هو فقط

2

#هو فقط (2)
بقلم : زينب أمير

زي الساعه 10 صباحا كده البيت ده اتملا بأهل خالتو ساميه ناس البلد وطبعا هم م شاء الله كتار كتره شديده وناس داخله وطالعه وكوراك الشفع وفرقه للنفس زاتو ماف كنا قاعدين في غرفه رؤى العروسه عامله ليها ماسك واتجلبطنا معاها😂 عاد فرصه م بتتعوض جاتنا خالتو ساميه جابت الفطور قالت لينا أكلوا وقوموا امشوا ناس سلوى (جيرانهم)  علشان البيت زحمه وكده ريهام قالت ليها تمام نحنا ح نرتب الحاجات البنحتاج ليها ونشيلها معانا امها قالت ليها سمح ومشت أثناء م بنفطر رؤى جاتها مكالمه عاينت ل تلفونها وبقت تتكشم بقينا نشاغل فيها انا وريهام ونغمز ل بعض ادتنا عين كده طوالي سكتنا منها بعد الفطور طوالي جات صحبت رؤى وهي زاتها بت جيرانهم ال نحنا ماشين ليهم اسمها موده مشو مع بعض ونحنا ح نلحقهم بعد نرتب البيت شويه كنا شغالين نرفع هنا ونضاير هنا لحدي م انتهينا بعد ساعه،،، اصلا كان م محتاج كتير جاتني لمياء ادتني التلفون قالت لي هاك دي ماما شلت منها التلفون وسلمت عليها قالت لي تلفونك جادعاهو وين من قبيل بتصل عليك م داخل لي قلت ليها تلفوني طافي شحن وكنا شغالين نضافه ونسيتوا عديل كده قالت لي سمح اشحنيهو طيب قلت ليها حاضر وسألتها جايين متين ووصلوا وين أسي؟ قالت لي علينا شويه لسه م اتحركنا من البيت استغربت طبعا قلت ليها كيف يعني م اتحركتوا والظهر شويه ويأذن قالت لي العربية لسه م جات قال ماشي يملاها بنزين قلت ليها عاد بالغ لكن م عارف وراهو سفره عدم التزام مبالغ فيهو قالت لي نعمل شنو لكن المهم نحنا كده للمغرب بنكون معاكم قلت ليها تمام توصلوا بالسلامه قالت لي يلا امشي ساعدي البنيات م الخمكم ابوك ماشي الصلاه مسافه الراجل يجي قلت ليها طيب قفلت منها واديت لمياء تلفونها قلت ليها ارح معانا الجيران قالت لي لالا م ماشه شايفه البنات ديلك اشرت لي عليهم عاينت لقيتهم زي تلاته اربعه بنات كده قلت ليها آها مالهم؟ قعدت تتبسم قالت لي لا م مالهم حاجه لكن ظريفاات شديد طبعا ديل اتعرفت عليهم أمس اتخيلي طلعوا جيرانهم وانا اول مره اشوفهم الأسبوع ده انا كنت وين يااخ كيوتاات شديد قلت ليها حلو طيب جات رهومه قالت لينا ارح قلت ليها تمام عاينت لي لمياء قلت ليها جد م ماشه؟ قالت لي اي اي بتتكلم معاي وهي ماشه على اتجاهم قبلت على ريهام وقلت ليها ارح طيب دخلنا الغرفه شلنا حاجاتنا واتحركنا لقينا الباب فاتح لكن متكئ سلمنا ودخلنا ليهم في الغرفه لقيناهم نايمين م جايبين خبر قعدنا نتونس انا وريهام قالت لي شعورك شنو وبعد سويعات ح تشوفي أمجد وقعدت تغمز لي ضحكت قلت ليها والقال منو ح اشوفو،،،، قالت لي كيف كيف قلت ليها عديل كده انا م عايزاهو يشوفني قالت لي ليشنو طيب؟؟ مالك في حاجه ي لجين!! قلت ليها ماف ولا حاجه بس كده،،، يااخ انتي عارفه لمن اشوفو بحصل لي شنو وبتلخبط كيف قالت لي برضو ده م سبب وبعدين يعني اكيد بطريقه ما ح تشوفيهو استحاله يعني،، م تنسي العيد والعرس والجوطه دي كلها قلت ليها م عارفه ياخ متوتره شديد لي سنهه من آخر مره شوفتو فيها أسي شكلو بكون اتغير ولا حلو زي م هوو اصلاَ ح يكون بقى احلى اكترر مما هو حلو اخوك ح يجلطني ياخ بسماحتوو دي ؟!!! قعدت تضحك قالت لي ي الأخت بطلي انبراش في اخوي قلت ليها خوخا لفي بالله بقينا نتعابط مع بعض قمنا صلينا الظهر وجينا رقدنا نمنا بعد عملنا ماسك علشان النوره وكده ههه....