هو فقط

3

هو فقط(3)
بقلم: زينب أمير

سامعه الصوت والسلام بعيد جاتني ريهام وقفت جنبي وبتهز فيني خفيف ع كتفي قالت لي قومي سلمي عليهو علشان نمش قبلي م تتم باقي كلامها تلفونها ضرب مشت بعيد شويه قمت مشيت انتظرها جنب باب الشارع جاتني بعد دقيقتين قالت لي ارح اتصلت لي رؤي تاني بتسأل مننا قلت ليها ارح طيب واتقدمت قدامها،، بقينا ماشين في الشارع وهي نهائي أبت تسكت وانا اصلاً م معاها قالت لي لجين انتي معاي قلت ليها هاا ايوه معاك قالت لي رأيك شنو طيب قلت ليها في شنو ضربتني وقعدت تضحك قلت ليهاا واي مالك يدك دي نار بس قالت لي وين وين انتي يااخ انا لي ساعه بنبح برأي قلت ليها الحمد لله عارفه روحك براك انك نباحه ضربتني تاني قالت لي جد والله مالك؟ حاسه ب شنو؟ أسي م كنتي كويسه وفرحانه ب امك وابوك لأنهم جو قلت ليها م تنسي أمجد زاتو جاا وقبلت منها قالت لي ويعني؟ عاينت لي بطرف عينها قلت ليها م تعايني لي كده واسكتي مني بس قالت لي والله ي لجين انتي طيب بعد نصل البيت بنتفاهم م رديت عليها سكتنا شويه قالت لي الايام الجايه ح تكون رهيبه يااخ موضوع العيد والعرس والحفلات ونلبس شنو ونعمل شنو ونمشي الكوفير حماس حمااس دخلت البيت و قلتا ليها حقيقه يااخ،،، ح نستمتع جد جد لاقتنا موده في الحوش قالت لينا لا والله م كان تجو ريهام قالت ليها تقولي شنو بس،، عارفنكم م بتقدرو تعيشوا بدونا ضحكت قالت لينا ادخلو ادخلو.....

اليوم التاني من الصباح بدري مشينا ناس خالتو ساميه معاي ريهام كانت الساعه 6 كده شربنا الشاي بالبسكويت وكان في مره بتعمل في زلابيه مشت لمياء جابت  صحن وجات دايره اشيل كده جرت الصحن مني قالت لي لا قلت ليها كيف يعني قالت لي عديل كده ديك ليها خالتو امشي شيلي منها قلت ليها لمياء ودمعت ليها عيوني اصلا انا دموعي قريبه ودائما مساعدني في المواقف الزي دي قالت لي خلاص م تبكي لينا أسي،، امي وريهام قعدوا يضحكوا امي قالت لي بتي الحساسه شديد والمستهبله كمان وقعدوا يضحكوا تاني قعدنا نتونس ل قريب 10 بعدها قمنا جهزنا مع النسوان الفطور اصلا م كان في حاجه كتيره يعملوها غير طلعنا الصواني والصحانه وجهزنا الشاي والقهوه  فطرنا وقمنا غسلنا العده انا وريهام  وقلت ل امي ماشين الترزي انا وريهام عندها فستان ماشه تجيبوا ومنها طوالي ح نمش ل ناس رؤى قالت لي تمام قلت ليها وتاني زاتو أمكن م نجي هنا كتير دايرين نبقى نايرين العرس بعده كبس قالت لي ي زولهه م مشكله خلاص امشوا اصلا ماف مواضيع اليومين ديل والناس أسي في موال العيد قلتا ليها بالضبط كده يلا.. طلعنا انا ورهومه مشينا جبنا الفستان وطلع رهيب شديد دفعت القروش ومرقنا ع البيت...

طبعا الايامات الفاتت كنا شغالين ماسكات واي حاجه بتعملها العروس بنجلبطها معاها يوم التيسوعه بليل اتصلت علي امي قالت لي تعالي انتي وريهام البيت قلت ليها قي شنو قالت لي لالا ماف حاجه لكن دايراكم تجو تخبزوا قلت ليها كيف يعني مش خالتو كانت خابزه قالت لي اي لكن طبعا أهلها ديل أسي بقى في باقيهو كانت رافعاهو فوق الدولاب قلت ليها ي ساميه انتي غلطانه زاتك الناس دي داخله وطالعه بالغتي قالت لي آها اعمل شنو أسي كنته ملخومهه ونسيتو عديل قلت ليها خلاص بكلم البنات ديل يجو يخبزوا آها بس اسي تعالوا سريع قبلي العشا يأذن وجيبو معاكم ملابسكم طوالي امشو من هنا صلاه العيد قلت ليها تمام بشوف وفعلا ناديت رهومه كلمتها ولبسنا لينا تياب وشلنا حاجاتنا ومرقنااا وصلنا وبدينا خبيز طوالي خلصنا قريب 2 صباحا قبلي م نطلع من المطبخ قلت ليها رهومه حبيبتي ارح  نخت الخبيز في جرادلو طوالي ونرتب معانا المكان قالت لي تمام ادخل الحمام اول وبجيك قلت ليها طيب ح ابدأ قبلي م تجي هزت لي برأسها ومشت بديت اخت الخبيز في الجردل فجأه اسمع صوت بقول السلام عليكم سكت شويه وقال لي لو سمحتي انا في اللحظه ديك بقيت لا بسمع لا بشوف وقلبي ده شغال دق دق....

يتبع....