-Riggo : kòman ou ye pitit fim?
-Stecy : mwen byen e ou menm papa?
-Riggo : trè byen
-Stecy : mwen vini yon bon ti moman, ou konn sa papa?
-Riggo : wi, paske youn nan sèvant yo te mansyone sa
-Stecy : e menm sèvant lan te dim wap vini nan anviron 30 minit
-Riggo : wi mwen te sipoze vini pi bonè, men lè mwen tapral deplase sekretè a dim mwen gen yon reyinyon enpòtan ki ap dire 2 zè de tan
-Stecy : se toujou konsa, travay, travay, travay
Mr Riggo se yon gwo PDG antrepriz, li toujou okipe sa ki te konn koz li pat janm vrèman bay Stecy ki se premye pitit li tan
Se rezon sa ki koz Stecy avèk li toujou an dezakò,
Men Mr Riggo fyè de Stecy anpil e renmen li tou
Dine a kòmanse kèk tan, aprè yon ti konvèsasyon tou kout ki te kòmanse ant yo de a, vin gen yon silans pandan 2 minit
Jiskaske papa Stecy kòmanse vrè diskisyon an
-Riggo : ou gentan fin reflechi sou kesyon maryaj la Stecy?
-Stecy : mwen te gentan gen yon presantiman se poutèt sa ou te mandem pou mwen vini kotew lan, mtap bay tèt mwen kouraj mte panse se paske ou te anvi wèm, men mwen te twonpe konplètman
-Riggo : Stecy pitit fim mwen te anvi wèw e mwen kontan wèw, men ....
Stecy koupe pawòl la nan bouch papal
-Stecy : men pawòl antrepriz la pi enpòtan, se sa ou tapral di, pa vre?
-Riggo : Stecy sispann, ou konnen trè byen se pou byen ou map fè tout sa yo, se desizyon kap bon pou ou, pou avniw e ki nan avantaj ou mwen vle ou pran
-Stecy : wi mwen dakò se pou byen'm, men se nan avantaj ou
VOUS LISEZ
Kiki ak Stecy
RomanceMèsi anpil dèske ou chwazi liv sa e ou chwazi fè otè a konfyans pou prezantew istwa sa. Ki pale de yon jèn gason ki rele Edward Lovensky, zanmi'l ak pwòch li rele'l Kiki. Li ap viv sèlman ak papa'l ki rele Edward Yonèl, paske manman Kiki te abandon...
