احمدددد
ترك احمد ابوي وطلع وجابر ملامحه بهتت اجه يطلع بس ابوي ما خلاه .... صارت عيني بعين محمد خزرني واجه عليه بسرعه جنه تذكر شي ...
محمد .... تعاااي
لزمني من زندي يضغط كل قوته عليه صرخت متألمه من لزمته دفعني بالكاع وصارت الضربات تجيني من كل مكان .... وانه اصرخ من الألم
أنت تقرأ
رهان ابي (طفله)
Ficción General#غلطــان...😔 #اليـحـب ْع #الشـگل #مـيـدوم كلـشي #بمـظهـرهہ. #عـطـر البـخور #بِــ̯ الـعرس #نــفـــس الــــعــطر #بالمـــگبـــرهہ.
