Kiki ak Stecy

Sèn 5: Avniw!!

Jodia Samedi se jou konge pou Kiki , li apèn fè 11 zè nan maten Kiki te chita lakay li kas li nan zòrèy li jiskaske

-Yonèl : Kiki!Kiki!

Yonèl kap rele Kiki paskel santi yon malèz

-Kiki : wi papa, map vini

Li deplase al jwenn papa'l.

Lè li rive, li wèl kouche

-Kiki : men mwen papa, saw gen la?
-Yonèl : edem leve poum al pase on ti dlo nan figi mwen, paske mwen pa santim twò byen

Vrèman vre Kiki pran menl pou li soutnil

-Kiki :ou konsa souvan lè mwen al travay papa?
-Yonèl : e jodia wi mwen santi malèz sa
-Kiki :ok! Ou te pran medikaman ou yo papa?
-Yonèl : non pitit mwen
-Kiki : kòman non an papa?
-Yonèl : paske yo fini depi avan yè
-Kiki : ohhhh!!! Poukisa ou pat gentan dim sa yè mtap tou achte yo pou ou papa?
-Yonèl : a pitit gasonm mpat vle anmèkdew ak bagay sa
-Kiki : kòman ou pat vle anmèkdem lan papa ! esak fè ou gen malèz lan wi, ou konnen trè byen depiw pa pran medikaman ou yo wap janw ye a kounya
-Yonèl : pa bay tèt ou pwoblèm pou sa pitit mwen se yon malèz tou piti
-Kiki : papa depi medikaman ou yo fini dim sa tanpri paske se nou de a kap viv nan kay la, youn ap voye je sou lòt
-Yonèl : lè fini ou dwe kòmanse bay tèt ou lòt priyorite ke mwen wi Kiki
-Kiki : kòman sa papa?
-Yonèl : kòmanse panse pou avniw, pou tèt ou
-Kiki : ou konnen trè byen mpa neglige avni'm, mwen preske fini ak bagay inivèsite a, e mwen toujou gen bèl nòt
-Yonèl : mwen konn sa epa de etid ou map pale avèw Kiki, ou konte ret fè rès viw avèm? Ou pap chèche on ti mennaj pouw marye pouw gen pitit, pouw konstwi yon fwaye??
-Kiki : papa epa bagay sa yo ki nan tèt mwen la kounya
-Yonèl : saw ap di konsa Kiki ou gen gwo 24 lane sou tèt ou, sa fè lontan mpa wèw pase avèk on demwazèl nan zòn lan, pa dim ou vin Gay???
-Kiki :non papa ohhh!!! Ki ide sa ou met nan tèt ou la, mhhh
-Yonèl : annn ok, mtap fout ou on kout baton siw ta tounen Gay sou mwen la

Yo tou de tonbe ri,
ou mèt tande Kiki rezève li toujou santi'l byen lè li bò kote papa'l, yo alèz anpil epi yo toujou ap bay ti blag yo ansanm

-Yonèl : e jwe mwen tap jwe Kiki,antouka on gason ki vin Gay se chwa pa li, mpa gen dwa poum kritike li, paske yo gen plas yo nan mond lan tou
-Kiki :ebyen ok papa, mpral achte medikaman yo pou ou

Direksyon famasi an, Kiki pran lari.

Stecy ki te fin pran nimewo telefòn Kiki nan men Sam apèn rive lakay li, tou rele Kiki sou plas

Zip zip!! Pòch Kiki ap vibre pandan li preske rive lakay li, paske li te gentan fin achte medikaman yo.
Li rale telefòn lan nan pòch li, li wè yon nimewo enkoni
-Kiki : Hallo bonjou se...........