٢١ی ئوکتوبەرێ
ئەڤروکە من دیمەنەکێ گەلەک سەیر دیت و من دڤیا ئەز بۆ تە بنڤسیم ، زارۆکەکێ هەژار دناڤا بازاریدا بوو پێکول دکرن ئاڤێ بفروشیتە خەلکی، راستە یا بوویە دیاردەکا نورمال کو ب دەهان زارۆکێن بێ خودان و هەژار و خواندنگە هێلای د ناڤا بازاریدا کەل و پەل و خوارنان د فروشن، بەلێ یا بومن سەیر ئەو بوو کو ڤی زاروکی گرییەکا گەلەک هێدی دکر...!
دەما ئەز بەرەف لایێ ویڤە چوویم ئێکسەر روندکێن خۆ پاقژ کرن و گەلەک شەرم کر، و گوتە من : " دێ ئاڤەکێ ژ من کری مام؟ "
من بەرێ خو دا سیمایێ وی ، گەلەک نیشانێن بێ گونەهیێ لێ دیار دکرن، من دەست هاڤێتە بەریکا خۆ کێم پارە ڤمن بوون..!
من ئەو پارە دانە وی کوری و ئاڤەک ژێ کری و ئەز بەرەڤ مال ڤە هاتم.
د راستیدا ئەز چوو بوومە بازاری داکو بۆ خو ل کارەکی بگەرم و بشێم پاران ب دەست خوڤە بینم، بتنێ دا بشێم هندەک جل و بەرگێن وەکی وی کوری بکرم ئەوێ دگەل تە ئاخفتی بەلێ هەر جهەکێ من داخوازا کاری ژێ کری رازی نەبوون ئەز لدەف کارکەم، دراستیدا هەمییان کەس و کارێن خو دبرنە دەف خو بو کاری، و ژبەر کو من کەس نە دنیاسی من نەشیا بۆ خو کارەکی بینم و ئەز ب بێ هیڤیبوونەکا دژوار دڤریمە مال، من د دلێ خودا دگوت خۆزی پارە نە بنیاتێ کەیفخوشیێ بان، بەلێ یا ژ هەمیێ نەخوشتر بۆمن پتر ئەڤ راستییا تەحل دیار دبوو، بەلێ یا ژ هەمیێ نەخوشتر بومن ئەو بوو، من نەدزانی دێ چەوا هێم دگەل تە ئاخڤم و سەرنجا تە راکێشم؟ دێ چەوا وەکەم کچەکا وەکی تە جوان بۆ لایئ خو ببەم؟رۆژ بەرەف ئاڤابونێ ڤە دچیت و ئەز ل مالا خو یا کو ژ دوو ژۆرا بتنێ پێک دهێت یێ رینشتیمە، من گەلەک هزرا خۆ دکر ئەز چبکەم دا کو خو پتر نێزیکی تە بکەم؟ من. بریار دا ئەز هندەک لاپەران بینم و وەسفا تە تێدا بکەم، ئەڤە هندەک ژ وان نڤیسینا نە یێن من بۆ تو نڤیسین :
تۆ دزانی کا جوانیا تە چەندە!
ژدل تو هزر دکەی ئەو کەسێ تو د قودیکێ دا دبینی تو؟
یان جوانییا تە دیاردکەت
نەخێر! ئەز داخوازا لێبورینێ ژتەدکەم
بەلێ پا گەلەک تشت یێن ژ تە چووین
دیتنا وێ جوانییا ددێمێ تە دا هەی یا ژتە چووی
ببورە! بەلێ تو نەشێی خو ببینی.. لدەمێ دگرنژی
یان ژی وان بەرێخودانێن تە، ئەڤێن مرۆڤی دبەنە جیهانەکا دی
بەحسی چاڤێن تە ناکەم!
ئەو چیرۆکەکا دی یە…خۆزیکا ئەز گەردوونێ تە بام
و تو ستێرەک بای، د ناڤ مەدارێ من دا زڤریبای خۆزیکا جیهان هەمی چرکەیەک با
و دوێ چرکێدا، تو برەخ من ڤە بایئەرێ کەسەکێ دی ژ تە جوانتر هەیە؟
باوەرناکەم
دژیانا خو هەمیێ دا من کەسەک وەکی تە نەدیتییە کەسەک ب جوانیێ، ب ڤێ نازکیێ هاتبیتە ئافراندن
ئەز باوەرناکەم ئێک وەکی تە هەبیتن
دیتنا تە وەل من دکەت ئەز بگرنژم ئەگەر خۆ تو چ
نەبێژی ژی
سالۆخەتێن تە وەکی یێن کەسێ نینن
تو ژ هەر کەسەکی جوانتری
ئەرێ تو ژ ئەسمانا کەتییە؟
💓🌸
ڤوت بکە
وێ موزیکێ بدە کاری و بخوینە
ŞİMDİ OKUDUĞUN
27th Of December
Romanceپەرتووکا ٢٧ دیسەمبەرێ نڤیسەر : محمد سیوان ئەز دێ ڤێ پەرتووکێ نڤیسم چنکو ژ راستا ژی گەلەک یا خوشە دبیت گەلەک ژ هەوە خواندبیت دبیت گەلەکا ژی نە 🤍🌸