Kiki ak Stecy

Sèn 3: Rankont Kiki ak Stecy

Sa fè plis ke 50 minit depi Kiki rive nan Barber Shop la, li kòmanse travay
resevwa kèk kliyan.

Jounen travay lan te kòmanse menm jan ak tout lòt jou yo pou Kiki, jiskaske vin
gen yon gwo machin ki kanpe devan Barber Shop la.

Machin lan tèlman bèl li pa pase inapèsi ditou,
tout moun nèt fikse zye yo sou machin lan pou yo teka wè kiyès kap soti anndanl
Se menm moman patron travay la ki rele Bob di

-Bob : mesye gad kijan on machin bèl, gendwa se kèk moun kap travay nan bwat leta wi

Te gen anpil moun anndan Barber Shop la, yo tout ret ap tann kiyès kap soti.
Genyen ki di se kèk gwo direktè, gen lòt ki di se kapab yon ti milat tou wi

-Bob : epa ou pa di anyen Kiki, daprè ou kiyès ki ap soti anndan machin lan ?
-Kiki : mwen pa vreman gen yon repons ak kesyon sa non patron
-Bob : eseye opine tankou tout moun Kiki, epa konnen nou konnen nou
menm, lè fini tekwè mwen toujou diw pa rele'm patron, rele'm Bob menm jan
ak tout moun

Bob toujou ap di Kiki pou li pa rele'l patron, men Kiki toujou ap di'l se yon fason pou li demontre respè'l

-Kiki : ebyen prefere nou annik ret tann epi nap wè kiyès ki ap desann nan machin nan, paske moun lan ap fini pa sòti kanmèm,
si se chevel li vin fè!!!!
-Bob : gadon Kiki mesye, ou twò serye fonti cool kòw.

Ebyen moman verite a rive pòt machin lan ouvri, premye moun ki sòti an se yon
bèl demwazèl. Tout chichotman ki te genyen anndan Barber Shop lan fini

Silans total, tout moun rete bouch ouvri je kale ou pata di se Beyonce an pèsòn ki
desann machin lan.

-Stecy : Bonjou

Tankou yon koral tout gason ki te anndan Barber Shop lan reponn : Bonjou,
Eksepte on sèl pami yo, sete Kiki
Tout je brake sou Stecy,

wawwwww gadon bote, tou moun anndan tap chuchote

Avèk yon souri ou pata di Stecy anvoute prèske tout jèn gason ki te anndan,
eksepte Kiki, ki pat prete atansyon avèl.

Stecy twouve sa dwòl se premye fwa li salye yon gason, pou gason sa pa reponn
li, se pa sèlman sa ki tout pwoblèm lan pou Stecy se fason Kiki pat menm pran
tan'l pou li te gade Stecy a.

Stecy te vin fè cheve yon ti frè li ki te desann machin lan aprè'l.
Patron travay la ki se Bob di Kiki pou li fè cheve ti frè Stecy a.

Vrèman vre Kiki
kòmanse fè cheve ti frè a.
Men ti frè Stecy a kòmanse ap bat kòl,

-Kiki : eseye ret tranki'l piti

Menm moman an Sam rive li desann moto a devan Barber Shop, li antre anndan

-Sam : Sak gen la mesye??

Yo pa menm reponn li paske tout moun ki te anndan te distrè tèlman yo tap gade Stecy,

-Sam : epam salye nou mesye nou pa reponn

Menm moman jel tonbe sou Stecy,
li di

-Sam : oh waw gadon ti zang, esak fè nèg yo paka reponn mwen an,
epa ou menm ki pitit bann moun François yo ?
-Stecy : wi

Stecy telman reponn Sam yon fason ki emab

-Sam : O my God 😍, ki mirak yo kite pitit fi cheri yo a soti???????!!!!!!!

