Kiki ak Stecy

Sèn 18 : randevou a N°1

Stecy rive li desann machin lan

Yon ti wòb kout, nwa dekòlte, fann arebò

Sexy pa ase pou on moun ta dekri fanm sa 🥵

Li anvoute mezi moun ki wè li
E ta sanble menm sou Kiki li fè efè tou, paske depi lè li desann machin lan Kiki friz tèlman lap gade Stecy.

Stecy ap mache vin sou Kiki, lè li prèske rive Kiki sekwe tèt li, epi li di nan pansel

"Sa kap pasem konsa🤥, pran tèt ou, reveyew Kiki"

Stecy ki tap swiv aksyon an, te wè lè Kiki
te sekwe tèt li a, lè li rive bò kote Kiki li mandel

-Stecy : tout bagay ok Kiki? Paske talè a mwen te santiw pèdi nan pansew 😊

Kiki sispèk aprè li reponn

-Kiki : non se pat anyen, tout bagay ok, an pasan ou vrèman bèl wi

Stecy ki sezi fè 5 segond ap gad Kiki, aprè li reponn

-Stecy : mèsi anpil
-Kiki : kòmsi mwen wèw sezi?!!!
-Stecy : wi paske mwen pat atann ak sa
-Kiki : sa ??????
-Stecy : wi, saw sot di an

Stecy sou blòf paske li konnen byen fason li abiye a kapab kaptive atansyon kèlkeswa moun lan

-Stecy : mwen pat panse ou tap remake ke mwen bèl aswè a, alevwa pou ou ta dim sa,
paske ou sanble pa enterese avèk mwen menm

Kiki gade li nan zye epi li souri

-Kiki : finalman mwen genlè fonti entèrese avèw

Stecy souri lè li di'l sa

-Stecy :mhhh ok, mwen wè ou byen kostime !
-Kiki : sanble sa etonew?
-Stecy : non se pa sa, kòm se mwen ki tap fòsew ak randevou sa, mwen panse ou tap vin nenpòt kòman, men ou vrèman bèl tou

Kiki souri

-Kiki : mwem akòde anpil enpòtans ak sa map mete sou mwen, e mwen te anvi mete vès sa
-Stecy : ok mwen konprann

Aprè ti konvèsasyon sa deyò a yo antre anndan restoran, yo chita epi yon sèvè pote yon meni pou yo

Stecy ap vire tèt li tout kote pou li gade anndan restoran

-Kiki : ou gen yon pwoblèm?
-Stecy : mhhhh, poukisa se la ou chwazi premye randevou nou
-Kiki : koman sa?!!!
-Stecy : ou te ka chwazi yon lòt kote ki pi....

Kiki te gentan konn kisa li tapral di, li fin dil pou li

-Kiki : ki pi bèl, gen plis lix ?! esa ou tapral di???? Poukisa nou menm ti rich sa yo nou paka wè lavi a senp, aprann apresye chak ti detay lavi a pote ba nou
-Stecy : wi men...., se mwen ki pou te chwazi kote a

Kiki kòmanse vekse

-Kiki : ou bezwen kontwole tout bagay??

Kiki gadel li sekwe tet li aprè li plenn

-Kiki : mhhhhh

Stecy se yon bon moun sevre
men depi lè lap grandi li jwenn papa'l ofri'l tout sa li bezwen, li grandi nan lix

-Stecy : pwochèn fwa e mwen ki pou chwazi kote a
-Kiki : sak diw ap gen yon pwochèn fwa,
Bon menm kounya ou kòmanse fèm regrèt mwen te vini
-Stecy : poukisa ou di sa?
-Kiki : paske ou sanble pa renmen restoran sa, epi ou gen yon fason nan ou mwen pa apresye ditou
-Stecy : ki fason?
-Kiki : ou konn kisa li ye,
ou toujou bezwen kontwole tout bagay
-Stecy : mwen pa nan eta ou panse mwen ye a, lè fini pa bliye objektif randevou sa se pou mwen kapab pwouvew ke mwen pa tip de moun ou panse mwen ye a
-Kiki : ebyen ou mal kòmanse pwouvem sa, an pasan mwen gen yon kesyon pou ou
-Stecy : Ki kesyon?
-Kiki : poukisa bòs mwen an te aksepte kitem ale bonè konsa?