Kiki gentan konnen Sam e kotel li vini, li fonti kite sa li tap fè a, menm moman an Kiki soti deyò a ansanm avèk Sam

-Kiki : ou konn tout moun ou menm tèt chaje
-Sam : non baz, li rete pi wo lakay la nan gwo kay blan
-Kiki : ok frèm, ou te pase met bagay la lakay la mwen an ?
-Sam : wi Kiki, mwen te wè papa'w mwen te tou balil
-Kiki : ok Sam
-Sam : banm on ti kach sou ou non broh, poum teka al achte on bagay
-Kiki : Tati Nitta pat baw lajan maten an?
-Sam : non broh, ou konnen lajan lap fè nan travay la parèt piti, paske papa'm te mouri kite anpil dèt se matant mwen ki ap ranbouse yo pou li, li pa
vrèman gen lajan pou li ap banm chak tan Kiki, ou konn tout bagay deja broh

Kiki fouye menl nan pòch li, li bay Sam yon ti kòb

-Kiki : piga se sigarèt ou pral achte pou'w al fimen non Sam ?
-Sam : non baz mwen, mwen pral achte yon fritay tou pre a la map vini talè Kiki

Sam tou ale vrèman vre.

men pandan Kiki ak Sam tap pale deyò a Stecy te al
nan zòrèy ti frè li a pou'l te mande'l fè yon bagay pou li.
Kiki antre li kontinye ap fè cheve ti frè Stecy a.

Men ti frè a bat kòl plis ke anvan

-Kiki : tanpri piti ret trankil ok
-Bob : Kiki ale pi dousman avèk pitit moun yo tanpri
-Kiki : ok, patron
-Bob : konbyen fwa pou'm diw pa rele'm patron Kiki?
-Kiki : ok Mesye Bob

Ti frè Stecy pa janm kite Kiki fin fè chevel lan, jiskaske Kiki oblije mande èd

-Kiki : demwazèl!!!!! demwazèl!!!!
-Stecy : mhh, avèm ou ye ?

Stecy fè sanblan ke li pat prete atansyon ak Kiki, poutan li byen kontan. Paske
depi lè Kiki pat reponn Stecy tale a, lè li te salye tout moun anndan Barber Shop
la, konpòteman Kiki te entrige Stecy anpil. Sa te pousel anvi pale avèk Kiki

Men ki fason mwen kapab anplwaye pou mwen teka pale avèk jenòm lan ? se
kesyon sa Stecy tap plede poze tèt li.

Jiskaske Kiki te soti al pale ak Sam, Stecy te tou pwofite de okazyon sa pou li te
parèt bò kote zòrèy ti frè a pou li teka mare yon konplo avèl
-Stecy : tanpri te frèm cheri kontinye bat kòw menm si ou ta tande yo diw rete
trankil, aprè map pase achte krèm avèw

Ti frè Stecy an konn kisa li tap defann, li te oblije kontinye bat kòl si se pat sa li
patap jwenn krèm lan.

Kiki mande Stecy eske li kapab fè ti frèl lan rete trankil ?

-Stecy : ehhhhhh, non
-Kiki : poukisa non an ?
-Stecy : avan tou ou pa dim silvouplè, lè fini mwen sezi ou pale avek mwen,
paske talè mwen salye tout moun ki la ou pat menm reponn menm

Kiki etone aprè sa Stecy di a

-Kiki : ok, silvouplè demwazèl fè ti frèw lan rete trankil
-Stecy : bon ok, kòm ou mande mwen sa avèk sajès map fè ti frèm lan rete
trankil ak yon sèl kondisyon
-Kiki : ok map koutew
-Srecy : mwen ta renmen ou banm nom Instagram ou

Kiki sezi, tout moun ki anndan Barber Shop lan ki tap swiv konvèsasyon an etone tou, genyen nan yo ki ap di ala Kiki gen chans mesye

-Kiki : oohhhwww, poukisa ou bezwen nom Instagram mwen?
-Stecy : mhhhhhhh pou anyen, lè fini se kondisyon an sa wi, si ou vlem pale ak ti frèm lan pou li kitew fin fè chevel
-Kiki : ok
-Stecy : ou promèt mwen sa?

Kiki fonti souri, avèk on vizaj etone li reponn
-Kiki : wi, map bawoul aprè

Moun ki anndan Barber Shop la poko janm ka konprann sa kap pase a

Vrèman vre Stecy pale avèk ti frè li an pou li pa bat kò li ankò,
lè Kiki fin fè cheve ti frè a, li bay Stecy nom Instagram li an.

-Stecy : Bay tout moun

Avèk yon souri ki make kontantman plis viktwa Stecy pran men ti frè li an, yo soti nan Barber Shop la yo monte machin lan yo ale.
Se la tout jèn gason anndan yo ap di Kiki ou gen anpil chans wi ou menm, Kiki pa
menm prete atansyon ak sa yap di yo.

A swiv........................................................